ລິ້ງ ສຳຫລັບເຂົ້າຫາ

ປີກາຍນີ້ ເປັນປີທີ່ ມີອາກາດ ຮ້ອນເອົ້າສຸດ ໃນສະຫະລັດ (ສະໄລດ໌)

  • ວັນນະສອນ ແກ້ວດາຣາ

ເຈົ້າໜ້າທີ່ພະຍາກອນອາກາດກ່າວວ່າ ໃນຮອບ 12 ເດືອນທີ່ຜ່ານມາ ເປັນຊ່ວງທີ່ມີອາກາດຮ້ອນທີ່ສຸດ ໃນປະຫວັດສາດ ຂອງສະຫະລັດ.

ບັນດາເຈົ້າ​ໜ້າ​ທີ່ພະຍາກອນ​ອາກາດ ກ່າວ​ວ່າ ​ໃນ​ຮອບ 12 ​ເດືອນ​ທີ່​ຜ່ານ​ມານີ້ ​ສະ​ແດງ​
ໃຫ້​ເຫັນ​ວ່າເປັນ​ຊ່ວງ​ທີ່ມີ​ອາກາດ​ຮ້ອນ​ທີ່​ສຸດ ​ຢູ່ໃນປະຫວັດສາດ​ຂອງສະ ຫະລັດອາ​ເມ​ຣິກາ.

ອົງການ​ຄຸ້ມ​ຄອງມະຫາ​ສະມຸດ ແລະບັນຍາກາດ​ແຫ່ງ​ຊາດ​ ຂອງ​ສະຫະລັດ ຫຼື NOAA ກ່າວ​
ວ່າ ທຸກໆ​ເດືອນນັບ​ຕັ້ງ​ແຕ່ເດືອນ​ມິຖຸນາ ປີ 2011 ແລະສີ້​ນສຸດ​ລົງ​ໃນ​ເດືອນແລ້ວ​ນີ້ ແມ່ນ​ຈັດ
ເປັນ​ຊຸມ​ເດືອນ​ທີ່​ມີ​ອາກາດຮ້ອນ​ທີ່​ສຸດເທົ່າ​ທີ່​ເຄີຍ​ມີການ​ຈົດ​ບັນທຶກ​ນັບ​ແຕ່​ປີ 1895 ​ເປັນຕົ້ນມາ​
ແລະ​ຍັງ​ບໍ່​ທັນ​ໄດ້ນັບ​ສະພາບ​ອາກາດຮ້ອນ​ເອົ້າ​ທີ່​ສຸດ​ຂອງ​ອາທິດທີ່​ຜ່ານ​ມາ​ນີ້ ພ້ອມ​ທັງ​ອຸນ
ຫະ​ພູມ​ໄດ້​ຖີບ​ໂຕຂຶ້ນສູງເປັນ​ປະຫວັດ​ການ ຫຼືສູງ​ເທົ່າ​ກັນ​ກັບ​ສະຖິຕິທີ່​ເຄີຍ​ໄດ້​ບັນທຶກ​ໄດ້​ຢູ່​ໃນ
​ປະຊາຄົມຫລາຍໆແຫ່ງ.

ອົງການ NOAA ຍັງ​ກ່າວ​ອີກ​ວ່າ ສະພາບ​ອາກາດ​ອົບ​ອຸ່ນ​ສຸດ​ ໃນ​ເດືອນ​ມີນາ ​ ​ຜ່ານ​ມາ ແລະ
ສະພາບ​ອາກາດຮ້ອນ​ເອົ້າ​ທີ່​ສຸດ​ໃນ​ເດືອນ​ແລ້ວ​ ​ເທົ່າ​ທີ່​ເຄີຍ​ຈົດ​ບັນ ທຶກ​ມາໃນສະຫະລັດ ​ໄດ້​
ຊ່ວຍ​ເຮັດ​ໃຫ້​ເຄິ່ງທຳ​ອິດຂອງ​ປີ​ນີ້ເປັນ​ໄລຍະ​ທີ່​ຮ້ອນ​ເອົ້າ​ທີ່​ສຸດ​ໃນ​ປະ​ຫວັດ​ສາດ.

ບັນດາ​ນັກວິທະຍາສາດ ​ແລະ​ນັກ​ເຄື່ອນ​ໄຫວ ໄດ້​ເຕືອນ​ວ່າ ຄວາມເປື້ອນ​ເປີະ ຂອງ​ບັນຍາກາດ
ອາດຈະ​ນໍາ​ໄປ​ສູ່ສະພາບ​ດິນ​ຟ້າ​ອາກາດ​ທີ່​ມີການ​ປ່ຽນແປງຢ່າງ​ໃຫ່ຍນັ້ນ ບັດ​ນີ້ກ່າວ​ວ່າ “ນີ້​ລະຄື
ສະພາບ​ອາກາດ​ຮ້ອນ​ເອົ້າຂອງ​ໂລກ ​ທີ່ເຫັນ​ເປັນ​ຢ່າງ​ນີ້.”

XS
SM
MD
LG