ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ສັນຕະປາປາ ນິກາຍຄອບຕິກ ຂອງອີຈິບ ເຖິງແກ່ ມໍລະນະພາບ (ເບິ່ງວີດີໂອກັບສະໄລດ໌)


 ສັນຕະປາປາ Shenouda III ຂອງສາສະໜາຄຣິສ ນິກາຍຄອບຕິກ ຂອງອີຈິບ.
ວັນທີ 19 ມີນາ 2012.
ສັນຕະປາປາ Shenouda III ຂອງສາສະໜາຄຣິສ ນິກາຍຄອບຕິກ ຂອງອີຈິບ. ວັນທີ 19 ມີນາ 2012.

ປະຊາຊົນ​ອີ​ຈິບ​ພາກັນ​ໄວ້ອາ​ໄລ​ນໍາ​ການ​ເຖິງ​ແກ່​ມໍລະນະ​ພາບ​ຂອງ​ສັນຕະປາ​ປາ​ Shenouda ທີ 3 ​ແຫ່ງ​ສາສະໜາ​ຄຣິສ ນິກາຍ​ຄອບ​ຕິກ ທີ່​ເປັນຜູ້​ນໍາ​ດ້ານ​ຈິດ​ໃຈ​ຂອງ​ປະຊາ​ຄົມ​ຄຣິສຕຽນ​ໃຫຍ່​ທີ່​ສຸດ​ໃນ​ພາກ​ຕາ​ເວັນ​ອອກາງ.

ສັນຕະປາປາ Shenouda ​ໄດ້​ເຖິງ​ແກ່​ມໍລະນະ​ພາບ​ໃນ​ວັນ​ເສົາ​ມື້ກ່ອນນີ້ ​ທີ່​ກຸງ​ໄຄ​ໂຣ ຮວມອາຍຸ​ໄດ້ 88 ພັນ​ສາ ຫລັງ​ຈາກ​ໄດ້​ເຈັບ​ປ່ວຍ​ເປັນ ອັນ​ທີ່​ອົງການ​ຂ່າວ​ທາງ​ການ MENA ຂອງ​ອີ​ຈິບ​ກ່າວ​ວ່າ ​ພະຍາດຕັບ​ແລະ​ປອດ​ອັກ​ເສບ​ນັ້ນ.

ພວກ​ໄວ້ອາ​ໄລ​ພາກັນ​ໄປ​ໂຮມ​ຊຸມນຸມ​ກັນ​ໃນ​ໂບດ​ໃຫຍ່ຂອງ​ສາສະໜາ Coptic ​ໃນ​ກຸງໄຄ​ໂຣ​ ເພື່ອ​ທໍາ​ການ​ສວດ​ມົນ​ພາວະນາ​ແລະ​ພະຍາຍາມ ​ຢ້ຽມ​ສົບ​ຂອງ​ສັນຕະປາປາ ຊຶ່ງ​ຫລາຍ​ຄົນ​ໄດ້​ສະ​ແດງ​ຄວາມ​ໂສກ​ເສົ້າ​ດ້ວຍ​ນໍ້າ​ຕາ​ຫລັ່ງ​ໄຫລ​ອອກ​ມາ​ຢ່າງ​ເປີດ​ເຜີຍ.

ບັນດາ​ນັກ​ປະວັດ​ສາດ​ກ່າວ​ວ່າ ​ໂບດ Coptic ​ເປັນໂບດ​ທີ່​ເກົ່າ​ແກ່ທີ​ສຸດ​ ແຫ່ງ​ນຶ່ງ​ໃນ​ໂລກ ​ແລະ​ສືບ​ທອດ​ມາ​ຕັ້ງ​ແຕ່​ສະ​ໄໝ​ພະ​ອໍລະຫັນ St. Mark ທີ່ກ່າວ​ກັນ​ວ່າ​ ໄດ້​ເປັນ​ຜູ້​ນໍາເອົ​າສາ​ສະ​ໜາຄຣີສມາ​ສູ່​ອີ​ຈິບ​ໃນ​ສັດຕະວັດ​ທີນຶ່ງ​ນັ້ນ. ພວກ​ນັບຖື​ສາສະໜາ Coptic ຂອງອີ​ຈິບ​ມີ​ປະມານ 10 ​ເປີ​ເຊັນຂອງ​ຈໍານວນ​ພົນລະ​ເມືອງ​ທັງ​ໝົດ 80 ລ້ານ​ຄົນ​ຂອງປະ​ເທດ​.

ສັນ​ຕະປາປາ Shenouda ​ເກີດ​ມາ​ຊື່ Nazeer Gayed ​ໄດ້​ເຂົ້າ​ບວດ​ຮຽນເປັນ​ພະຄຣິສຕຽນ ຕັ້ງ​ແຕ່​ຍັງ​ເປັນ​ໜຸ່ມນ້ອຍ ​ແລະ​ໄດ້​ເຂົ້າ​ໄປ​ປະ​ຈໍາຢູ່​ໃນ​ວັດ ປະຕິບັດ​ທໍາ​ຢ່າງ​ເຄ່ັງ​ຄັດໃນ​ເວລາ​ຕໍ່​ມາ ​ແລະ​ໄດ້ເລືອກ​ຕັ້ງ​ໃຫ້​ເປັນ​ສັນຕະປາປາຂອງ​ສາສະໜາ Coptic ໃນ​ປີ 1971.

XS
SM
MD
LG