ປະທານາທິບໍດີສະຫະລັດ ທ່ານ Barack Obama ກຳລັງຮ້ອງ
ຂໍໃຫ້ລັດຖະ ບານກາງໃຊ້ຈ່າຍເງິນເພີ້ມຂຶ້ນຫລາຍລ້ານໂດລາ
ເພື່ອປັບປຸງກຳລັງຕຳຫລວດ ຢູ່ໃນທົ່ວປະເທດ ໃນການສະໜອງ
ຕອບຕໍ່ການຍິງ ຊາຍໜຸ່ມຜີວດຳທີ່ບໍ່ຕິດອາ ວຸດ ໂດຍຕຳຫລວດ
ຜີວຂາວ ໃນຂະນະທີ່ມີການປະເຊີນໜ້າກັນຢູ່ຖະໜົນສາຍນຶ່ງ ທີ່
ເມືອງ Ferguson ລັດ Missouri ໃນເຂດພາກກາງຂອງສະຫະລັດ.
ຫລັງຈາກມີການປະຊຸມກັນ ທີ່ທຳນຽບຂາວ ໃນວັນຈັນວານນີ້ກັບ
ຄະນະລັດຖະ ບານຂອງທ່ານ ບັນດາຜູ້ນຳສິດທິພົນລະເມືອງ ແລະ
ບັນດາເຈົ້າໜ້າທີ່ຕຳຫລວດ ແລ້ວ ທ່ານ Obama ໄດ້ປະກາດສະ
ເໜີໃຫ້ໃຊ້ຈ່າຍເງິນຫຼາຍກວ່າ 260 ລ້ານ ໂດລາ ສຳຫລັບກຳລັງຕຳ
ຫລວດຢູ່ໃນທົ່ວສະຫະລັດ. ທ່ານກ່າວວ່າ ເງິນໃນຈຳ ນວນເພີ້ມເຕີມນີ້ ຈະຊື້ກ້ອງຖ່າຍຮູບ
ຕິດໂຕ 50,000 ອັນ ໃຫ້ແກ່ຕຳຫຼວດເພື່ອໃຊ້ບັນທຶກເຫດການໃນເວລາເຂົາເຈົ້າຈັບກຸມພົນ
ລະເຮືອນ ພ້ອມທັງໃຊ້ເປັນທືນໃນການເຝິກອົບຮົມໃຫ້ແກ່ຕຳຫລວດ.
ປະທານາທິບໍດີ ຍັງໄດ້ປະກາດວ່າ ຈະຕັ້ງຄະນະກຳມະການພິເສດ ເພື່ອສຶກສາກ່ຽວກັບ
ການປັບປຸງການປະຕິບັດງານຂອງຕຳຫຼວດ. ທ່ານກ່າວວ່າ ຊາວຜິວດຳ ອາເມຣິກັນມີ
ຄວາມຮູ້ສຶກວ່າ ເຂົາເຈົ້າບໍ່ໄດ້ຮັບການປະຕິບັດຕໍ່ຢ່າງເປັນທຳຈາກເຈົ້າໜ້າທີ່ຕຳຫລວດ
ຊຶ່ງພາໃຫ້ເກີດໃນອັນທີ່ທ່ານຮ້ອງວ່າ “ຄວາມບໍ່ໄວ້ເນື້ອເຊື່ອໃຈທີ່ຍັງມີຢູ່” ໃນບັນດາປະຊາ
ຄົມ ແລະເຮັດໃຫ້ປະເທດຊາດອ່ອນແອ.
ໃນການຖະແຫຼງທີ່ນະຄອນ Atlanta ໃນວັນຈັນວານນີ້ ຢູ່ໂບດປະຫວັດສາດຊຶ່ງ ຄັ້ງນຶ່ງມື້
ລາງພະອາຈານ Matin Luther King Junior ເຄີຍເປັນຜູ້ນຳພານັ້ນ ລັດຖະມົນຕີ ກະ
ຊວງຍຸຕິທຳສະຫະລັດທ່ານ Eric Holder ຍັງໄດ້ປະກາດແຜນ ການໃໝ່ຂອງກະຊວງຍຸ
ຕິທຳທີ່ແນໃສ່ເພື່ອຍຸດຕິການກວດຂໍ້ມູນທາງດ້ານຜິວພັນ ແລະໃຫ້ການຄໍ້າປະກັນ ກ່ຽວກັບ
ການປະຕິບັດໜ້າທີ່ແບບຍຸດຕິທຳແລະມີປະສິດ ທິຜົນຂອງຕຳຫຼວດ.
