ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ປະທານາທິບໍດີ ໂອບາມາ ກ່າວວ່າ ການຕໍ່ສູ້ກັບພວກ IS “ຈະໃຊ້ເວລາດົນນານ”


ປະທິບໍດີ ໂອບາມາ ກ່າວຕໍ່ນັກຂ່າວຫຼັງຈາກໄດ້ຂໍ້ມູນຫຼ້າສຸດ ຈາກຫົວໜ້າການທະຫານກ່ຽວກັບ ການຕໍ່ໍ່ສູ້ກັບພວກລັດ ອິສລາມ, ໃນການຢ້ຽມຢາມ ທຳນຽບ ຫ້າແຈ ທີ່ບໍ່ຄ່ອຍປະກົດ ມີ. 6 ມິຖຸນາ 2015.
ປະທິບໍດີ ໂອບາມາ ກ່າວຕໍ່ນັກຂ່າວຫຼັງຈາກໄດ້ຂໍ້ມູນຫຼ້າສຸດ ຈາກຫົວໜ້າການທະຫານກ່ຽວກັບ ການຕໍ່ໍ່ສູ້ກັບພວກລັດ ອິສລາມ, ໃນການຢ້ຽມຢາມ ທຳນຽບ ຫ້າແຈ ທີ່ບໍ່ຄ່ອຍປະກົດ ມີ. 6 ມິຖຸນາ 2015.

ປະທານາທິບໍດີ​ ສະຫະລັດ ທ່ານ ບາຣັກ ​ໂອ​ບາ​ມາ ກ່າວ​ວ່າ ການ​ຕໍ່ສູ້ກັບ​ພວກ​ຫົວ​ຮຸນ​ແຮງລັດ ອິສລາມ ຫລື IS ຈະ​ໃຊ້ເວລາ​ດົນ​ນານ, ຕໍ່ສູ້​ຢ່າງ​ຍາກ​ລຳບາກ ​ແລະ ຕ້ອງການຫຼາຍ​ກວ່າ​ກອງ​ກຳລັງ​ທະຫານ ອາ​ເມຣິກາ ທີ່ມີ​ປະສິດທິພາບ ​ເພື່ອ​ເອົາ​ຊະນະ​ໃນ​ການ​ຕໍ່ສູ້.

ທ່ານ ​ໂອ​ບາ​ມາ ​ໄດ້​ກ່າວ​ໃນ​ວັນ​ຈັນ​ວານນີ້ ທີ່​ທຳນຽບຫ້າ​ແຈ ຫຼື The Pentagon ບ່ອນທີ່ທ່ານ​ໄດ້​ພົບ​ປະ ​ກັບ​ທີ​ມຄວາມ​ໝັ້ນຄົງ​ແຫ່ງ​ຊາດ ຂອງ​ທ່ານ​ໃນ​ວັນ​ຈັນ​ວານ​ນີ້ ໂດຍເວົ້າວ່າ “ການ​ຕໍ່ສູ້​ນີ້​ຈະ​ບໍ່​ໄວ, ນີ້​ແມ່ນ​ການຕໍ່ສູ້​ໄລຍະ​ຍາ​ວ, ມັນ​ຈະ​ໃຊ້​ເວລາໃນ​ການ​ທີ່​ຈະ​ຖອນ​ຮາກ​ຂອງ​ພວກ​ຫົວ​ຮຸນ​ແຮງ​ນີ້ອອກ ​ແລະການ​ທີ່​ຈະ​ເຮັດແນວ​ນັ້ນໄດ້ ວຽກ​ດັ່ງກ່າວຄວນ ເປັນ​ໜ້າ​ທີ່​ຂອງກອງ​ກຳລັງ​ທະຫານ ທ້ອງ​ຖິ່ນທີ່ຢູ່ໃນ​ພື້ນ​ທີ່ ໂດຍ ໄດ້ຮັບ​ການ​ຝຶກ​ແອບ ​ແລະ ການ​ສະໜັບສະໜູນ​ທາງ​ອາກາດ ຈາກ​ພັນທະ​ມິດ​ຂອງ​ພວກ​ເຮົາ.”

ທ່ານ​ໂອ​ບາ​ມາ​ ​ໄດ້​ກ່າວ​ເພີ່​ມ, ​ເຊິ່ງທ່ານ ​ໄດ້ສັນຍາ​ ທີ່ຈະ​ກຳຈັດ ແລະ ປາບ​ປາມ​ພວກ​ຫົວ​ຮຸນ​ແຮງ ລັດອິິສລາມ ​ໂດຍ​ປາສະຈາກ​ການ​ດຶງ​ເອົາ​ ອາ​ເມຣິກັນ ​ເຂົ້າ​ໄປ​ໃນພົວພັນໃນ​ສົງຄາ​ມພາກພື້ນ ດິນອີກຄັ້ງນຶ່ງ ຊຶ່ງ ທ່ານກ່າວວ່າ “ມັນ​ຈະ​ມີໄລຍະ​ເວລາ​ຂອງ​ຄວາມ​ກ້າວໜ້າ, ​ແຕ່​ວ່າ​ມັນ​ກໍ​ຈະ​ມີ​ການ​ຖອຍ​ຫລັງໃນບາງ​ຄັ້ງເຊັ່ນ​ກັນ”.

Obama Vows to Intensify Fight Against Islamic State in Syria
please wait

No media source currently available

0:00 0:01:41 0:00

ທ່ານ ປະທານາທິບໍດີ, ​ເຊິ່ງຄັ້ງ​ໜຶ່ງເຄີຍ​ສາລະພາບ​ວ່າ ສະຫະລັດ ບໍ່​ມີ “​ແຜນ​ຍຸດ​ທະ​ສາດ ທີ່​ສົມບູນ​ແບບ” ​ເພື່ອ​ຕໍ່ສູ້​ກັບ​ພວກ IS, ​ໄດ້​ພົບ​ປະ​ກັບ​ລັດຖະມົນຕີ​ປ້ອງກັນປະເທດ ທ່ານ Ash Carter ​ແລະ ບັນ​ດາ​ຜູ້​ບັນຊາ​ການ​ທະຫານ​ຂັ້ນ​ສູງ ​ແລະ ​ເຈົ້າ​ໜ້າ​ທີ່​ສືບ​ລັບຫຼາຍ​ຄົນ. ການ​ພົບ​ປະ​ດັ່ງກ່າວ​ ມີຂຶ້ນ​ຫຼັງ​ຈາ​ກການ​ໂຈມ​ຕີ​ທາງ​ອາ​ກາດ​ຢ່າງໜັກ ​ໂດຍ​ກຸ່ມ​ພັນທະ​ມິດ​ນຳ​ໂດຍ ສະຫະລັດ ​ຕໍ່​ພວກ​ຫົວ​ຮຸນ​ແຮງ, ​ເຊິ່ງ​ໄດ້​ເຂົ້າ​ຄວບ​ຄຸມ​ບໍລິ​ເວນ​ກວ້າງຂວາງ​ໃນ​ພາກ​ເໜືອ ແລະ ພາກ​ຕາ​ເວັນຕົກ​ຂອງອີຣັກ ​ພ້ອມທັງ ພາກ​ຕາ​ເວັນ​ອອກ​ຂອງ ຊີ​ເຣຍ. ກຸ່ມ​ພັນທະ​ມິດ​ໄດ້ປະຕິບັດ​ການ​ໂຈມ​ຕີ 38 ຄັ້ງ, ເຊິ່ງເກືອ​ບ​ເຄິ່ງໜຶ່ງຂອງໂຈມ​ຕີແມ່ນແນໃສ່​ເມືອງ Raqqa ແລະ ເຂດອ້ອມ ແອ້ມທີ່​ພວກ​ IS ຕັ້ງ​ຂຶ້ນມາເປັນ​ນະຄອນຫຼວງ ​ຂອງ​ຕົນ.​

ທ່ານ ​ໂອບ​າມາ ​ໄດ້​ກ່າວ​ເຖິງການ​ສືບ​ຕໍ່​ການ​ຕໍ່ສູ້ໃນຫຼາຍ​ດ້ານ ​ເຊິ່ງ ກອງ​ກຳລັງ​ຂອງ​ພັນທະມິ​ດ​ໄດ້ໂຈ​ມຕີ​ພວກ IS ທາງ​ອາກາດ ​ໃນ​ຂະນະ​ທີ່​ເອົາ​ບາດ​ກ້າວເພື່ອ​ຖອນ​ຮາກ​ດ້ານ​ການ​ເງິ​ນຂອງ​ກຸ່ມ​ດັ່ງກ່າວ ​ແລະ ​ເສີມ​ກຳລັງໃຫ້​ທະຫານ​ທ້ອງຖິ່ນໃນ​ການ​ປະຕິບັດງານພາກ​ພຶ້ນ ດິນ​ໃນ ອີຣັກ ​ແລະ ບ່ອນ​ອື່ນ​ໆ. ທ່ານ​ໄດ້ໃຫ້​ຂໍ້​ສັງ​ເກດ​ວ່າ ຄວາມ​ສຳ​ເລັດ​ຂອງ​ກຸ່ມ​ຫົວ​ຮຸນ​ແຮງ​ໃນ​ການ​ຮັບ ສະໝັກ​ເອົາ​ຄົນ​ຈາກ​ດິນ​ແດນ​ຫ່າງ​ໄກ, ລວມທັງ ​ສະຫະລັດ, ​ແລະກ່າວ​ວ່າການ​ເອົາ​ຊະ​ນະພວກ IS ຈະ​ຕ້ອງໄດ້ໃຊ້ຫຼາຍ​ໄປກວ່າ​ກຳລັງ​ທະຫານ​ທີ​ມີ​ປະສິດທິພາບເທົ່ານັ້ນ.

US Islamic State
please wait
Embed

No media source currently available

0:00 0:01:40 0:00

XS
SM
MD
LG