ລິ້ງ ສຳຫລັບເຂົ້າຫາ

logo-print

ປ. ໂອບາມາ ກ່າວຄຳປາໄສ ຕໍ່ກອງປະຊຸມ ສະມັດຊາໃຫຍ່ ສະຫະປະຊາຊາດ (ວີດີໂອ)


ປະທານາທິບໍດີບາຣັກ ໂອບາມາ ກ່າວຄຳປາໄສ ຕໍ່ກອງປະຊຸມ ສະມັດຊາໃຫຍ່ອົງການສະຫະປະຊາຊາດ ສະໄໝທີ 67 ຢູ່ສຳນັກງານໃຫຍ່ ອົງການສະຫະປະຊາຊາດ ໃນນະຄອນນິວຢອກ (25 ກັນຍາ 2012)
ປະທານາທິບໍດີບາຣັກ ໂອບາມາ ຂໍໃຫ້ພວກຜູ້ນຳຂອງໂລກ ກ່າວ
ປະນາມຢ່າງແຂງຂັນຕໍ່ອັນທີ່ທ່ານເອີ້ນວ່າການເມືອງທີ່ສ້າງຄວາມ ແບ່ງແຍກແລະຄວາມຮຸນແຮງ ແລະໃຫ້ປະເຊີນໜ້າກັບສາເຫດ ແຫ່ງຄວາມໂກດແຄ້ນທີ່ເລິກລົງໄປກວ່ານັ້ນ ຢູ່ໃນໂລກມຸສລິມ.

ປະທານາທິບໍດີໂອບາມາກ່າວວ່າ ການໂຈມຕີແບບດຽວກັນກັບທີ່
ໄດ້ສັງຫານ ເອກອັກຄະລັດຖະທູດສະຫະລັດ ປະຈຳລີເບຍ ທ່ານ
Chris Stevens ແລະ ຊາວອາເມຣິກັນ ອີກ 3 ຄົນນັ້ນແມ່ນເປັນ
ການໂຈມຕີ ບໍ່ພຽງແຕ່ຕໍ່ອາເມຣິກາທໍ່ນັ້ນ ແຕ່ຍັງເປັນການໂຈມຕີ
ຕໍ່ຫຼັກອຸດົມການທີ່ອົງການສະຫະປະຊາຊາດ ໄດ້ກໍ່ຕັ້ງຂຶ້ນມາ.

ທ່ານໂອບາມາໄດ້ເລີ້ມແລະສິ້ນສຸດຄຳປາໄສຂອງທ່ານດ້ວຍການ
ກ່າວເຖິງ ທ່ານ Stevens ນັ້ນວ່າ ເປັນບຸກຄົນທີ່ທໍາງານ ເພື່ອນຳເອົາປະຊາທິປະໄຕມາສູ່ ລີເບຍ ແລະເປັນຜູ້ສ້າງຂົວ ເພື່ອເຊື່ອມຕໍ່ວັດທະນະທຳຕ່າງໆ. ທ່ານເວົ້າວ່າ ສະຫະລັດຈະ ດຳເນີນງານແບບບໍ່ຮູ້ອິດເມື່ອຍເພື່ອນຳເອົາພວກຄາດຕະກອນທີ່ຮັບຜິດຊອບມາລົງໂທດ.

ທ່ານໂອບາມາເວົ້າວ່າ ພວກຜູ້ນຳຂອງໂລກຕ້ອງກ່າວຕໍ່ຕ້ານຄວາມຮູ້ສຶກທີ່ຊຸກຍູ້ໄປສູ່ການ ກໍ່ຄວາມຮຸນແຮງ.

ປະທານາທິບໍດີໂອບາມາເວົ້າວ່າ “ຖ້າພວກເຮົາ ຫາກມີຄວາມຈິງຈັງ ກ່ຽວກັບຫຼັກອຸ ດົມການເຫຼົ່ານັ້ນແລ້ວພວກເຮົາຕ້ອງໄດ້ເວົ້າອອກມາດ້ວຍຄວາມຈິງໃຈກ່ຽວກັບ ສາເຫດ ທີ່ເລິກລົງໄປກວ່ານັ້ນ ຂອງວິກິດການ. ຍ້ອນພວກເຮົາ ປະເຊີນໜ້າກັບ ທາງເລືອກລະຫວ່າງກຳລັງທີ່ຈະຂັບດັນພວກເຮົາໃຫ້ເກີດຄວາມແບ່ງແຍກແລະ ຄວາມຫວັງທີ່ພວກເຮົາມີຮ່ວມກັນ. ມື້ນີ້ພວກເຮົາຕ້ອງກ່າວຢືນຢັນວ່າ ອະນາຄົດ ຂອງພວກເຮົາ ຈະໄດ້ຮັບການຕັດສິນໃຈ ໂດຍຜູ້ຄົນຄືກັນກັບທ່ານ Chris Ste-
vens ແລະບໍ່ແມ່ນໂດຍ ພວກທີ່ສັງຫານທ່ານ. ມື້ນີ້ ພວກເຮົາຕ້ອງປະກາດວ່າ ຄວາມຮຸນແຮງ ແລະການບໍ່ອະນຸໂລມຜ່ອນຜັນໃນທຳນອງນີ້ ຈະບໍ່ມີບ່ອນ ຢູ່ໃນ ອົງການສະຫະປະຊາຊາດຂອງພວກເຮົາ.”


ປະທານາທິບໍດີໂອບາມາເອີ້ນຮູບເງົາຕໍ່ຕ້ານອິສລາມທີ່ກໍ່ໃຫ້ເກີດຄວາມຮຸນແຮງຢູໃນຫຼາຍ
ປະເທດນັ້ນວ່າ “ຫຍາບຄາຍແລະໜ້າລັງກຽດ” ແລະໝິ່ນປະໝາດ ຕໍ່ຊາວມຸສລິມ ແລະຕໍ່ ສະຫະລັດນຳດ້ວຍ. ແຕ່ໃນຂະນະດຽວກັນ ທ່ານກໍໄດ້ກ່າວປ້ອງກັນການຄຸ້ມຄອງສິດເສລີ ພາບໃນການປາກເວົ້າຢ່າງເສລີ ຢູ່ໃນສະຫະລັດ.

ນອກນັ້ນ ທ່ານຍັງໄດ້ກ່າວຢໍ້າ ເຖິງການສະໜັບສະໜຸນຂອງສະຫະລັດ ຕໍ່ອັນທີ່ທ່ານເອີ້ນ ວ່າ “ກຳລັງແຫ່ງການປ່ຽນແປງ” ຢູ່ໃນບັນດາປະເທດໃນພາກຕາເວັນອອກກາງ ແລະອາ ຟຣິກາເໜືອທີ່ພວມມີການຫັນປ່ຽນຍ້ອນການລຸກຮືຂຶ້ນໃນລະດູບານໃໝ່ຂອງຊາວອາຣັບ ນັ້ນ.

ກ່ຽວກັບເລື່ອງຊີເຣຍ ປະທານາທິບໍດີໂອບາມາ ກ່າວວ່າ ລັດຖະບານຂອງປະທານາທິບໍດີ Bashar al-Assad ຕ້ອງສິ້ນສຸດລົງ ແຕ່ໂລກຕ້ອງດຳເນີນງານຮ່ວມກັນ ເພື່ອຄໍ້າປະກັນ ໃຫ້ມີການປ່ຽນແປງແບບສັນຕິ.

ປະທານາທິບໍດີໂອບາມາກ່າວວ່າ “ຢູ່ໃນຊີເຣຍ ຈອມຜະເດັດການທີ່ສັງຫານໝູ່ ປະ ຊາຊົນຂອງຕົນ ຈະຕ້ອງບໍ່ມີອະນາຄົດ. ຖ້າຫາກມີເຫດຜົນ ທີ່ພາໃຫ້ມີການຮ້ອງ ຮຽນປະທ້ວງຢູ່ໃນໂລກທຸກມື້ນີ້ຄືການປະທ້ວງແບບສັນຕິນັ້ນ ມັນກໍແມ່ນອຳນາດ ການປົກຄອງທີ່ທໍລະມານເດັກນ້ອຍແລະຍິງຈະຫຼວດໃສ່ຕຶກຫໍພັກຕ່າງໆ. ແລະ ພວກເຮົາຕ້ອງໄດ້ສືບຕໍ່ພົວພັນເພື່ອຄໍ້າປະກັນວ່າ ສິ່ງທີ່ເລີ້ມດ້ວຍການຮຽກຮ້ອງ ເອົາສິດທິຂອງປະຊາຊົນນັ້ນ ຈະບໍ່ສິ້ນສຸດລົງ ດ້ວຍວົງຈອນຂອງຄວາມຮຸນແຮງ ທາງດ້ານສາສະໜາ.”

ທ່ານໂອບາມາເວົ້າວ່າ “ລະດູການແຫ່ງຄວາມກ້າວໜ້າ” ບໍ່ໄດ້ມີການຈຳກັດຢູ່ແຕ່ໃນໂລກ ອາຣັບທໍ່ນັ້ນ. ທ່ານໄດ້ກ່າວອ້າງເຖິງການປ່ຽນແປງແບບສັນຕິ ຢູ່ອາຟຣິກາ ແລະຢູ່ໃນມຽນ ມາແລະກ່າວຕື່ມວ່າ ຄວາມວຸ້ນວາຍເມື່ອໄວໆມານີ້ຍັງສະແດງໃຫ້ເຫັນວ່າ ປະຊາທິປະໄຕ ເປັນວຽກງານອັນໜັກໜ່ວງ.

ທ່ານໂອບາມາເວົ້າວ່າ “ປະຊາທິປະໄຕທີ່ແທ້ຈິງນັ້ນໝາຍເຖິງວ່າປະຊາຊົນຈະຕ້ອງ ບໍ່ຖືກຈັບເຂົ້າຄຸກ ຍ້ອນສິ່ງທີ່ພວກເຂົາເຈົ້າເຊື່ອ ແລະທຸລະກິດຕ່າງໆ ຈະສາມາດ ເປີດໄດ້ໂດຍບໍ່ຕ້ອງມີການໃຫ້ເງິນສິນບົນ. ປະຊາທິປະໄຕທີ່ແທ້ຈິງແມ່ນຂຶ້ນຢູ່ກັບ ສິດເສລີພາບຂອງປະຊາຊົນ ໃນການສະແດງອອກ ສິ່ງທີ່ຢູ່ໃນໃຈ ຂອງພວກເຂົາ
ເຈົ້າແລະໂຮມຊຸມກັນໂດຍປາສະຈາກຄວາມຢ້ານກົວແລະຂຶ້ນຢູ່ກັບການປົກຄອງ ດ້ວຍຕົວບົດກົດໝາຍ ແລະຂະບວນການທາງກົດໝາຍ ທີ່ໃຫ້ການຄໍ້າປະກັນສິດ ເສລີພາບຂອງທຸກໆຄົນ. ເວົ້າອີກໄນນຶ່ງ ກໍແມ່ນວ່າ ປະຊາທິປະໄຕທີ່ແທ້ຈິງ ກໍຄື ອິດສະຫຼະພາບທີ່ແທ້ຈິງນັ້ນ ແມ່ນວຽກງານອັນໜັກໜ່ວງ”
.

ນອກນັ້ນ ທ່ານໂອບາມາຍັງໄດ້ກ່າວເຖິງການປະເຊີນໜ້າກັບອີຣ່ານ ກ່ຽວກັບໂຄງການນິວ ເຄລຍຂອງປະເທດດັ່ງກ່າວ ຊຶ່ງສະຫະລັດ ອິສຣາແອລ ແລະປະເທດອື່ນໆ ເຊື່ອວ່າ ມີຈຸດ ປະສົງເພື່ອສ້າງອາວຸດນິວເຄລຍນັ້ນ. ແຕ່ອີຣ່ານເວົ້າວ່າ ໂຄງການນິວເຄລຍຂອງຕົນມີຈຸດ ປະສົງໃນທາງສັນຕິ.

ເຖິງແມ່ນທ່ານບໍ່ໄດ້ກ່າວເຖິງ “ເສັ້ນຕາຍ” ສຳຫຼັບອີຣ່ານທີ່ອາດພາໃຫ້ມີການປະຕິບັດງານ ທາງທະຫານຕໍ່ສະຖານທີ່ນິວເຄລຍຂອງອີຣ່ານນັ້ນກໍຕາມແຕ່ທ່ານໂອບາມາກໍເວົ້າວ່າ ໂອ ກາດສຳຫຼັບການແກ້ໄຂທາງດ້ານການທູດ ບໍ່ແມ່ນວ່າຈະບໍ່ມີເວລາຈຳກັດ ແລະສະຫະລັດ ກໍຈະດຳເນີນການ ໃນສິ່ງທີ່ຕົນຈໍາເປັນຕ້ອງໄດ້ກະທຳ ເພື່ອຂັດຂວາງບໍ່ໃຫ້ອີຣ່ານມີອາວຸດ ນິວເຄລຍຢູ່ໃນຄວາມຄອບຄອງ.

ປະທານາທິບໍດີໂອບາມາເວົ້າວ່າ “ຈົ່ງຢ່າໄດ້ເຂົ້າໃຈຜິດ ແລະຄິດວ່າ ປະເທດອີຣ່ານ ທີ່ມີອາວຸດນິວເຄລຍນັ້ນ ແມ່ນບັນຫາທ້າທາຍທີ່ສາມາດຄວບຄຸມໄດ້. ອີຣ່ານທີ່ມີ ອາວຸດນິວເຄລຍ ຈະເປັນໄພຂົ່ມຂູ່ທີ່ຈະທຳລາຍອິສຣາແອລ ແລະຄວາມໝັ້ນຄົງ ຂອງບັນດາປະເທດໃນເຂດອ່າວເປີເຊຍຕະຫລອດທັງສະຖຽນລະພາບຂອງເສດ
ຖະກິດໃນໂລກ.”


ກ່ອນຈະເດີນທາງອອກ ຈາກນະຄອນນິວຢອກ ປະທານາທິບໍດີໂອບາມາ ຍັງໄດ້ໄປກ່າວ ຄຳປາໄສຕໍ່ກອງປະຊຸມຂອງອົງການ Clinton Global Initiative ທີ່ຢູ່ພາຍໃຕ້ການນຳ ພາຂອງອະດີດປະທານາທິບໍດີສະຫະລັດ ທ່ານ Bill Clinton ນັ້ນ.

ທ່ານ Mitt Romney ຜູ້ສະມັກປະທານາທິບໍດີຂອງພັກຣີພັບບລີກັນກໍໄດ້ກ່າວຄຳປາໄສຕໍ່ ອົງການດັ່ງກ່າວນີ້ຄືກັນ ໂດຍຮຽກຮ້ອງໃຫ້ນຳໃຊ້ວິທີໃໝ່ ໃນການໃຫ້ຄວາມຊ່ອຍເຫຼືອແກ່ ຕ່າງປະເທດ ຂອງສະຫະລັດ. ທ່ານໄດ້ຕຳໜິຕິຕຽນໂດຍທາງອ້ອມ ນະໂຍບາຍຕໍ່ພາກຕາ ເວັນອອກກາງຂອງທ່ານໂອບາມາ ໂດຍກ່າວວ່າ ຊາວອາເມຣິກັນມີຄວາມກັງວົນໃຈກ່ຽວ ກັບເຫດການທີ່ເກີດຂຶ້ນຢູ່ທີ່ນັ້ນ.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG