ລິ້ງ ສຳຫລັບເຂົ້າຫາ

ວັນສຸກ, 12 ສິງຫາ 2022

ສຫລ ຈະສືບຕໍ່ໃຫ້ການ ປ້ອງກັນເກົາຫລີໃຕ້


ປະທານາທິບໍດີສະຫະລັດ ທ່ານບາຣັກ ໂອບາມາ ກໍາລັງໂບກມື ໃສ່ ພວກທະຫານສະຫະລັດ ພາຍຫລັງທີ່ ໄດ້ຮັບການເຊື້ອເຊີນໃຫ້ກ່າວຄໍາປາໃສ ທີ່ຄ້າຍທະຫານສະຫະລັດ (U.S. Army) Garrison Yongsan ໃນນະຄອນຫລວງ ໂຊລ, ເກົາຫລີໃຕ້ ເນື່ອງໃນໂອກາດລະນຶກເຖິງ ວັນນັກຮົບເກົ່າຂອງອາເມຣິກາ ໃນ ວັນທີ່ 11 ພະ

ປະທາ​ນາທິບໍດີສະຫະລັດ ທ່ານ​ບາຣັກ ​ໂອ​ບາ​ມາ ​ເວົ້າວ່າ ສະຫະລັດ ຈະ​ບໍ່ຄວາມລັງເລໃຈໃດໆໃນພັນທະຂອງ​ຕົນ​ ໃນ​ການ​ປ້ອງ​ກັນ​ເກົາຫລີ​ໃຕ້.

ໃນ​ຄໍາ​ປາ​ໃສ​ຕອນ​ນຶ່ງຂອງ​ທ່ານ ​ທີ່ກ່າວ​ໃນ​ຄ້າຍ​ທະຫານ​ສະຫະ​ລັດໃນ ນະຄອນຫລວງ ໂຊລ ໃນ​ໂອ​ກາດ​ລະນຶກ​ເຖິງ ວັນນັກຮົບ​ເກົ່າ​ຂອງ​ອາ​ເມຣິກາ ທ່ານ​ ໂອ​ບາ​ມາ​ໄດ້​ກ່າວ ສັນລະ​ເສີນ​ພວກ​ທະຫານ​ຢູ່​ທີ່​ນັ້ນ ຊຶ່ງ​ທ່ານ​ເວົ້າວ່າ ການ​ທີ່​ພວກ​ເຂົາ​ເຈົ້າ​ປະ​ຈໍາ​ຢູ່​ທີ່​ນັ້ນ ​ແມ່ນ​ເພື່ອ​ຊ່ວຍປົກ​ປ້ອງປະຊາທິປະ​ໄຕ.

ທ່ານ​ ໂອ​ບາ​ມາ​ຍັງໄດ້ກ່າວ​ປະນາມ ​ເກົາຫລີ​ເໜືອ ທີ່​ໄດ້​ສືບຕໍ່ດໍາ​ເນີນ ຕາມ ​ເສັ້ນທາງ ທີ່​ທ່ານ​ວ່າ​ເປັນ​ການເອົາ​ຕົນ​ເອງຖະຫລໍາ​ເລິກ ໃນ​ການຖືກໂດດດ່ຽວ​ຈາກປະ​ເທດ​ອື່ນ​ໃນ​ໂລກ. ທ່ານ​ໄດ້​ຮຽກຮ້ອງໃຫ້​ປະ​ເທດ​ຄອມ​ມີ​ວ ນິສເກົາຫລີ​ເໜືອ ​ໃຫ້​ພົວພັນ​ກັບ​ປະຊາ​ຄົມ​ສາມ​ກົນ ກ່ຽວກັບ​ໂຄງການ​ນີວ​ເຄລຍ ຖ້າ​ບໍ່ດັ່ງນັ້ນ ກໍ​ຈະ​ເຮັດ​ໃຫ້ຊີວິດ​ຂອງ​ປະຊາຊົນ​ຂອງ​ຕົນ ຍິ່ງ​ພົບ​ຄວາມຫຍຸ້ງຍາກ​ເພີ້ມຂຶ້ນ.

ທ່ານ​ ໂອ​ບາ​ມາ​ກ່າວ​ອີກ​ວ່າ ​ແຫລມ​ເກົາຫລີ ​ໄດ້​ສະ​ແດງ​ໃຫ້​ໂລກ​ເຫັນ​ຄວາມ​ແຕກ​ຕ່າງ​ກັນ​ຢ່າງ​ຈະ​ແຈ້ງ​ກ່ຽວກັບ​ສັງຄົມ​ທີ່​ເປີດ ​ແລະສັງຄົມ​ທີ່​ປິດ. ທ່ານ​ກ່າວ​ຢໍ້າວ່າ ​ເກົາຫລີ​ເໜືອຍັງ​ມີໂອ​ກາດ​ທີ່​ຈະ​ປ່ຽນ​ແປງ​ເສັ້ນທາງ​ຂອງ​ຕົນ.

XS
SM
MD
LG