ລິ້ງ ສຳຫລັບເຂົ້າຫາ

ທ່ານໂອບາມາເວົ້າເຖິງ ເປົ້າໝາຍຕ່າງໆຂອງປະເທດ ໃນຄໍາປາໃສຕໍ່ລັດຖະສະພາ

  • ສິງ ບູຣົມມະວົງ

ປະທານາທິບໍດີ ໂອບາມາ ກ່າວປາໄສປະຈໍາປີ ຕໍ່ລັດຖະສະພາແລະ ປະຊາຊົນອະເມລິກັນ. ວັນທີ 25 ມັງກອນ 2011





















ປະທານາທິບໍດີ ບາຣັກ​ ໂອ​ບາ​ມາ​ ​ໄດ້​ໃຊ້​ຄໍາປາ​ໄສ​ຕໍ່​ລັດຖະສະພາ​ແລະປະຊາຊົນ
ອະ​ເມຣິ​ກັນ ກ່ຽວ​ກັບ​ສະຖານະ​ພາບຂອງ​ປະ​ເທ​ດປະ​ຈໍາປີ​ທີ​ສອງ​ຂອງ​ທ່ານ ກ່າວ
ໂດຍ​ສັງ​ເຂ​ບເຖິງ​ເປົ້າ​ໝາຍ​ຕ່າງໆຂອງ​ທ່ານ​ສໍາລັບ​ປະ​ເທດ​ຊາດ ​ແລະ​ຮຽກຮ້ອງ​ໃຫ້
ມີ​ການ​ລົງທຶນ​ໃສ່​ນະວະ​ກໍາ​ຫລືການ​ປະດິດ​ຄິດ​ສ້າງ​ສິ່ງ​ໃໝ່ໆ​ ​ໃສ່ການ​ຄົ້ນຄວ້າ ການ
ພັດທະນາ​ແລະ​ໂຄ່ງ​ລ່າງ​ພື້ນຖານ.

ໃນ​ຄໍາ​ປາ​ໄສ​ຂອງ​ທ່ານ​ໃນ​ແລງ​ວັນ​ອັງຄານ​ວານ​ນີ້ ​ທີ່​ຫ້ອງ​ປະຊຸມ​ຂອງສະພາຕໍ່າ
ໃນ​ຕຶກ​ລັດຖະສະພາ​ສະຫະລັດ ປະທານາທິບໍດີໂອ​ບາ​ມາ ​ໄດ້​ເວົ້າ​ເຖິງ​ສະພາວະ​
ເສດຖະກິດ ​ແລະ​ກ່າວ​ວ່າ ​ເວລາ​ນີ້ ສະຫະລັດແມ່ນ​ຢູ່​ໃນ​ທ່າ​ທີ່​ຈະ​ກ້າວ​ໄປ​ສູ່​ຄວາມ
ກ້າວໜ້າ​ແລ້ວ. ​ແຕ່​ພ້ອມ​ດຽວ​ກັນ ທ່ານກໍ​ກ່າວ​ວ່າ ປະ​ເທດ​ຊາດ​ຈະ​ຕ້ອງ​ດໍາ​ເນີນ
ການ​ຫລາຍ​ຂຶ້ນ​ອີກ​ ເພື່ອ​ຮັບປະກັນ​ຖານະ​ການ​ເປັນ​ຜູ້​ນໍາ​ໂລກ​ຂອງ​ຕົນແລະຄວາມ
ສາມ​າດ​ ໃນການ​ແຂ່ງຂັນ​ໃນ​ອະນາຄົດ​ນັ້ນ.

ທ່ານ​ໂອ​ບາ​ມາ​ກ່າວ​ວ່າ ການ​ລົງທຶນ​ໃສ່​ການ​ຄົ້ນຄວ້າ​ແລະ​ການ​ສຶກສາ​ ສາມາດ​ນໍາ
ຜົນກໍາ​ໄລ​ຢ່າງ​ໃຫຍ່​ຫລວງ​ມາ​ໃຫ້​ສະຫະລັດ​ໄດ້ ​ໂດຍ​ໃຫ້​ຂໍ້​ສັງ​ເກດ​ວ່າ ​ອະດີດ​ສະ
ຫະພາບໂຊ​ວຽດ​ໄດ້​ກະ​ໂດດ​ຂຶ້ນ​ສູ່​ຫ້ວງ​ອາ​ວະ​ກາດ​ ກ່ອນ​ສະຫະລັດ ໃນ​ປີ 1957
ດ້ວຍ​ການ​ສົ່ງ​ດາວ​ທຽມດວງ​ນຶ່ງ​ຂຶ້ນ ທີ່​ເອີ້ນ​ວ່າ Sputnik ແຕ່ວ່າການ​ລົງທຶນ​ຂອງ
ສະຫະລັດ​ໃນ​ເວລາ​ຕໍ່​ມາ ໄດ້ເອື້ອອໍານວຍ​ໃຫ້​ສະຫະລັດ​ຊະນະ​ການ​ແຂ່ງຂັນໃນ
ການ​ຂຶ້ນໄປ​ຍັງດ​ວງຈັນ​ນັ້ນ. ທ່ານ​ກ່າວ​ຕໍ່​ໄປ​ວ່າ ການ​ລົງທຶນ​ເຫລົ່າ​ນັ້ນ ​ໄດ້ປ່ອຍ
ຄື້ນຟອງ​ແຫ່ງ​ນະວະ​ກໍາ​ ທີ່​ໄດ້​ສ້າງອຸດສາຫະກໍາ​ໃໝ່ ​ແລະ​ວຽກການ​ໃໝ່​ຈໍານວນ
ຫລາຍ​ລ້ານວຽກ. ທ່ານ​ໂອ​ບາ​ມາ​ກ່າວ ​ຕື່ມ​ວ່າ ຊາວ​ອາ​ເມຣິກັນລຸ່ນປັດຈຸບັນນີ້​
ແມ່ນຢູ່​ໃນ​ຍຸກ Spunik ຂອງ​ອາ​ເມຣິກາ.

XS
SM
MD
LG