ປະທານາທິບໍດີສະຫະລັດ ທ່ານ ບາຣັກ ໂອບາມາ ໄດ້ພົບເຫັນຢ່າງໃກ້ຊິດ ໃນວັນພະຫັດມື້ນີ້ ສະຖານທີ່ຄຸ້ມຄອງຫຼືອະນຸລັກສິ່ງທີ່ມີຊີວິດທາງທະເລທີ່ໃຫຍ່ສຸດນຶ່ງສັບປະດາຫຼັງຈາກ ທີ່ທ່ານໄດ້ລົງນາມໃນການຂະຫຍາຍເຂດປົກປ້ອງຄຸ້ມຄອງທີ່ຢູ່ທາງຕາເວັນອອກສຽງເໜືອ ຂອງໝູ່ເກາະຮາວາຍ.
ກ່ອນໜ້າການເດີນທາງຢ້ຽມຢາມ ສະຖານທີ່ຄຸ້ມຄອງທາງທະເລ ແຫ່ງຊາດ Papaha-naumokuakea ທ່ານໂອບາມາ ໄດ້ບອກກັບພວກຜູ້ນຳຂອງບັນດາປະເທດເກາະປາຊິຟິກ
ທີ່ໄປເຕົ້າໂຮມກັນວ່າ ການປົກປັກຮັກສາຫຼືອະນຸລັກ ແມ່ນກະແຈສຳຄັນຂອງພາກສ່ວນຂອງການເປັນປະທານາທິບໍດີຂອງທ່ານ.
“ນີ້ແມ່ນສະຖານທີ່ເປົ່າແປນ ແລະຈະເປັນທີ່ຈະໄດ້ປົວແປງ ແລະຈາກນີ້ຕໍ່ໜ້າ ມັນຈະເປັນການຮັກສາໄວ້ເພື່ອອະນຸຊົນຮຸ່ນຫຼັງຕໍ່ໄປ.”
ທຳນຽບຂາວ ກ່າວວ່າ ການປົກປັກຮັກສາຂອງພື້ນທີ່ ຂອງເນື້ອທີ່ກວມເອົາ 362 ພັນ ກິໂລແມັດມົນທົນ ຊຶ່ງເປັນທີ່ພັກພາອາໄສສັດນາໆພັນທາງທະເລ ຫຼາຍກວ່າ 7 ພັນ ຊະນິດ ນຶ່ງສ່ວນສີ່ ຂອງຊະນິດທີ່ີຫາບໍ່ໄດ້ໃນທີ່ໃດໆໃນໂລກ.
ທ່ານໂອບາມາ ໄດ້ກ່າວເພີ້ມຕື່ມໃນແລງວັນພຸດວານນີ້ ກ່ຽວກັບຄວາມສຳຄັນຂອງການປ່ຽນແປງດິນຟ້າອາກາດ ໂດຍກ່າວວ່າ ບໍ່ມີປະເທດໃດຈະເຄຍຊິນຈາກການຂົ່ມຂູ່ນີ້ ແລະວ່າ ທັງໝົດໂລກຈະຕໍ່ສູ້ບັນຫານີ້ຮ່ວມກັນ.
“ຂ້າພະເຈົ້າຄິດວ່າ ມີບາງພວກທີ່ເຂົ້າໃຈສະຖານະການນີ້ດີກວ່າບັນດາຜູ້ນຳຂອງປະເທດເກາະປາຊິກຟິກ ເພາະວ່າ ພວກເຂົາເຈົ້າໄດ້ປະຈັກຢ່າງແທ້ຈິງເຖິງຜົນກະທົນທີ່ວ່ານີ້. ການທີ່ມີອຸນນະພູມສູງຂຶ້ນແລະ ລະດັບນ້ຳທະເລ ແມ່ນໄດ້ຂຶ້ນສູ່ລະດັບທີ່ເປັນໄພຂົ່ມຂູ່ຕໍ່ບັນດາປະເທດພວກເຈົ້າ.”
ປະທານາທີບໍດີ ຈະເດີນທາງຕໍ່ໄປ ຍັງຈີນ ເພື່ອກອງປະຊຸມສຸດຍອດກຸ່ມ G-20 ບ່ອນທີ່ທ່ານໄດ້ກ່າວວ່າ ການປ່ຽນແປງດິນຟ້າອາກາດຈະເປັນຫົວຂໍ່ສຳຄຕັນໃນລາຍການທີ່ວ່ານີ້.
ອ່ານຂ່າວນີ້ເພີ້ມຕື່ມເປັນພາສາອັງກິດ
