ລິ້ງ ສຳຫລັບເຂົ້າຫາ

ວັນອາທິດ, ໑໖ ມິຖຸນາ ໒໐໒໔

ເຮືອບິນທະຫານ ອິນໂດເນເຊຍຕົກ ຍ້ອນເຄື່ອງຈັກຕາຍ


Iraqi Shi'ite Muslim worshipers carry the symbolic coffin of the 8th century Imam Musa al-Kadhim during the funeral processions on the anniversary of his death at his shrine in Baghdad’s northern district of Kadhimiya.
Iraqi Shi'ite Muslim worshipers carry the symbolic coffin of the 8th century Imam Musa al-Kadhim during the funeral processions on the anniversary of his death at his shrine in Baghdad’s northern district of Kadhimiya.

ເຈົ້າໜ້າ​ທີ່ ອິນ​ໂດ​ເນ​ເຊຍ ກ່າວ​ວ່າ ​ເຄື່ອງ​ຈັກ​ລົ້ມແຫຼວ​ເຊື່ອ​ວ່າ​ເປັນ​ສາ​ເຫດ​ທີ່ເຮັດ​ໃຫ້​ເຮືອບິ​ນຂົນ​ສົ່ງ​ທະຫານຕົກລົງ​ໃສ່​ທີ່ຢູ່​ອາ​ໄສ​ຂອງ​ປະຊາຊົນ​ຢູ່​ເກາະ ສຸ​ມາດຕາ ​ໃນ​ທິດ​ນີ້, ​ເຮັດ​ໃຫ້​ມີ​ຄົນ​ເສຍຊີວິດ​ຢ່າງ​ໜ້ອຍ 141 ຄົນ​.

​ເຈົ້າ​ໜ້າ​ທີ່​ທະຫານ​ອາກາດ​ໄດ້​ກ່າວໃນ​ວັນ​ພະຫັດ​ມື້​ນີ້​ວ່າ ການ​ຄົ້ນ​ພົບ​ເບື້ອງ​ຕົ້ນລະບຸ​ວ່າ ໃບ​ພັດເຮືອບິນ​ບໍ່​ເຮັດ​ວຽກ ​ເຊິ່ງ​ເຮັດ​ໃຫ້​ເຮືອບິນ Hercules C-130 ບໍ່ສາມາດ​ເລັ່ງຄວາມ​ໄວ​ຂຶ້ນ​ພໍ​ຫຼັງ​ຈາກໄດ້​ບິນ​ຂຶ້ນ​ຈາກ​ຖານ​ທັບ​ອາກາດ​ໃນ​ເມືອງ ​ເມ​ດານ.

ຜູ້​ເຫັນ​ເຫດການໄດ້​ລາຍ​ງານ​ວ່າ ພ​ວກ​ເຂົາເຫັນ​ເຮື​ອບິນ​ອາຍຸ 50 ປີລຳນີ້ ມີ​ຄວັນ​ອອກ ​ແລະ ແປວ​ໄຟໃນ​ຂະນະ​ທີ່​ມັນ​ກຳລັງ​ລ້ຽວຢ່າງ​ກະທັນ​ຫັນ​ໄປ​ທາງຂວາ, ​ເຊິ່ງ​ເຫັນ​ໄດ້​ຊັດ​ເຈນ​ວ່າ ​ເປັນຄວາມ​ພະຍາຍາມ​ທີ່​ຈະ​ບິນ​ກັບ​ຄືນ​ສູ່​ສະໜາມ​ບິນ​ກ່ອນ​ທີ່​ມັນ​ຈະຕົກ​ໃນ​ວັນ​ອັງຄານ​ທີ່​ຜ່ານ​ມາ​.

​ເຮືອບິ​ນ​ໄດ້​ຕົກ​ລົງໃສ່​ບ້ານ​ຂອງ​ປະຊາຊົນ 2 ຫຼັງ ​ແລະ ​ໂຮງ​ແຮມ​ຫຼັງ​ໜຶ່ງ, ​ເຮັດ​ໃຫ້​ລະ​ເບີດ​ເປັນ​ແປວ​ໄຟ ​ແລະ ເປັນ​ສາເຫດ​ເຮັດ​ໃຫ້​ມັນ​ລາມ​ອອກໄປ​ຢ່າງ​ກວ້າງຂວາງ. ​ໃນ​ວັນ​ພະຫັດ​ມື້​ນີ້ເຈົ້າ​ໜ້າ​ທີ່​ຕຽມທີ່ຈະສັ່ງ​ໃຫ້​ຢຸດເຊົາການ​ກູ້​ໄພ, ຫຼັງ​ຈາກ​ທີ່​ບໍ່​ໄດ້ພົບສົບ​ຄົນ​ເສຍ​ຊີວິດ​ໃນ​ມື້​ທີ່​ຜ່ານ​ມາ.

​ເຈົ້າ​ໜ້າ​ທີ່​ກ່າວ​ວ່າ ​ມີ​ 122 ຄົນ​ຢູ່​ເທິງເຮືອບິນ​ດັ່ງກ່າວ, ເ​ປັນ​ຈຳນວນ​ຕົວ​ເລກ​ທີ່​ເພີ່ມຂຶ້ນຢ່າງຫຼວງ ຫຼາຍ​ກວ່າ​ຕອນ​ທີ່ໄດ້​ມີລາຍ​ງານ​ໃນ​ເບື້ອງ​ຕົ້ນ​ໂດຍກອງທັບອິນ​ໂດ​ເນ​ເຊຍ. ຜູ້​ໂດຍສານ​ສ່ວນ​ຫຼາຍ​ແມ່​ນ​ເຈົ້າ​ໜ້າ​ທີ່​ທະຫານ ​ແລະ ຄອບຄົວ​ຂອງ​ພວກ​ເຂົາ.

ບາງ​ຄອບຄົວ​ຂອງ​ຜູ້​ປະສົບ​ເຫດ​ຮ້າຍ​ ​ໄດ້​ກ່າວ​ວ່າ​ ບັນດາ​ຜູ້​ໂດຍສານ​ໄດ້​ຈ່າຍ​ເງິນ​ໃຫ້​ທະຫານ ເພື່ອ​ໂດຍ​ສານໄປນຳຖ້ຽວ​ບິນ​ດັ່ງກ່າວ. ​ເຈົ້າ​ໜ້າ​ທີ່​ທະຫານ​ໄດ້​ປະຕິເສ​ດຕໍ່ຂໍ້​ກ່າວ​ຫາ​ນີ້, ​ແຕ່ກໍເວົ້າ​ວ່າ ​ພວກ​ເຂົາ​ຈະ​ສືບ​ສວນ​ສອບ​ສວນ​ຖ້າວ່າ​ມີ​ການລະ​ເມີດ​ກົດລະບຽບ.

Indonesia plane
please wait
Embed

No media source currently available

0:00 0:00:38 0:00

XS
SM
MD
LG