ລິ້ງ ສຳຫລັບເຂົ້າຫາ

ທ່ານໂອບາມາ ຕໍາໜິລັດຖະສະພາວ່າ ບໍ່ພະຍາຍາມແກ້ໄຂ ບັນຫາວຽກງານ ໃນຂະແໜງສຶກສາ (ວີດິໂອ 2 ອັນ)


ທ່ານໂອບາມາກ່າວໃນຄຳປາໄສປະຈຳສັບປະດາຂອງທ່ານ ທີ່ທໍານຽລຂາວ ໃນວັນທີ 17 ສິງຫາ, 2012
ປະທານາທິບໍດີສະຫະລັດ ທ່ານບາຣັກ ໂອບາມາກ່າວວ່າ
ວຽກງານຢູ່ໃນຂະແໜງສຶກສາ 3 ແສນໜ້າວຽກ ໄດ້ເສຍໄປ
ນັບຕັ້ງແຕ່ ປີ 2009 ເປັນຕົ້ນມາ ແລະລັດຖະສະພາສະຫະ
ລັດ ກໍບໍ່ໄດ້ເຮັດຫຍັງ ເພື່ອແກ້ໄຂບັນຫານີ້.

ທ່ານໂອບາມາກ່າວໃນຄຳປາໄສປະຈຳສັບປະດາຂອງທ່ານທີ່
ມີການກ່າວຫາ ທາງການເມືອງໃນວັນເສົາມື້ນີ້ວ່າ “ເກືອບໝົດ
ທຸກຄົນທີ່ສັງກັດພັກຣີພັບບລິກັນ ໃນລັດຖະສະພາສະຫະລັດ”
ໄດ້ປະຕິເສດຮ່າງກົດໝາຍຂອງທ່ານ ທີ່ຈະເຮັດໃຫ້ມີການຈ້າງ ງານນາຍຄູຄືນມາເຮັດວຽກອີກ ແລະປ້ອງກັນບໍ່ໃຫ້ມີການປົດ
ພະນັກງານ ອອກຈາກວຽກການເພີ້ມຕື່ມ. ທ່ານກ່າວເພີ້ມອີກວ່າ
ແຕ່ແທນທີ່ຈະດຳ ເນີນການດັ່ງກ່າວ ສະມາຊິກຂອງພັກຣີພັບ
ບລິກກັນໄດ້ລົງຄະແນນສຽງຮັບຮອງແຜນເສດຖະກິດ ທີ່ຈະຍົກ ເວັ້ນການເກັບພາສີຕໍ່ພວກເສດຖີເງິນລ້ານ ແລະເງິນໂກດທັງ ຫຼາຍນັ້ນ.



ທ່ານປະທານາທິບໍດີຍັງເວົ້າອີກວ່າ ທໍານຽບຂາວ ໄດ້ເລີ້ມໂຄງການລິເລີ້ມ ຕ່າງໆ ເພື່ອປັບປຸງໂຮງຮຽນ ຮວມທັງການລົງທຶນເຂົ້າໃນໂຄງການສອນເລກ ແລະວິທະຍາ ສາດຕະຫລອດທັງເພີ້ມການຊ່ວຍເຫລືອດ້ານກາເງິນແກ່ນັກສຶກສາຂັ້ນວິທະຍາໄລ ຫລາຍລ້ານຄົນອີກດ້ວຍ.

ໃນຄຳປາໄສຕອບ ຂອງພັກຣີພັບບລິກກັນນັ້ນ ສະມາຊິກສະພາຕໍ່າ Vicky Hartzler ຈາກລັດ Missouri ທາງພາກຕາຕົກກາງຂອງສະຫະລັດ ໄດ້ຕໍາ ໜິຕິຕຽນພັກດີໂມ ແຄັຣດ ແລະທ່ານໂອບາມາ ເພາະວ່າ ລັດຖະສະພາບໍ່ສາ ມາດຟື້ນຟູໂຄງການຊ່ວຍ ເຫລືອຜູ້ປະສົບໄພພິບັດ ສຳຫຼັບພວກຊາວສວນທີ່ ໄດ້ປະເຊີນກັບໄພແຫ້ງແລ້ງທີ່ຮ້າຍ ແຮງສຸດ ໃນຮອບ 25 ປີ.

ຮ່າງກົດໝາຍດັ່ງກ່າວ ໄດ້ມີການຮັບຜ່ານໂດຍສະພາຕໍ່າທີ່ຄວບຄຸມໂດຍພັກຣີພັບ ບລິກກັນ ແຕ່ສະພາສູງທີ່ຄວບຄຸມໂດຍພັກດີໂມແຄຣັດ ບໍ່ໄດ້ລົງຄະແນນສຽງໃຫ້ ການອະນຸມັດຕໍ່ຮ່າງກົດໝາຍດັ່ງກ່າວ ກ່ອນທີ່ຈະປິດສະພາເພື່ອໄປພັກຜ່ອນໃນ ເດືອນສິງຫາ.

XS
SM
MD
LG