ແມ່ນປະທານປະເທດຫວຽດນາມ ທ່ານ Tran Dai Quang ເປັນຜູ້ກ່າວແບບທີ່ບໍ່ຄາດຝັນ ຢູ່ໃນກອງປະຊຸມຖະແຫຼງຂ່າວ ຮ່ວມກັບປະທານາທິບໍດີສະຫະລັດ ທ່ານບາຣັກ ໂອບາມາ ທີ່ນະຄອນຫຼວງຮາໂນ່ຍ ຫລັງຈາກການເຈລະຈາຫາລືສອງຝ່າຍ. ທ່ານກ່າວວ່າສະຫະລັດ ໄດ້ຍົກເລີກ ການຫ້າມຂາຍອາວຸດທີ່ມີມາເປັນເວລາດົນນານຕໍ່ຫວຽດນາມແລ້ວ.
ທ່ານ Quang ກ່າວວ່າ ວໍຊິງຕັນແລະຮາໂນ່ຍ ໄດ້ຕົກລົງ ທີ່ຈະເສີມຂະຫຍາຍການເປັນພາຄີໃນດ້ານເນື້ອຫາສາລະ ແລະລົງເລິກ ໂດຍເຮັດໃຫ້ການຮ່ວມມືເປັນພື້ນຖານສຳຄັນ ໃນການຊ່ອຍເຫລືອທາງທະຫານ ການຄ້າ ສາທາລະນະສຸກ ແລະການແລກປ່ຽນ ລະ ຫວ່າງປະຊາຊົນກັບປະຊາຊົນ. ທ່ານ Quang ໄດ້ສະແດງຄວາມຊົມເຊີຍຕໍ່ ການເຄື່ອນໄຫວດັ່ງກ່າວນີ້ວ່າ ເຮັດໃຫ້ບົດຮຽນທີ່ເຈັບປວດສິ້ນສຸດລົງ.
ປະທານາທິບໍດີໂອບາມາ ເມື່ອຮອດທີຂອງທ່ານແລ້ວ ກໍໄດ້ໃຫ້ການຢືນຢັນຕໍ່ລາຍງານຂ່າວ ໂດຍເວົ້າວ່າ ສະຫະລັດໄດ້ຍົກເລີກໂດຍເຕັມ ຂໍ້ຫ້າມການຂາຍອຸບປະກອນທາງທະຫານໃຫ້ແກ່ຫວຽດນາມ ຊຶ່ງມີຜົນບັງຄັບໃຊ້ມາ ເປັນເວລາປະມານ 50 ປີ. ທ່ານກ່າວຕື່ມວ່າ ການຂາຍເຫຼົ່ານີ້ ແມ່ນຍັງຈຳເປັນຈະຕ້ອງມີເງື່ອນໄຂພຽງພໍ ຮວມທັງເລື້ອງສິດທິມະນຸດ ແຕ່ການປ່ຽນແປງດັ່ງກ່າວແມ່ນຄ້ຳປະກັນວ່າ ຫວຽດນາມສາມາດຊື້ອຸບປະກອນຕ່າງໆທີ່ຕົນຕ້ອງການໃນດ້ານປ້ອງກັນປະເທດ ໄດ້.
ປະທານາທິບໍດີໂອບາມາກ່າວວ່າ ໃນຮອບສັດຕະວັດທີ່ຜ່ານມານີ້ ສະຫະລັດ ແລະ ຫວຽດ ນາມ ແມ່ນມີທັງການຮ່ວມມື ແລະການຂັດແຍ້ງ ແລະຫລັງຈາກສອງທົດສະວັດກວ່າໆ ໃນການສ້າງຕັ້ງຄວາມສຳພັນ ແບບປົກກະຕິແລ້ວ ສາຍພົວພັນກໍໄດ້ມາຮອດບາດລ້ຽວໃໝ່.
ໃນການຕອບຄຳຖາມພວກນັກຂ່າວ ກ່ຽວກັບການຮຸກຮານເພີ້ມຂຶ້ນຂອງຈີນຢູ່ໃນ ຂົງເຂດນັ້ນ ທ່ານໂອບາມາກ່າວວ່າ ການຕັດສິນໃຈນີ້ບໍ່ແມ່ນແນໃສ່ຈີນ. ທ່ານ ກ່າວວ່າ ມັນອີງຕາມຄວາມປະສົງທີ່ຈະສຳເລັດເສັດສິ້ນຂັ້ນຕອນອັນຍາວນານທີ່ ໄດ້ເລີ້ມຂຶ້ນເມື່ອຫລາຍໆທົດສະວັດຜ່ານມາ ໂດຍພວກນັກລົບເກົ່າຫລາຍໆຄົນທີ່ ເຄີຍຜ່ານສົງຄາມຫວຽດນາມ ຊຶ່ງທ່ານກ່າວວ່າ ຮວມທັງອະດີີດຊະເລີຍເສິກ ສະ ມາຊິກສະພາສູງ John McCain ທີ່ສັງກັດພັກຣີພັບບລີກັນ.
ຈີນໄດ້ສະແດງປະຕິກິລິຍາ ແບບລະມັດລະວັງ ຕໍ່ການປະກາດໃນວັນຈັນມື້ນີ້. ທ່ານນາງ Hua Chuying ໂຄສົກກະຊວງການຕ່າງປະເທດຈີນ ກ່າວວ່າ ໃນ ຖານະທີ່ເປັນປະເທດເພື່ອນບ້ານທີ່ໃກ້ຊິດຂອງຫຽດນາມ ພວກເຮົາຂໍສະແດງຄວາມຍິນດີ ຕໍ່ການມີຄວາມສຳພັນແບບປົກກະຕິແລະການຮ່ວມມື ລະຫວ່າງຫວຽດນາມແລະປະເທດອື່ນໆ ແລະແນ່ນອນ ພວກເຮົາຫວັງວ່າການເຄື່ອນໄຫວ ໃນຄວາມສຳພັນສອງຝ່າຍດັ່ງກ່າວແມ່ນມີສ່ວນຊ່ວຍຕໍ່ສັນຕິພາບແລະຄວາມໝັ້ນ ຄົງຢູ່ໃນພູມີພາກ.
ຊົມການຢືນຢັນ ການຍົກເລີກ ຫ້າມຂາຍອາວຸດ ໃຫ້ແກ່ຫວຽດນາມ ຂອງປະທານາທິບໍດີ ໂອບາມາ
ອ່ານຂ່າວນີ້ຕື່ມ ເປັນພາສາອັງກິດ
ປ. ໂອບາມາ ຢ້ຽມຢາມ ຫວຽດນາມ
