ປະທານາທິບໍດີ Barack Obama ໄດ້ຕິຕຽນ ບັນດານັກການ
ເມືອງອາເມຣິກັນ ໃນການຄັດຄ້ານການຕັ້ງຖິ່ນຖານອົບພະຍົບ
ຊີເຣຍ ໂດຍກ່າວວ່າ ຖ້ອຍຄຳການປາກເວົ້າຂອງເຂົາເຈົ້ານັ້ນ
ກົງກັນຂ້າມກັບຄ່ານິຍົມຂອງ ອາເມຣິກັນ ແລະອາດກາຍເປັນ
ເຄຶ່ອງມືຂອງການຂົນຂວາຍເອົາຄົນເຂົ້າໃນກຸ່ມຫົວຮຸນແຮງ
ລັດອິສລາມກໍເປັນໄດ້.
ນັບແຕ່ພວກກໍ່ການຮ້າຍໂຈມຕີ ນະຄອນຫລວງປາຣີເປັນຕົ້ນ
ມາ ບັນດານັກການເມືອງພັກ ຣີພັບບລິກັນ ໄດ້ຮຽກຮ້ອງໃຫ້
ຢຸດເຊົາຕັ້ງຖິ່ນຖານ ອົບພະຍົບຊີເຣຍທັງໝົດ ຫລືອະນຸຍາດ
ໃຫ້ພຽງແຕ່ ອົບພະຍົບຊີເຣຍທີ່ເປັນຊາວຄຣິສຕຽນ ເຂົ້າມາ
ສະຫະລັດ ໂດຍໂຕ້ແຍ້ງວ່າ ບາດກ້າວເຫຼົ່ານັ້ນຈະກີດກັນ ບໍ່ໃຫ້ພວກກໍ່ການຮ້າຍຊີເຣຍ
ນຳເອົາການໂຈມຕີທີ່ຄ້າຍຄືກັນມາສູ່ ສະຫະລັດ.
ໃນການກ່າວຕໍ່ບັນດານັກຂ່າວທີ່ ກອງປະຊຸມສຸດຍອດ ຮ່ວມມືເສດຖະກິດ ເອເຊຍປາຊິ
ຟິກ (APEC) ທີ່ນະຄອນຫລວງມານີລາ ໃນວັນພຸດມື້ນີ້ ທ່ານ Obama ກ່າວວ່າ “ພວກ
ເຮົາບໍ່ໄດ້ຮັບໃຊ້ເປັນຢ່າງດີ ເວລາພວກເຮົາຕອບໂຕ້ຕໍ່ ການໂຈມຕີກໍ່ການຮ້າຍ ພວກເຮົາ
ເກີດຄວາມຢ້ານກົວແລະສັບສົນ.”
ບັນດາສະມາຊິກສະພາພັກຣີພັບບລິກກັນ ໄດ້ຮຽກຮ້ອງໃຫ້ໂຈະແຜນຕັ້ງຖິ່ນຖານ ທີ່ເພີ້ມ
ຊາວຊີເຣຍ 10,000 ຄົນຢູ່ໃນສະຫະລັດ ຢູ່ໃນການໂຕ້ວ່າທີ ທີ່ເຫັນໂຕຢ່າງຢູ່ໃນບັນດາ
ປະເທດຢູໂຣບ ທີ່ວ່າການຕັ້ງຖີ່ນຖານນັ້ນທຳຮ້າຍຄວາມ ປອດໄພ.
ສະມາຊິກສະພາສູງ ແລະຜູ້ສະມັກປະທານາທິບໍດີ ທ່ານ Ted Cruz ແຫ່ງລັດ Texas
ກ່າວວ່າ ທ່ານມີແຜນທີ່ຈະວາງຮ່າງກົດໝາຍອອກມາ ຫ້າມອົບພະຍົບມຸສລິມຊີເຣຍ ເຂົ້າ
ມາສະຫະລັດ. ປະທານສະພາຕໍ່າ ທ່ານ Paul Ryan ໄດ້ຮຽກຮ້ອງໃຫ້ໂຈະການຮັບເອົາ
ອົບພະຍົບຊີເຣຍ. ບັນດາຜູ້ປົກຄອງລັດ ຫລາຍກວ່າຊາວຄົນໄດ້ໃຫ້ສັນຍານເຖິງ ແຜນ
ຂອງເຂົາເຈົ້າກີດກັ້ນອົບພະຍົບ ໃນການຕັ້ງຖິ່ນຖານຢູ່ໃນບັນດາລັດຂອງເຂົາເຈົ້າ.
ໂດຍບໍ່ໄດ້ບົ່ງຊື່ຜູ້ໃດ ທ່ານ Obama ໄດ້ສະເໜີວ່າ ບັນດາເຈົ້າໜ້າທີ່ຈຳນວນໜຶ່ງ ໄດ້
ຍຸຍົງໃຫ້ໂຕ້ຖຽງຢ່າງແຮງເພື່ອຈຸດປະສົງທາງດ້ານການເມືອງ.
“ເວລາສ່ວນບຸກຄົນກ່າວວ່າ ພວກເຮົາຄວນທົດລອງຄວາມເຊື່ອຖືສາສະໜາ ແລະພຽງແຕ່
ຄຣິສຕຽນ ພິສູດວ່າເປັນຄຣິສຕຽນ ທີ່ຈະຕ້ອງອະນຸຍາດໃຫ້ເຂົ້າມາ ນີ້ເປັນຄວາມເວົ້າທີ່ບໍ່
ເປັນຕາຟັງ ແລະກົງກັນຂ້າມກັບຄຸນຄາຂອງອາເມຣິກັນ” ທີ່ປະທານາທິບໍດີໄດ້ໂຕ້ຖຽງ.
ລັດຖະບານ ທ່ານ Obama ໄດ້ປ້ອງກັນການກວດສອບດຳເນີນເອົາອົບພະຍົບເຂົ້າມາ
ສະຫະລັດ ໂດຍກ່າວວ່າ ເຂົາເຈົ້າຕ້ອງຜ່ານການກວດສອບຢ່າງເຄັ່ງຄັດທີ່ຈະໃຊ້ເວລາ
18 ຫາ 24 ເດືອນ. ທ່ານຍິນດີການສະເໜີໃດໆທີ່ຈະເຣັດໃຫ້ການດຳເນີນດັ່ງກ່າວນີ້ດີຂື້ນ.
