ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

​ຄວາມ​ເປັນ​ຫ່ວງ ໃນ​ດ້ານ​ລາ​ຄາ​ນ້ຳ​ມັນ ແລະ​ ໄວ​ຣັ​ສ​ໂຄ​ໂຣ​ນາ ໄດ້​ພາ​ໃຫ້ ລາ​ຄາ​ຮຸ້ນ​ ຕົກ​ລົງ​ຢ່າງຫຼວງຫຼາຍ


ນັກ​ຄ້າ​ຮຸ້ນ​ຄົນ​ນຶ່ງ ແນມ​ເບິ່ງ​ຈໍ​ພາບ​ຂອງ​ລາ​ຄາ​ຮຸ້ນ ຢູ່​ທີ່​ຕະຫຼາດ​ຮຸ້ນ​ໃນ New York Stock Exchange (NYSE) ໃນ​ນະ​ຄອນ ນິວຢອກ, ລັດ​ນິວຢອກ ຂອງ​ສະ​ຫະ​ລັດ, ວັນ​ທີ 6 ມີ​ນາ 2020. REUTERS/Andrew Kelly
ນັກ​ຄ້າ​ຮຸ້ນ​ຄົນ​ນຶ່ງ ແນມ​ເບິ່ງ​ຈໍ​ພາບ​ຂອງ​ລາ​ຄາ​ຮຸ້ນ ຢູ່​ທີ່​ຕະຫຼາດ​ຮຸ້ນ​ໃນ New York Stock Exchange (NYSE) ໃນ​ນະ​ຄອນ ນິວຢອກ, ລັດ​ນິວຢອກ ຂອງ​ສະ​ຫະ​ລັດ, ວັນ​ທີ 6 ມີ​ນາ 2020. REUTERS/Andrew Kelly

ຕະຫຼາດ​ຮຸ້ນ ໄດ້​ຕົກ​ຕ່ຳ​ລົງ ​ໃນ​ວັນ​ຈັນ​ມື້ນີ້ ຍ້ອນ​ຄວາມ​ເປັນ​ຫ່ວງ​ ໃນ​ສອງເລື້ອງ ກ່ຽວ​ກັບ​ລາ​ຄາ​ນ້ຳ​ມັນ ແລະ​ຜົນ​ກະ​ທົບ​ທາງ​ດ້ານ​ເສ​ດ​ຖະ​ກິດ​ຂອງ​ໄວ​ຣັ​ສ​ໂຄ​ໂຣ​ນາ ທີ່​ໄດ້​ແຜ່​ລາມ​ອອກ​ໄປຫຼາຍກວ່າ 100 ປະ​ເທດ​ແລ້ວນັ້ນ ໄດ້​ດຶງ​ເອົາ​ລາ​ຄາ​ຂອງ​ ຮຸ້ນ​ຕ່າງໆ​ລົງ.

ລາ​ຄາ​ນ້ຳ​ມັນ ຕົກ​ລົງ​ໃນ​ອັດ​ຕາ​ສະ​ເລ່ຍ 30 ເປີ​ເຊັນ ຍ້ອນຜົນຕໍ່​ເນື່ອງ​ທີ່ມາ​ຈາກ ​ການ​ຕົກ​ລົງ​ກັນ​ບໍ່​ໄດ້ ​ຂອງ​ບັນ​ດາ​ຜູ້​ຜະ​ລິດ​ນ້ຳ​ມັນໃຫຍ່ ກ່ຽວ​ກັບ​ການ​ຕັດ​ການ​ສະ​ໜອງ​ນ້ຳ​ມັນ ທ່າມ​ກາງ​ການ​ຫລຸດ​ລົງ​ຂອ​ງ​ຄວາມ​ຕ້ອງ​ການນັ້ນ.

ຄວາມ​ກົດ​ດັນ​ຂອງທັງສອງ​ດ້ານ​ດັ່ງ​ກ່າວ ໄດ້​ສົ່ງ​ຜົນ​ໃຫ້​ລາ​ຄາ​ຮຸ້ນ​ທັງ​ຫຼາຍ​ໃນ​ຍີ່​ປຸ່ນ​ຕົກລົງ ໃນ​ອັດ​ຕາ​ສະ​ເລ່ຍ 5 ເປີ​ເຊັນ ໃນ​ວັນ​ຈັນ​ມື້ນີ້ ໃນ​ຂະ​ນະ​ດຽວ​ກັນ ຕະຫຼາດ​ຮຸ້ນແຮງ ເຊັງ (Hang Seng) ຂອງ​ຮົງ​ກົງ ​ໃນ​ຕອນ​ປິດ​ຕະຫຼາດ ​ລາ​ຄາ​ຮຸ້ນ​ໄດ້​ຕົກ​ລົງ​ ໃນ​ອັດ​ຕາ​ສະ​ເລ່ຍ 4 ເປີ​ເຊັນ ແລະດັດ​ສະ​ນີ​ຮຸ້ນ​ທັງຫຼາຍ​ທີ່​ນະ
ຄອນ​ຊຽງ​ໄຮ້ ຫຼື Shanghai Composite Index ໄດ້​ຫລຸດ​ລົງ ໃນ​ອັດ​ຕາ​ສະ​ເລ່ຍ 3 ເປີ​ເຊັນ ໃນ​ຕອນ​ປິດ​ຕະຫຼາດ.

ສ່ວນຢູ່ຕະຫຼາດ​ຮຸ້ນ ​ໃນ​ອັງ​ກິດ ຝ​ຣັ່ງ ແລະ​ເຢຍ​ຣະ​ມັນ ທັງ​ໝົດ ໄດ້​ພົບ​ເຫັນ​ວ່າ ລາ​ຄາ​ຮຸ້ນ​ໄດ້​ຕົກ​ລົງ​ຢ່າງ​ໃຫຍ່ ໃນ​ຂະ​ນະ​ທີ່ ຕະຫຼາດ​ທັງຫຼາຍ ໄດ້​ເປີດ​ໃນ​ວັນ​ຈັນ​ມື້ນີ້ ແລະ​ອະ​ນາ​ຄົດ​ຂອງ​ຮຸ້ນ ສຳ​ລັບ​ຕະຫຼາດ​ຂອງ​ສະ​ຫະ​ລັດ ໄດ້​ຊີ້ບອກ​ວ່າ ລາ​ຄາ​ຮຸ້ນຈະ​ຫລຸດ​ລົງ​ໃນ​ອັດ​ຕາ​ສະ​ເລ່ຍ 5 ເປີ​ເຊັນ ກ່ອນ​ໜ້າການ​ຊື້​ຂາຍໃນ​ວັນ​ຈັນ​ມື້ນີ້​.

Financial markets slumped Monday, dragged down by dual concerns over oil prices and the economic effects of the coronavirus that has spread to more than 100 countries.

The price of oil fell 30% percent on the continuing fallout from a failure of top oil producers to agree on cuts to supply amid a drop in demand.

The combined pressures sent stocks in Japan down 5% Monday, while Hong Kong's Hang Seng closed down more than 4% and Shanghai Composite Index finished down 3%.

Markets in Britain, France and Germany all saw big drops as they opened Monday, and stock futures for U.S. markets indicated a 5% drop ahead of Monday's trading.

XS
SM
MD
LG