ລິ້ງ ສຳຫລັບເຂົ້າຫາ

ວັນອາທິດ, ໒໕ ກຸມພາ ໒໐໒໔

ປ. ໂອບາມາ ໃຊ້ສິດຢັບຢັ້ງ ຮ່າງກົດໝາຍ 11 ກັນຍາ


ຮູບການການໂຈມຕີ ຂອງພວກກໍ່ການຮ້າຍ ເມື່ອວັນທີ 11 ກັນຍາ ປີ 2001 ທີ່ຕຶກແຝດ ສູນກາງການຄ້າໂລກ ຢູ່ນະຄອນນິວຢອກ.
ຮູບການການໂຈມຕີ ຂອງພວກກໍ່ການຮ້າຍ ເມື່ອວັນທີ 11 ກັນຍາ ປີ 2001 ທີ່ຕຶກແຝດ ສູນກາງການຄ້າໂລກ ຢູ່ນະຄອນນິວຢອກ.

ປະທານາທິບໍດີ​ສະຫະລັດ ທ່ານ​ບາຣັກ ​ໂອ​ບາ​ມາ ໄດ້ໃຊ້​ສິດ​ຢັບຢັ້ງຫຼືວີ​ໂຕ້​ຕໍ່​ຮ່າງ​ກົດໝາຍ ທີ່​ຈະ​ອະນຸຍາດ​ໃຫ້​ບັນດາ​ຄອບຄົວ​ ຂອງ​ພວກ​ເຄາະ​ຮ້າຍຈາກການໂຈມຕີຢູ່​ໃນ​ສະຫະລັດ​ເມື່ອ​ວັນ​ທີ 11 ກັນ​ຍາ ​ຟ້ອງຮ້ອງ​ ລັດຖະບານ​ຊາ​ອຸດີ ອາ​ຣາ​ເບຍ ທີ່​ມີ​ການ​ກ່າວ​ຫາ​ວ່າ ​ພົວ ພັນ​ກັບ​ພວກ​ຈີ້​ເຮືອບິນທີ່​ກໍ່​ອາ​ຊະ​ຍາ​ກຳ​ດັ່ງກ່າວ​ເມື່ອ 15 ປີ​ກ່ອນ.

​ແຕ່​ແນວ​ໃດ​ກໍ​ຕາມ ການ​ໃຊ້​ສິດ​ຢັບຢັ້ງ ຂອງທ່ານ​ໂອ​ບາ​ມາໃນ​ວັນ​ສຸກ​ວານ​ນີ້ອາດ​ເຮັດໃຫ້​ ຮ່າງ​ກົດໝາຍ​ສະບັບ​ນີ້ ມີ​ການ​ຊັກ​ຊ້າ​ ພຽງ​ຊົ່ວຄາວ​ເທົ່າ​ນັ້ນ. ລັດຖະສະພາ​ສະຫະລັດ ​ສາ ມາດເອົາ​ຊະນະ​ການ​ໃຊ້​ສິດ​ຢັບຢັ້ງຂອງ​ປະທານາທິບໍດີ​ໄດ້ແລະຜູ້​ສັງ​ເກດ​ການຫຼາຍໆ​ຄົນ​ຢູ່​ວໍ​ຊິງ​ຕັນ​ຮູ້ສຶກ​ວ່າ ການ​ປະຕິ​ເສດ​ຕໍ່​ທ່ານ​ໂອ​ບາ​ມາ​ ແມ່ນ​ມີ​ທ່າ​ທາງ​ວ່າ​ຈະ​ເກີດ​ຂຶ້ນ​ແທ້.

ການ​ປະຕິ​ເສດຕໍ່​ກໍລະນີ​ດັ່ງກ່າວ​ຈະ​ເປັນ​ຂີດ​ໝາຍ​ເທື່ອ​ທຳ​ອິດ​ໃນ​ລັດຖະບານ​ສອງ​ສະ​ໄໝ​ຂອງ​ທ່ານ​ໂອ​ບາ​ມາ ທີ່​ວ່ານຶ່ງ​ໃນການ​ໃຊ້​ສິດ​ຢັບຢັ້ງຂອງ​ທ່ານ ​ໄດ້​ຖືກປະຕິ​ເສດ.

​ໃນ​ຈົດໝາຍ ​ທີ່​ສົ່ງ​ໄປ​ເຖິງ​ສະພາ​ສູງ​ນັ້ນ ປະທານາທິບໍດີ ກ່າ​ວວ່າ ຮ່າງ​ກົດໝາຍ​ທີ່​ມີ​ຊື່ວ່າ ຄວາມ​ຍຸຕິ​ທຳ ​ຕໍ່​ພວກ​ໃຫ້ການ​ສະໜັບສະໜຸນ ​ການ​ກໍ່​ການ​ຮ້າຍຫຼື Justice Against Sponsors of Terrorism Act “ຈະ​ບໍ່​ສາມາດ​ປົກປ້ອງ​ຊາວ​ອາ​ເມຣິກັນ​ຈາກ​ການ​ໂຈມ ​ຕີຂອງ​ພວກ​ກໍ່​ການ​ຮ້າຍ​ຫຼື​ປັບປຸງ​ປະສິດທິ​ຜົນໃນ​ການ​ຮັບ​ມື​ກັບ​ການ​ໂຈມ​ຕີ​ໃນ​ທຳນອງ​ນີ້
ໄດ້.”

ຍິ່ງ​ໄປ​ກວ່າ​ນັ້ນ ທ່ານ​ໂຕ້ແຍ້​ງວ່າ ມາດ​ຕະການ​ດັ່ງກ່າວ​ “ຈະ​ສ້າງ​ຄວາມ​ເສຍ​ຫາຍໃຫ້​ແກ່ ​ຜົນປະ​ໂຫຍ​ດ​ແຫ່ງ​ຊາດ​ຂອງ​ສະຫະລັດ​ຢ່າງ​ໃຫຍ່​ຫລວງ​ຕື່ມ​ຂຶ້ນ.”

ຮ່າງ​ກົດໝາຍ​ນີ້ຈະ​ອະນຸຍາດ​ໃຫ້​ບັນດາ​ຄອບ​ຄອບ ຟ້ອງ​ລັດຖະບານ​ຊາ​ອຸ​ດີ ອາຣາ​ເບຍ ກ່ຽວ​ກັບ​ການ​ກ່າວ​ຫາ​ ມີ​ຄວາມ​ສຳພັນ​ກັບ​ການ​ໂຈມ​ຕີ​ຂອງ​ພວກ​ກໍ່​ການຮ້າຍ​ໃນ​ປີ 2001 ທີ່ນະຄອນ​ນິວຢອກ ​ເພັນ​ຊິ​ລ​ເວ​ເນຍ ​ແລະ ​ວໍ​ຊິງ​ຕັນ ​ໂດຍ​ອະນຸຍາດ​ໃຫ້​ສານ​ສະຫະລັດ ​ຍົກ​ເວັ້ນ​ໂທດ​ໃນການກ່າວ​ອ້າງ​ໃດໆ​ອະທິປະ​ໄຕ​ຕ່າງປະ​ເທດໃນ​ຄະດີ​ທີ່​ພົວພັນ​ກັບ​ການ​ ກໍ່ການ​ຮ້າຍ​ຢູ່​ໃນ​ດິນ​ແດນ​ສະຫະລັດ.

ອ່ານຂ່າວນີ້ຕື່ມເປັນພາສາອັງກິດ

XS
SM
MD
LG