ສະພາສູງສະຫະລັດ ໄດ້ລົງຄະແນນສຽງ ຍົກເລີກຫລາຍພາກ
ສ່ວນທີ່ສຳຄັນ ຂອງການບັນລຸຄວາມສຳເລັດພາຍໃນປະເທດ
ທີ່ເປັນລາຍເຊັນ ຂອງປະທານາ ທິບໍດີ Barack Obama ນັ້ນ
ກໍຄື ກົດໝາຍປະກັນໄພສຸຂະພາບລາຄາຖືກແລະຮູ້ກັນໃນອີກ
ຊື່ນຶ່ງວ່າ Obamacare.
ນອກນັ້ນ ສະພາສູງທີ່ນຳພາໂດຍພັກຣີພັບບລິກັນ ຍັງໄດ້ເອົາ
ໄຊຊະນະ ຕໍ່ຂໍ້ສະເໜີແກ້ໄຂໂດຍພັກເດໂມແຄຣັດ ເພື່ອຄວບ
ຄຸມການຂາຍອາວຸດປືນ ຢູ່ໃນສະຫະ ລັດ ຫລັງຈາກເກີດເຫດ
ຮ້າຍ ໃນວັນພຸດທີ່ຜ່ານມາ ກ່ຽວກັບການຍິງສັງຫານໝູ່່ ໃນ
ເມືອງ San Bernardino ລັດ California ແລະໄດລົງຄະ
ແນນສຽງ ໂຈະການໃຫ້ທຶນຂອງລັດຖະບານກາງ ກ່ຽວກັບການເຮັດແທ້ງ ຫຼືຮີດລູກຂອງ
ອົງການ ວາງແຜນຄອບຄົວ Planned Parenthood.
ບໍ່ເໝືອນກັນກັບ ການພະຍາຍາມຫລາຍສິບເທື່ອຂອງພັກຣີພັບບລິກັນ ຜ່ານມາ ທີ່ຈະລົບລ້າງ ບໍ່ໃຫ້ທຶນ ຫລືບໍ່ດັ່ງນັ້ນ ກໍຕັດປະກັນໄພສຸຂະພາບ ລາຄາຖືກ ຫລື ACA ແຕ່ຮ່າງກົດ
ໝາຍສະບັບປັດຈຸບັນ ແມ່ນແນ່ນອນຈະໄປເຖິງທຳນຽບຂາວບ່ອນທີ່ໄດ້ມີການໃຫ້ຄຳໝັ້ນ
ສັນຍາວ່າ ປະທານາທິບໍດີຈະໃຊ້ສິດຢັບຢັ້ງຫລືວີໂຕ້ ນັ້ນ.
ຮ່າງກົດໝາຍດັ່ງກ່າວ ແມ່ນເບິ່ງກັນຢ່າງກວ້າງຂວາງວ່າ ເປັນການຂີດເສັ້ນເພື່ອການສູ້
ລົບກັນກ່ອນໜ້າການເລືອກຕັ້ງຂອງສະຫະລັດໃນປີໜ້ານີ້ ເວລາຕຳແໜ່ງ ປະທານາທິ
ບໍດີ ບ່ອນນັ່ງໃນສະພາຕ່ຳທັງໝົດ ແລະໜຶ່ງສ່ວນສາມຂອງສະພາສູງ ຈະມີການເລືອກຕັ້ງກັນນັ້ນ.
Obamacare ທີ່ຖືກປະກາດໃຊ້ເປັນກົດໝາຍໃນປີ 2010 ໄດ້ເປັນຈຸດທີ່ມີການ ຕໍ່ສູ້ກັນ
ຢ່າງດຸເດືອດຂອງສອງພັກ ນັບແຕ່ໄດ້ເລີ້ມມີການປະກາດໃຊ້ມາ. ຄວາມພະຍາຍາມໃນ
ປີ 2013 ຂອງພັກຣີພັບບລິກັນເພື່ອບໍ່ໃຫ້ທຶນ ຕໍ່ກົດໝາຍດັ່ງກ່າວໄດ້ເຮັດໃຫ້ລັດຖະບານ
ກາງ ປິດລົງເປັນເວລາສອງອາທິດກວ່າໆ.
ຜູ້ນຳ ສຽງສ່ວນຫລາຍຂອງ ສະພາສູງ ທ່ານ Mitch McConnell ກ່າວກ່ອນ ການລົງຄະແນນສຽງ 52 ຕໍ່ 47 ໃນວັນພະຫັດວານນີ້ວ່າ “ມັນແມ່ນກົດໝາຍທີ່ເຫັນແກ່ແນວຄິດເໜືອ
ປະຊາຊົນ ຊຶ່ງມັນໄດ້ເຮັດໃຫ້ເກີດຄວາມລຳບາກແກ່ຊາວອາເມຣິກັນ ແທນທີ່ຈະເປັນການ
ຊ່ວຍເຫລືອຕາມທີ່ກົດໝາຍຕັ້ງໃຈໄວ້.”
ທ່ານ McConnell ກ່າວເພີ້ມອີກວ່າ “ມັນເປັນຜົນເຮັດໃຫ້ຫລາຍລ້ານຄົນ ໄດ້ຮັບການ
ເຕືອນກ່ຽວກັບການລົບລ້າງແກ່ຊາວອາເມຣິກັນຜູ້ເຮັດວຽກໜັກ ຜູ້ມີປະ ກັນໄພສຸຂະ
ພາບທີ່ເຂົາເຈົ້າມັກຢູ່ແລ້ວ ແລະຜູ້ທີ່ບໍ່ໄດ້ກະທຳຫຍັງຜິດ. ມັນເພີ້ມຄ່າຈ່າຍປະກັນໄພ
ປະຈຳເດືອນ ມັນເພີ້ມຄ່າໃຊ້ຈ່າຍຂອງສ່ວນບຸກຄົນ ອັນເປັນລາຍຈ່າຍອອກຈາກຖົງ
ມັນເພີ້ມການຫລຸດຜ່ອນລາຄາ ແລະພາສີແກ່ຊາວອາເມຣິກັນ ຜູ້ທີ່ໄດ້ດິ້ນລົນຢູ່ແລ້ວ
ນັ້ນ.
