ລິ້ງ ສຳຫລັບເຂົ້າຫາ

ປະທານາທິບໍດີ ໂອບາມາ ຕັດເວລາພັກຜ່ອນລົງ ເພື່ອກັບຄືນສູ່ວໍຊິງຕັນ ເຈລະຈາເລື້ອງງົບປະມານ


ທ່ານ Barack Obama ​​ຕັດ​ເວລາ​ພັກຜ່ອນ ກັບຄືນມາ ວໍຊິງຕັນ ເພື່ອສົນທະນາ ແກ້ໃຂບັນຫາຕັດງົບປະມານ ກ່ອນສີ້ນປີນີ້.​
ປະທານາທິບໍດີສະຫະລັດ ທ່ານ Barack Obama ​ໄດ້​ຕັດ​
ເວລາ​ພັກຜ່ອນ​ຂອງ​ທ່ານທີ່​ລັດຮາວາຍ ​ໃນ​ເຂດມະຫາ​ສະມຸດ
ປາຊິ​ຟິກ ​ໃຫ້​ສັ້ນລົງ ແລະ​ທ່ານ​ຈະ​ກັບຄືນ​ມານະຄອນຫລວງ
ວໍ​ຊິງ​ຕັນ​ເພື່ອ​ເລີ້ມການ​ສົນ ທະນາຫາລື​ ກັບບັນດາ​ຜູ້​ນໍາ​ລັດ
ຖະສະພາ ແນ​ໃສ່​ເພື່ອ​ໃຫ້​ບັນລຸ​ການ​ຕົກລົງ​ກ່ຽວ​ກັບ​ແຜນການ
​ຕັດການ​ຂາດ​ດຸນ​ງົບປະມານກ່ອນ​ຈະ​ສີ້​ນປີ​ນີ້.

ທໍານຽບຂາວກ່າວ​ວ່າ ທ່ານ Obama ຈະ​ອອກ​ເດີນທາງ​ໃນ
​ວັນ​ພຸດ​ມື້​ນີ້ ​ແລະ​ຄາດ​ວ່າ​ຈະ​ມາ​ເຖິງກຸງວໍ​ຊິງ​ຕັນ ​ໃນ​ຕອນ​ເຊົ້າ
​ຂອງ​ວັນ​ພະຫັດ.

​ໃນ​ຕົ້ນ​ອາທິດ​ແລ້ວ​ນີ້ ປະທານ​າທິບໍດີ​ໂອ​ບາ​ມາ ກ່າວ​ວ່າ ທ່ານ​
ແລະ​ປະທານ​ສະພາຕໍ່າ​ສະຫະລັດ​ ທີ່ສັງກັດພັກ​ຣີພັບ​ບລິ​ກັນ
ທ່ານ John Boehner ໃກ້​ທີ່​ຈະ​ຕົກລົງ​ກັນ​ໄດ້​ແລ້ວ​ໃນ​ການ​ປະນີປະນອມ ​ເພື່ອບໍ່ໃຫ້​ເກີດ​
ໃນ​ອັນ​ທີ່​ເອີ້ນ​ກັນວ່າ “​ເຫວ​ງົບປະມານ” ຊຶ່ງ​ເປັນການບັງຄັບ​ໃຫ້ຕັດ​ການ​ໃຊ້​ຈ່າຍ​ຕ່າງໆ​ລົງ
500 ພັນ​ລ້ານ​ໂດ​ລາ ແລະ​ຂື້ນການ​ເກັບ​ພາສີທີ່​ອາດ​ຈະ​ມີຜົນກະທົບຕໍ່ພວກ​ຄົນ​ງານຊາວ​
ອາເມຣິກັນ​ ເກືອບ​ທຸກໆຄົນ ຊຶ່ງ​ຈະ​ເລີ້ມມີ​ຜົນ​ບັງຄັບ​ໃນວັນ​ທີ 1 ມັງກອນ ຈະ​ມາ​ເຖິງ​ນີ້.

​ແຕ່​ຕົກ​ມາ​ເຖິງ​ທ້າຍ​ອາທິດ​ແລ້ວ​ນີ້ ການ​ພະຍາຍາມ​ທັງ​ໝົດ​ບໍ່ໄດ້​ເປັນໄປຕາມທີ່ໄດ້​ວາງ​ແຜນ​ໄວ້ ​ໃນ​ຂະ​ນະ​ທີ່​ບັນດາ​ສະມາຊິກລັດຖະ​ສະພາ​ທັງຫລາຍ​ ພາກັນ​ກັບ​ຄືນ​ບ້ານໄປພັກ​ຜ່ອນ​
ສະຫລອງ​ບຸນຄຣິສຕ໌ມາສຂອງ​ເຂົາ​ເຈົ້າ.
XS
SM
MD
LG