ນາຍທະຫານອະວຸໂສຄົນນຶ່ງຂອງສະຫະລັດ ກ່າວໃນວັນພະ
ຫັດວານນີ້ວ່າ ພວກນັກລົບ ທະຫານອີຣັກ ແລະພວກນັກລົບ
ຊາວເຄິດ ວາງແຜນທີ່ຈະເປີີດສາກບຸກ ໂຈມຕີ ໃນເດືອນເມສາ
ຫລືພຶດສະພາຈະມານີ້ ເພື່ອເຂົ້າຍຶດເອົາເມືອງ Mosul ຄືນມາ
ຈາກກຸ່ມລັດອິສລາມ
ນາຍທະຫານ ຈາກກອງບັນຊາການທະຫານສະຫະລັດ ໃນ
ເຂດພາກຕາເວັນອອກກາງ ອາຟຣິກາເໜືອ ແລະເອເຊຍກາງ
ຫລື CENTCOM ທີ່ບໍ່ປະສົງອອກຊື່ ກ່າວວ່າ ທະຫານອີຣັກ
ຫຼາຍເຖິງ 25,000 ຄົນ ຈະເປັນກອງກຳລັງໂຈມຕີທີ່ສຳຄັນ.
ສ່ວນພວກນັກລົບ Peshmerga ຂອງຊາວເຄີດຈະກີດກັ້ນ
ຄວບຄຸມບໍ່ໃຫ້ພວກຫົວຮຸນແຮງລັດອິສລາມ ຈາກທາງພາກເໜືອ ແລະພາກຕາເວັນຕົກຂອງເມືອງດັ່ງກ່າວ ເຂົ້າອອກໄດ້.
ເວລານີ້ ສະຫະລັດໄດ້ເລີ້ມທຳການໂຈມຕີທາງອາກາດ ໃສ່ເສັ້ນທາງຂົນສົ່ງລ່ວງໜ້າການ
ປະຕິບັດງານ. ນອກນັ້ນສະຫະລັດ ຍັງວາງແຜນໃຫ້ການເຝິກແອບ ແລະການສະໜັບ
ສະໜູນທາງທະຫານອຶ່ນໆ ໃຫ້ແກ່ກຳລັງອີຣັກ.
ນາຍທະຫານທ່ານນີ້ ກ່າວວ່າ ຖ້າຫາກການປະຕິບັດງານ ຍັງບໍ່ທັນພ້ອມທີ່ຈະລົງມືໃນ
ເດືອນເມສາຫລືພຶດສະພາແລ້ວ ມັນອາດຈະເລື່ອນເວລາອອກໄປຕື່ມ ອີກ.
ທຳນຽບຫ້າແຈ ເຊື່ອວ່າ ມີພວກອິສລາມຫົວຮຸນແຮງຈັດ ຫລາຍເຖິງ 2000 ຄົນຢູ່ໃນເມືອງ
Mosul ຊຶ່ງເປັນເມືອງໃຫຍ່ສຸດອັນດັບສອງຂອງອີຣັກ. ພວກເຂົາໄດ້ຍຶດເອົາເມືອງດັ່ງກ່າວ
ໃນເດືອນມິຖຸນາປີແລ້ວນີ້ ເຮັດໃຫ້ທະຫານແຕກໜີຢ່າງບໍ່ ເປັນຂະບວນ.
ອີຣັກ ຖືວ່າການເຂົ້າຍຶດເອົາເມືອງ Mosul ຄືນມານັ້ນ ເປັນການປະຕິບັດງານຄັ້ງສຳຄັນ.
ເວລາມີການຖາມວ່າ ເປັນຫຍັງຈຶ່ງເປີດເຜີຍລາຍລະອຽດຫຼາຍແທ້ ກ່ຽວກັບການ ປະຕິບັດ
ງານທາງທະຫານ ທີ່ຍັງບໍ່ທັນເລີ້ມຂຶ້ນເທື່ອ ນາຍທະຫານສະຫະລັດຄົນ ນີ້ກ່າວວ່າ ມັນ
ເປັນເລື້ອງສຳຄັນທີ່ສະແດງໃຫ້ເຫັນວ່າ ກອງກຳລັງຂອງອີຣັກມີ ຄວາມຈິງຈັງແລະມີຄວາມ
ຕັ້ງໃຈຂະໜາດໃດ.
ເຈົ້າໜ້າທີ່ທ່ານນີ້ກ່າວຕື່ມວ່າ “ມີຫຼາຍສິ່ງຫລາຍຢ່່າງຕ້ອງໄດ້ເກີດຂຶ້ນພ້ອມໆກັນ ແລະພວກ
ເຮົາຢາກໃຫ້ເປັນທີ່ແນ່ໃຈວ່າ ເງື່ອນໄຂທຸກ ຢ່າງແມ່ນຖືກຕ້ອງ ແຕ່ນີ້ແມ່ນແຜນຂອງອີຣັກ
ທີ່ເຂົາເຈົ້າໄດ້ນຳເຂົ້າມາ. ເຂົາເຈົ້າຈະດຳເນີນການໄປໜ້າ ຕາມກຳນົດເວລາທີ່ເຂົາເຈົ້າໄດ້
ຕັ້ງໄວ້ ດັ່ງທີ່ຂ້າພະເຈົ້າໄດ້ອະທິບາຍໄປນັ້ນ.”
