ປະທານາທິບໍດີ ສະຫະລັດ ທ່ານ Barack Obama ມີກຳນົດ
ທີ່ຈະສະເໜີແຜນຂອງທ່ານ ເພື່ອຮັບມືກັບຄວາມເປັນຫ່ວງ
ຕ່າງໆໃນດ້ານນະໂຍບາຍຕ່າງປະເທດ ນັບແຕ່ເລື້ອງກຸ່ມລັດ
ອິສລາມ ຕະຫລອດທັງການມີອິດທິພົນເພີ້ມຂຶ້ນຂອງຈີນ ຢູ່
ໃນລາຍງານ ຕໍ່ບັນດາສະມາຊິກລັດຖະສະພາ.
ຄາດວ່າ ບໍ່ມີການປ່ຽນແປງນະໂຍບາຍທີ່ສຳຄັນໃດໆ ຈະເປີດ
ເຜີຍໃຫ້ຊາບໃນວັນສຸກມື້ນີ້ ຢູ່ໃນເອກກະສານ ກ່ຽວກັບຍຸດທະ
ສາດດ້ານຄວາມປອດໄພແຫ່ງຊາດ ທີ່ຍາວ 33 ໜ້າ.
ບັນດາສະມາຊິກສະພາ ພັກຣີພັບບລິກັນ ຈຳນວນນຶ່ງ ໄດ້ຕິ
ຕຽນທ່ານ Obama ໃນອັນທີ່ເຂົາເຈົ້າມີຄວາມຮູ້ສຶກວ່າ ບໍ່ໄດ້ຮັບມືຢ່າງພຽງພໍກັບໄພຂົ່ມ
ຂູ່ຢູ່ໃນໂລກ ຮວມທັງເລື້ອງກຸ່ມລັດອິສລາມ ແລະບົດບາດຂອງຣັດເຊຍ ໃນຢູເຄຣນ.
ໃນບົດນຳໜ້າສັ້ນໆຂອງລາຍງານນີ້ ປະທານາທິບໍດີ Obama ໄດ້ກ່າວປ້ອງກັນນະໂຍ
ບາຍຂອງທ່ານ. ທ່ານເວົ້າວ່າ “ຢູ່ໃນໂລກ ທີ່ມີຄວາມສັບສົນນັ້ນ ບັນຫາຄວາມປອດໄພ
ຫຼາຍໆຢ່າງທີ່ເຮົາປະເຊີນໜ້າຢູ່ ແມ່ນບໍ່ສາມາດທີ່ຈະໄດ້ຮັບການ ແກ້ໄຂໄດ້ຢ່າງວ່ອງໄວ
ແລະງ່າຍດາຍເລີຍ.”
ບົດນຳໜ້າຂອງ ທ່ານ Obama ໄດ້ໃຫ້ການຢືນຢັນເຖິງຄວາມສຳຄັນໃນການນຳພາຂອງ
ອາເມຣິກັນ ຢູ່ໃນສັດຕະວັດທີ 21 ແລະກ່າວວ່າ ສະຫະລັດຈະສືບຕໍ່ທຳການຕໍ່ສູ້ກັບພວກ
ຫົວຮຸນແຮງຈັດ. ແຕ່ຂະນະດຽວກັນ ທ່ານກໍເຕືອນ ກ່ຽວກັບ “ຄວາມລົ້ມແຫຼວທີ່ອາດເກີດຂື້ນ ເວລາພວກເຮົາເຮັດການຕັດສິນໃຈ ທີ່ອີງຕາມຄວາມຢ້ານກົວ.”
ພາຍໃຕ້ກົດໝາຍ ປີ 1986 ປະທານາທິບໍດີ ຕ້ອງໄດ້ສົ່ງຍຸດທະສາດຄວາມປອດໄພແຫ່ງ
ຊາດ ໄປໃຫ້ລັດຖະສະພາ ໃນແຕ່ລະປີ ແຕ່ໃນການປະຕິບັດໂຕຈິງແລ້ວ ແມ່ນມີຂຶ້ນເປັນ
ບາງຄັ້ງບາງຄາວເທົ່ານັ້ນ.
