ລິ້ງ ສຳຫລັບເຂົ້າຫາ

ຜູ້ຄົນທັງຫຼາຍພາກັນແນມເບິ່ງ ຮໍລີວູດ ເພື່ອຢາກເຫັນການນຳພາ ໃນເລື່ອງ ການລວນລາມທາງເພດ


ທ່ານ Harvey Weinstein ນຶ່ງ​ໃນ​ຈຳນວນ​ພວກ​ຜູ້​ຊາຍ ທີ່​ມີ​ອິດ​ທິພົນ​ຫຼາຍທີ່ສຸດ ຢູ່​ໃນ​
ໂຮ​ລີ​ວູດ ບັດ​ນີ້ຊື່​ສຽງ​ໄດ້​ເຊື່​ອມ​ເສຍ​ແລະ​ໃນ​ທີ່​ສຸດ​ອາດ​ຈະ​ປະ​ເຊີນ​ໜ້າ​ກັບ​ການຟ້ອງຮ້ອງ
ທາງອາຍາທີ່​ພົວພັນກັບ​ການລວນລາມ​ທາງ​ເພດ ທີ່ມີ​ມາ​ເປັນເວລາ​ຫລາຍ​ທົດ​ສະ​ວັດ
ຕາມທີ່ມີການກ່າວຫານັ້ນ. ຫ້ອງ​ຖ່າຍ​ທຳ​ຮູບເງົາ Weinstein ທີ່​ໄດ້ຜະລິດຮູບເງົາດີໆ
ຫຼາຍໆເລື່ອງ ​ເຊັນ​ວ່າ Gangs of New York, Pulp Fiction ​ແລະ The King’s
Speech. ນັກ​ຂ່າວວີ​ໂອ​ເອ Carolyn Presutti ຈະພາທ່ານສຳຫຼວດເບິ່ງ​ວ່າການ​ສົນ
ທະນາ​ກ່ຽວກັບການສວຍໂອກາດໃນການລວນລາມ​ທາງ​ເພດ​ ​ທີ່ບໍ່​ຕ້ອງການນັ້ນ ກຳ
ລັງ​ປ່ຽນ​ແປງ​ຢູ່​ໃນ​ສະຫະລັດ ​ແລະ​ມີ​ຜົນ​ກະທົບ​ຕໍ່ບັນຫາດັ່ງກ່າວແບບໃດຢູ່ໃນທົ່ວ​ໂລກ
ຊຶ່ງ​ກິ່ງ​ສະຫວັນ ຈະ​ນຳເອົາລາຍລະອຽດ ​ມາສະ​ເໜີ​ທ່ານ ໃນອັນດັບຕໍ່ໄປ.

ທ່ານ Harvey Weinstein ​ໄດ້​ອອກ​ຈາກ​ນະຄອນ Los Angeles ​ໄປ​ສະຖານ​ທີ່​ປິ່ນ
ປົວຢູ່​ທີ່​ລັດ Arizona.

ທ່ານ​ Weinstein ຜູ້​ທີ່​ຖືກ​ກ່າວ​ຫາ​ວ່າ ລວນ​ລາມ​ທາງ​ເພດ ເວົ້າ​ວ່າ:

“ຂ້າພະ​ເຈົ້າ​ຕ້ອງ​ຊອກ​ຫາ​ການ​ຊ່ວຍ​ເຫລືອ. ທ່ານ​ຮູ້​ບໍ່​ວ່າ ພວກ​ເຮົາ​ທຸກ​ຄົນຕ່າງ
ກໍເຮັດຄວາມ​ຜິດພາດທັງນັ້ນ.”

​ແມ່ຍິງ​ຫລາຍ​ກວ່າ 25 ຄົນ​ໄດ້​ອອກ​ມາກ່າວ​ຫາ ທ່ານ Weinstein ລວນ​ລາມ​
ທາງເພດ ຮາວີ ​ແລະ​ຂົ່ມ​ຂືນເຂົາເຈົ້າ.

ທ່ານ Weinstein ​ໄດ້​ກໍ່​ຕັ້ງ​ນຶ່ງ​ ໃນບັນດາຫ້ອງ​ຖ່າຍ​ທຳ​ຮູບ​ເງົາທີ່​ປະສົບ​ຜົນສຳ​ເລັດ​
ທີ່ສຸດໃນ​ໂຮ​ລີ​ວູດ. ຜົນງາ​ນຂອງທ່ານໄດ້​ຮັບລາງວັນຕຸກກະຕາຄຳ 81 ໂຕ. ທ່ານ​ໄດ້​
ບໍລິຈາກເງິນໂຄສະ​ນາ​ຫາ​ສຽງ​ໃຫ້​ແກ່ ທ່ານ Barack Obama ​ແລະ​ທ່ານ​ນາງ Hillary Clinton. ​ທ່ານເປັນ​ຜູ້​ຊາ​ຍ​ມີ​ອິດ​ທິພົນໃນການແນະນຳການ ສະແດງໃຫ້ພວກ​ຍິງສາວ​
ເປັນ​ດາຣາ.​

ນັກສະແດງ ນາງ Emma Thompson ກ່າວວ່າ “ຂ້າພະເຈົ້າບໍ່ຄິດວ່າ ທ່ານ ສາມາດ
ອະທິບາຍກ່ຽວກັບລາວໄດ້ວ່າ ເປັນຄົນຕິດເລື່ອງເພດສຳພັນ ລາວແມ່ນ ນັກລ່າແມ່
ຍິງ ນັ້ນແມ່ນແຕກຕ່າງກັນ.”

ທ່ານນາງ Lisalyn Jacobs ທີ່ປຶກສາກ່ຽວກັບຄວາມຮຸນແຮງທາງເພດເຂົ້າໃຈ ວ່າ ເປັນຫຍັງພວກແມ່ຍິງພາກັນຢ້ານກົວ ທີ່ຈະລາຍງານກ່ຽວກັບພວກຜູ້ຊາຍທີ່ ມີອິດທິພົນ.
ນາງ Jacobs ກ່າວວ່າ “ເພາະສະນັ້ນທ່ານມີຊື່ສຽງ ເປັນຄົນຜູ້ທີ່ບໍ່ເຫັນພ້ອມ ກັບຄົນ
ທີ່ບໍ່ຫລີ້ນເກມ. ເປັນຄົນທີ່ພົວພັນໄດ້ຍາກ.”

ທ່ານນາງ Melissa Silverstein ນັກຂຽນຂາວລົງອິນເຕີແນັດກ່ຽວກັບເລື່ອງ “ແມ່ຍິງ ແລະໂຮລີວູດ” ກ່າວວ່າ ແຕ່ແນວຄິດຂອງຄວາມຢ້ານກົວອາດຈະປ່ຽນ ແປງໄປ.

ທ່ານນາງ Silverstein ກ່າວວ່າ “ປະຕິກິລິຍາຕອບໂຕ້ກໍຄື ມີຜົນກະທົບຢ່າງ ແຮງ ແລະກວ້າງຂວາງ.” ທ່ານນາງ Silverstein ໄດ້ຊີ້ໃຫ້ເຫັນວ່າ “ພວກຍັກໃຫຍ່”​ ຜູ້ທີ່
ໄດ້ລົມລົງຫລັງ ຈາກບັນດາແມ່ຍິງພາກັນເວົ້າອອກມາ. ທ່ານ Bill Cosby ຊຶ່ງຄັ້ງນຶ່ງ
ເຄີຍເປັນ ດາລາທີ່ຜູ້ຄົນຮັກຫອມນັ້ນ ກຳລັງລໍຖ້າການດຳເນີນຄະດີໃໝ່ ໃນຄວາມຜິດ
ລວນລາມທາງເພດ ຫລັງຈາກພວກແມ່ຍິງ 50 ຄົນໄດ້ພາກັນອອກມາກ່າວຫາລາວ.

ທ່ານ Roger Ailes ຜູ້ກໍ່ຕັ້ງໂທລະພາບ Fox News ໄດ້ລາອອກຈາກໜ້າທີ່ ຫລັງ
ຈາກພວກແມ່ຍິງຫລາຍໆຄົນ ພາກັນກ່າວຫາທ່ານວ່າລວນລາມທາງເພດ. ເລື່ອງ
ແບບນີ້ກໍເກີດຂຶ້ນຢູ່ໃນວົງການການເມືອງເຊັ່ນກັນ ແຕ່ບາງຄັ້ງມີຜົນທີ່ຕ່າງອອກໄປ.
ທັງອະດີດປະທານາທິບໍດີ Bill Clinton ໃນຊຸມປີ 1990 ແລະປະ ທານາທິບໍດີ
ດໍໂນລ ທຣໍາ ໄດ້ພົວພັນກັບການປະພຶດບໍ່ດີກ່ຽວກັບການລວນລາມທາງເພດ ແຕ່ຕ່າງກໍລອດມາໄດ້.

ທ່ານນາງ Silverstein ກ່າວວ່າ ພວກແມ່ຍິງພາກັນເບື່ອໜ່າຍພໍແລ້ວ ຊຶ່ງທ່ານນາງ
ກ່າວຕື່ມວ່າ “ນີ້ໄດ້ຊຸກຍູ້ໃຫ້ເລື່ອງດັ່ງກ່າວເຂົ້າໄປສູ່ແຖວໜ້າ ແລະຕ້ອງຈື່ວ່າ ໂຮລີວູດ
ແມ່ນອຸດສາຫະກໍາລະດັບໂລກ. ເຈັດສິບເຊັນໃດຕໍ່ນຶ່ງໂດລາແມ່ນໄດ້ມາຈາກນອກ
ສະຫະລັດ. ຜູ້ຄົນພາກັນແນມເບິ່ງໂຮລີວູດວ່າ ເປັນ “ເມືອງກ້າວໜ້າທີ່ຈະເອົາ​ບົດ ບາດນຳພາໃນເລື້ອງນີ້.”

ບາງຄົນກ່າວວ່າພວກຜູ້ຊາຍ ບໍ່ແມ່ນພວກແມ່ຍິງ ຄວນເປັນຜູ້ຈັດຕັ້ງການປ່ຽນ ແປງຢູ່ໃນທຸກໆອຸດສາຫະກຳ ດ້ວຍລະບົບທີ່ໂປ່ງໃສ ໃນລະບົບການຈ້າງແລະ
ມີພວກແມ່ຍິງຢູ່ໃນການບໍລິຫານຂັ້ນສູງຫລາຍຂຶ້ນ. ສຳລັບໂຮລີວູດແລ້ວ ນັ້ນ ເປັນບາດກ້າວທີ່ສຳຄັນສຳລັບພວກແມ່ຍິງໃນການສ້າງຮູບເງົາປີກາຍ ຊຶ່ງພວກ ແມ່ຍິງໄດ້ເປັນຜູ້ກຳກັບ ພຽງແຕ່ສີ່ເລື່ອງ ຂອງຮູບເງົາທີ່ສຳຄັນໆ 100 ເລື່ອງ.

XS
SM
MD
LG