ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ປ. Obama ແຕ່ງຕັ້ງ ທ່ານ John Kerry ເປັນ ລມຕ ການຕ່າງປະເທດ (ສະໄລດ໌ກັບວີດິໂອ)


ປະທານາທິບໍດີ Barack Obama ແຕ່ງຕັ້ງໃຫ້ທ່ານ John Kerry ສະມາຊິກສະພາສູງ ເຂົ້າກໍາຕໍາແໜ່ງ ລັດຖະມົນຕີການຕ່າງປະເທດ
ປະທານາທິບໍດີ Barack Obama ແຕ່ງຕັ້ງໃຫ້ທ່ານ John Kerry ສະມາຊິກສະພາສູງ ເຂົ້າກໍາຕໍາແໜ່ງ ລັດຖະມົນຕີການຕ່າງປະເທດ
ປະທານາທິບໍດີ Barack Obama ​ໄດ້ແຕ່ງຕັ້ງ​ໃຫ້​ສະມາຊິກ
​ສະພາ​ສູງ John Kerry ​ເປັນ​ລັດຖະມົນຕີ​ການ​ຕ່າງປະ​ເທດ​
ຄົນ​ຕໍ່​ໄປ.

ຢູ່​ທີ່​ທໍານຽບຂາວໃນວັນ​ສຸກ​ວານ​ນີ້ ປະທານາທິບໍດີ Obama ​
ໄດ້ກ່າວ​ຍ້ອງຍໍ​ສັນລະ​ເສີນທ່ານ Kerry ​ວ່າ “​ເປັນ​ຜູ້​ເໝາະ​ສົມ”
ທີ່​ສຸດທີ່​ຈະ​ນຳ ພາດ້ານ​ການ​ທູດຂອງອາ​ເມຣິກາ ​ໃນ​ຊຸມ​ປີ​ຕໍ່ໜ້າ.

ທ່າ​ນກ່າວ​ວ່າ ທ່ານ Kerry ​ໄດ້​ຮັບຄວາມໄວ້​ເນື້ອ​ເຊື່ອ​ໃຈ ​ແລະ
​ເປັນ​ທີ່​ເຄົາຣົບ ຈາກບັນດາເພື່ອນໆສະມາ​ຊິກ​ຜູ້ແທນ​ສະພາ​ສູງ​
ຂອງ​ທ່ານ ​ແລະ​ບັນດາ​ຜູ້​ນໍາ​ໃນ​ທົ່ວ​ໂລກ ດ້ວຍ​ວຽກ​ການທີ່​ທ່ານ​
ໄດ້​ດຳ​ເນີນ​ມາ​ເປັນ​ຫລາຍໆ​ປີ.

ປະທານາທິບໍດີ Obama ກ່າວ​ວ່າ ຈະ​ມີ​ບັນຫາທ້າ​ທາຍ​ຂວາງ​ໜ້າ​ຢ່າງ​ໃຫຍ່​ຫລວງ​ ​ແຕ່​ທ່ານກໍ​ມີ​ຄວາມ​ໝັ້ນ​ໃຈ​ວ່າ ສະຫະລັດ ຈະ​ສືບ​ຕໍ່​ເປັນ​ຜູ້ນໍາພາ.

ທ່ານ​ Kerry ຊຶ່ງສັງກັດ​ພັກ​ເດ​ໂມ​ແຄຣັທ ຈາກ​ລັດ Massachusetts ທາງ​ພາກ​ຕາ​ເວັນ​ອອກສຽງ​ເໜືອ​ຂອງ​ສະຫະລັດໄດ້​ຮັບ​ໃຊ້​ເປັນປະທານ ​ຄະນະ​ກໍາມະການຄວາມ​ສໍາພັນ​ຕ່າງປ​ະ​ເທດ ຂອງ​ສະພາ​ສູງ​ສະຫະລັດ ​ແລະທ່ານໄດ້​ເດີນທາງ​ໄປ​ຍັງ​ເຂດຕ່າງໆທີ່​ເກີດ​ບັນຫາຮ້ອນຮົນ​ຢູ່​ໃນ​ທົ່ວ​ໂລກ ນັບ​ແຕ່ອາ​ຟຣິກາ ​ໄປ​ຫາປາ​ກິສຖານ. ທ່ານ​ຍັງ​ເປັນນັກ​ລົບ​ເກົ່າ​ທີ່ ​ໄດ້​ຮັບ​ຫລຽນ​ຕາ​ຄໍາ​ຊອບ ຈາກ​ສົງຄາມ​ຫວຽດນາມ.



ທ່ານ Kerry ​ອາຍຸ 69 ປີ ​ເຄີຍໄດ້​ສະມັກ​ແຂ່ງຂັນ​ເປັນ​ປະທານາທິບໍດີ ຕາງໜ້າ​ໃຫ້​ພັກເດ​ໂມ​ແຄ​ຣັທ ​ໃນ​ປີ 2004 ​ແຕ່​ໄດ້​ເສຍໄຊ​ໃຫ້​ແກ່ປະທາ ນາທິບໍດີ George W Bush ​ໃນ​ເວລາ​ນັ້ນ.

ຖ້າ​ຫາກ​ທ່ານໄດ້​ຮັບ​ການ​ອະນຸມັດ​ຈາກ​ສະພາ​ສູງຂອງ​ສະຫະລັດ​ແລ້ວ ທ່ານ Kerry ກໍຈະ​ເຂົ້າ​ກໍາ​ຕໍາ​ແໜ່​ງ​ແທນລັດຖະມົນ​ຕີ​ການ​ຕ່າງປະ​ເທດ​ຄົນ​ປັດຈຸບັນ ຄືທ່ານ​ນາງ Hillary Clinton ຜູ້​ທີ່​ໄດ້​ປະກາ​ດວ່າ ທ່ານ​ນາງບໍ່​ມີ​ແຜນ ​ທີ່​ຈະ​ສຶບ​ເປັນ​ລັດຖະມົນຕີ​ການ​ຕ່າງປະ​ເທດ​ໃນ​ສະ​ໄໝທີ ສອງ​ ຂອງທ່ານ Obama.

Senator Kerry Has Extensive Foreign Policy Credentials
please wait

No media source currently available

0:00 0:02:55 0:00
ລິງໂດຍກົງ

ທ່ານ​ນາງ Clinton ​ໄດ້​ລົ້ມ ໃນ​ອາທິດ​ແລ້ວ​ນີ້ ​ແລະ​ໄດ້​ກວດເຫັນ​ວ່າ ທ່ານນາງ​ໄດ້​ຮັບ​ຄວາມ​ກະທົບກະ​ເທືອ​ນຢ່າງ​ແຮງ. ນັບ​ແຕ່​ນັ້ນມາທ່ານ​ນາງກໍບໍ່​ໄດ້​ປະກົດ​ໂຕ​ ຢູ່ໃນ​ສາທາລະນະ​ໃດໆ​.
XS
SM
MD
LG