ລິ້ງ ສຳຫລັບເຂົ້າຫາ

site logo
ວັນພຸດ, 18 ພຶດສະພາ 2022

ສະຫະລັດ ແລະ ອົງການ NATO ຮ່ວມມືກັນ ໃນການຕໍ່ສູ້ ກັບກຸ່ມ ຫົວຮຸນແຮງ IS


ປະທານາທິບໍດີ ບາຣັກ ໂອບາມາ ຈັບມືກັບ ເລຂາທິການ ໃຫຍ່ອົງການ NATO ທ່ານ ເຈນຊ Stoltenberg ໃນລະຫວ່າງການພົບປະກັນໃນສຳນັກງານ Oval Office ຂອງທຳນຽບຂາວໃນນະຄອນຫຼວງ ວໍຊິງຕັນ. 4 ເມສາ, 2016.

ເມື່ອສອງອາທິດ ລຸນຫຼັງການໂຈມຕີຂອງພວກກໍ່ການຮ້າຍທີ່​ Brussels ແລ້ວປະທານາທິ ບໍດີ ສະຫະລັດ ທ່ານ ບາຣັກ ໂອບາມາ ກັບ ເລຂາທິການໃຫຍ່ອົງການ ນາໂຕ້ ທ່ານ ເຈນຊ​ Stoltenbergກໍໄດ້ໄວ້ອາໄລເຖິງໂສກໜາດຕະກຳດັ່ງກ່າວໃນຂະນະທີ່ພາກັນສ້າງ ຄວາມ ເຂັ້ມແຂງໃສ່ຄວາມສຳຄັນຂອງການ ເອົາໃຈໃສ່ຕໍ່ສູ້ກັບກຸ່ມຫົວຮຸນແຮງ ລັດອິສ ລາມ ຢູ່ນັ້ນ.

ເວລານັ່ງຢູ່ຄຽງຂ້າງເລຂາທິການໃຫຽ່ອົງການນາໂຕ້ ທ່ານ ເຈນຊ​ Stoltenberg ທີ່ສຳ ນັກງານ Oval Office ໃນວັນຈັນວານນີ້ ທ່ານ ໂອບາມາກ່າວວ່າ “ເວລານີ້ເປັນເວລາທີ່ ຂຸ້ນຂ້ຽວທີ່ສຸດຢູ່ໃນໂລກຂອງພວກເຮົາ. ຢູຣົບເປັນຈຸດເພັ່ງເລງສຳລັບຄວາມກົດດັນ ຫຼາຍຢ່າງແລະຄວາມຮີບຮ້ອນໃນລະບົບຄວາມປອດໄພຂອງໂລກ.”

ໃນການໃຫ້ຂໍ້ສັງເກດຕ່າງໆຕໍ່ພວກນັກຂ່າວ ລຸນຫຼັງການໂອ້ລົມກັບທ່ານ​ Stoltenberg ນັ້ນ ປະທານາທິບໍດີ ສະຫະລັດ ໄດ້ຊົມເຊີຍຄວາມຊ່ວຍເຫຼືອຂອງອົງການນາໂຕ້ໃນການ ຕ້ານຢັນພວກລັດອິສລາມ ໂດຍສະເພາະການພະຍາຍາມຝຶກແອບແລະການຊ່ອຍເຫຼືອ ແກ່ກຳລັງທ້ອງຖິ່ນໃນອີຣັກແລະຈໍແດນ.

ທ່ານ Stoltenberg ໄດ້ເວົ້າຢໍ້າເຖິງການອູ້ມຊູຂອງນາໂຕ້ແກ່ອີກຫຼາຍໆປະເທດໃນຂົງ ເຂດ ເພື່ອສ້າງຄວາມທຸ່ນທ່ຽງແລະການຕໍ່ສູ້ກັບພວກໄອແອັສ. ທ່ານກ່າວວ່າ “ວິທີຕ່າງໆທີ່ ຈະກໍ່ສ້າງຄວາມສາມາດໃນທ້ອງຖິ່ນແມ່ນບຸຣິມະສິດຂອງນາໂຕ້.”

ນອກນັ້ນ ພວກຜູ້ນຳທັງສອງຍັງໄດ້ສົນທະນາກັນ ກ່ຽວກັບ ອັຟການິສຖານ​ ຊຶ່ງທ່ານເອີ້ນ ນາໂຕ້ ວ່າເປັນຄູ່ຮ່ວມງານພິເສດໃນການນຳເອົາສະເຖັຽລະພາບມາສູ່ປະເທດ ເອເຊຽໃຕ້ ແຫ່ງນັ້ນ.

Obama: US, NATO United in IS Militant Group Fight
please wait

No media source currently available

0:00 0:02:25 0:00

ທ່ານອາດຈະມັກເລື້ອງນີ້ຄືກັນ

XS
SM
MD
LG