ລິ້ງ ສຳຫລັບເຂົ້າຫາ

ວັນອາທິດ, 25 ກັນຍາ 2022

ບີພີພະຍາຍາມອີກເທື່ອໃໝ່ເພື່ອ ຢຸດຕິການຮົ່ວໄຫລຂອງນ້ຳມັນ


ການພະຍາຍາມທີ່ຈະຢຸດການຮົ່ວໄຫລຂອງນ້ຳມັນ

ບໍລິສັດພະລັງງານຍັກໃຫຍ່ບີພີກ່າວວ່າ ການປະຕິບັດ
ງານໃໝ່ເພື່ອພະຍາຍາມຢຸດຕິການຮົ່ວໄຫລຂອງນ້ຳມັນ
ໃນບໍລິເວນອ່າວເມັກຊິໂກ ຈະດຳເນີນຕໍ່ໄປ ຕາມແຜນການ
ທີ່ໄດ້ວາງໄວ້.

ແຕ່ພວກເຈົ້າໜ້າທີ່ເຕືອນວ່າ ບໍ່ມີການຄ້ຳປະກັນວ່າການ
ປະຕິບັດງານດັ່ງກ່າວຈະໄດ້ຜົນ. ການດຳເນີນຄວາມພະ
ຍາຍາມເທື່ອລ່າສຸດ ໄດ້ເລີ້ມຂຶ້ນໃນມື້ວານນີ້ເວລາບໍລິສັດ
ບີພີເລີ້ມປ້ຳທາດປະສົມທີ່ເປັນຂອງແຫຼວໄປຍັງບ່ອນທີ່ມີ
ການຮົ່ວໄຫຼນ້ຳມັນ. ຫົວໜ້າບໍລິຫານຂອງບໍລິສັດບີພີ
ທ່ານ TONY HAYWARD ກ່າວວ່າຈະໃຊ້ເວລາປະມານ24 ຊົ່ວໂມງກ່ອນທີ່ທາງ
ບໍລິສັດຈະສາມາດຮູ້ໄດ້ວ່າ ການປະຕິບັດງານທີ່ວ່ານີ້ໄດ້ຜົນຫລືບໍ່.

ທາງບໍລິສັດບີພີກະປະມານວ່າໂອກາດທີ່ຈະປະສົບຄວາມສຳເລັດມີຢູ່ໃນ ລະຫວ່າງ
60 ຫາ 70%. ເຈົ້າໜ້າທີ່ເວົ້າວ່າ ຄວາມເລິກຂອງບໍ່ນ້ຳມັນ 1 ພັນ 500 ແມັດຢູ່
ພື້ນທະເລນັ້ນ ແມ່ນເຫດຜົນສຳຄັນທີ່ບໍ່ສາມາດໃຫ້ການຄ້ຳປະກັນ ກ່ຽວກັບຄວາມສຳເລັດ
ໃນການປະຕິບັດງານໄດ້. ການປະຕິບັດງານແບບນີ້ ບໍ່ເຄີຍທົດລອງມາກ່ອນ ໃນຄວາມ
ເລິກລະດັບນີ້.

ຂະນະດຽວກັນ ເຈົ້າໜ້າທີ່ສະຫະລັດກ່າວວ່າ ປະທານາທິບໍດີສະຫະລັດ ທ່ານ ບາຣັກ
ໂອບາມາ ໄດ້ສັ່ງໃຫ້ໂຈະການເຈາະນ້ຳມັນໃນເຂດທະເລຂວັ້ນໂລກເໜືອ ຂະນະທີ່ເກີດ
ໄພພິບັດກ່ຽວກັບເລື່ອງນ້ຳມັນໃນບໍລິເວນອ່າວເມັກຊິໂກ.

XS
SM
MD
LG