ປະທານາທິບໍດີສະຫະລັດ ທ່ານບາຣັກ ໂອບາມາໃຊ້ຄຳປາໄສໃນພິທີມອບໃບປະລິນຍາ ເທື່ອສຸດທ້າຍ ໃນນາມປະນາທິບໍດີຂອງທ່ານ ຕໍ່ພວກນັກຮຽນ ນາຍທະຫານກອງທັບອາ ກາດ ໂດຍກ່າວເຖິງບົດຮຽນໃນຊີວິດທີ່ທ່ານໄດ້ຮຽນຮູ້ ກ່ຽວກັບເລື້ອງຄວາມໝັ້ນຄົງແຫ່ງຊາດແລະນະໂຍບາຍການຕ່າງປະເທດ ໃນຮອບເຈັດປີທີ່ຜ່ານມາ.
ທີ່ເມືອງ Colorado Springs ລັດ Colorado ທ່ານໂອບາມາ ໃນວັນພະຫັດວານນີ້ໄດ້ ຮຽກຮ້ອງໃຫ້ພວກນາຍທະຫານອາກາດໃໝ່ 800 ກວ່າຄົນ ບໍ່ໃຫ້ຖອຍກັບ ໃນການພົວ ພັນ ແລະການເປັນຜູ້ນຳຂອງສະຫະລັດຢູ່ໃນໂລກ.
ພວກເຮົາບໍ່ສາມາດຢູ່ຢ່າງໂດດດ່ຽວແຕ່ພຽງປະເທດດຽວໄດ້. ມັນເປັນໄປບໍ່ໄດ້ໃນຍຸກໂລ ກາພິວັດ ທີ່ໂລກມີການເຊື່ອມຕໍ່ກັນ ນັ້ນຄືຄຳເວົ້າຂອງປະທານາທິບໍດີໂອບາມາ. ໃນຍຸກ ສະໄໝຂອງຄວາມບໍ່ແນ່ນອນດັ່ງກ່າວນີ້ ບາງຄັ້ງບາງຄາວມັນເປັນ ທີ່ຊັກຊວນໃຫ້ພວກ ເຮົາພະຍາຍາມຖອຍກັບ ແລະລ້າງມືຂອງພວກເຮົາຈາກບັນຫາຂັດແຍ້ງຕ່າງໆ ທີ່ເບິ່ງຄື ວ່າຄວບຄຸມໄດ້ຍາກ ຈົ່ງປ່ອຍໃຫ້ປະເທດອື່ນຕໍ່ສູ້ເພື່ອ ເຂົາເຈົ້າເອງ.
ໃນຂະນະທີ່ທ່ານບໍ່ໄດ້ກ່າວເຖິງການເລືອກຕັ້ງຂັ້ນຕົ້ນ ທີ່ເປັນບັນຫາຖົກຖຽງກັນເລີຍນັ້ນ ແຕ່ການໃຫ້ຄວາມເຫັນຂອງທ່ານໂອບາມາ ແມ່ນເປັນການກ່າວໂຈມຕີຕໍ່ຜູ້ທີ່ຄາດວ່າຈະ ໄດ້ຮັບການແຕ່ງຕັ້ງເປັນຜູ້ສະໝັກປະທານາທິບໍດີຂອງພັກຣີພັບບລີກັນ ທ່ານ Donald Trump ທີ່ໄດ້ຮຽກຮ້ອງໃຫ້ ຮວມຢູ່ໃນຫລາຍໆຢ່າງນັ້ນ ກໍແມ່ນສ້າງກຳແພງ ຢູ່ເຂດຊາຍ ແດນທີ່ຕິດກັບເມັກຊິໂກແລະຊັ່ງຊາຕີລາຄາຄືນໃໝ່ກ່ຽວກັບຄວາມໝາຍໝັ້ນຂອງສະຫະ ລັດຕໍ່ອົງການເນໂຕ້.
ທ່ານໂອບາມາກ່າວວ່າ ພວກເຮົາບໍ່ສາມາດອ່ວຍໜ້າກັບຄືນເຂົ້າປະເທດ. ພວກເຮົາບໍ່ສາ ມາດຍອມແພ້ຕໍ່ລັດແຍກຕົວຈາກຊາດອື່ນ. ນັ້ນເປັນການບັນເທົາໃຈທີ່ຜິດພາດ.
ທ່ານໂອບາມາເຕືອນພວກນາຍທະຫານທີ່ຮຽນຈົບວ່າ ກຳລັງທະຫານຂອງສະຫະລັດພຽງ ຢາງດຽວຈະບໍ່ສາມາດແກ້ໄຂທຸກບັນຫາໄດ້ແລະກ່າວຢ້ຳເຖິງຄວາມຈຳເປັນໃນເລື້ອງການ ທູດແລະສົນທິສັນຍາຕ່າງໆ.
