ລິ້ງ ສຳຫລັບເຂົ້າຫາ

ວັນຈັນ, ໒໒ ກໍລະກົດ ໒໐໒໔

ທ່ານໂອບາມາຫວັງຈະສ້າງ ຄວາມໝັ້ນຄົງດ້ານນິວເຄລຍ ເພິ່ມຂຶ້ນ (ເບິ່ງວີດີໂອ)


ປະທານາທິບໍດີໂອບາມາ ໄດ້ເຂົ້າຮ່ວມກອງປະຊຸມສຸດຍອດ ກ່ຽວກັບຄວາມໝັ້ນຄົງດ້ານ ນິວເຄລຍຄັ້ງທີສອງ ທີ່ໄຂຂຶ້ນໃນວັນຈັນມື້ນີ້ ຢູ່ນະຄອນຫລວງໂຊລຂອງເກົາຫລີໃຕ້. ປະທາ ນາທິບໍດີໂອບາມາ ແລະບັນດາຜູ້ນໍາໂລກຄົນອື່ນໆ ຫວັງທີ່ຈະຮັກສາພວກອາວຸດນິວເຄລຍ ທີ່ມີຢູ່ແລ້ວນັ້ນໄວ້ໃຫ້ດີຂຶ້ນກວ່າເກົ່າ ເພື່ອບໍ່ໃຫ້ຕົກໄປສູ່ກໍາມືຂອງພວກກໍ່ການຮ້າຍຫລືປະເທດ ອັນທະພານ ພ້ອມທັງເຮັດໃຫ້ພະລັງງານນິວເຄລຍ ມີຄວາມປອດໄພຫລາຍຂຶ້ນ. ຜູ້ສື່ຂ່າວ ວີໂອເອ Kent Kline ລາຍງານມາຈາກທໍານຽບຂາວ ດັ່ງທອງປານຈະນໍາລາຍລະອຽດມາ ສະເໜີທ່ານ.

ເບິ່ງວີດີໂອລາຍງານພາສາອັງກິດ:

ການ​ຮັກສາ​ພວກ​ອາວຸດ​ນິວ​ເຄລຍທັງຫລາຍ​ຂອງ​ໂລກ​ໃຫ້​ຢູ່​ພາຍ​ໃຕ້ການ​ຄວບ​ຄຸມ​ໄດ້ ເພື່ອ
ໃຫ້​ພົ້ນ​ຈາກ​ກໍາ​ມື​ຂອງ​ພວກ​ກໍ່​ການ​ຮ້າຍນັ້ນ ຖື​ວ່າ​ເປັນ​ເປົ້າໝາຍ​ສູງ​ສຸດ​ສໍາລັບ​ບັນດາ​ຜູ້​ນໍາ
ໂລກ​ຫລາຍ​ກວ່າ 50 ຄົນ ທີ່ໄປເຕົ້າ​ໂຮມກັນ​ໃນ​ກອງປະຊຸມ​ສຸດ​ຍອດ​ ​ທີ່​ເມືອງ​ຫລວງ​ຂອງ​
ເກົາຫລີ​ໃຕ້ນັ້ນ.

ບັນດາ​ຜູ້​ນໍາ​ເຫລົ່າ​ນີ້​ຫວັງ​ທີ່​ຈະ​ເສີມ​ສ້າງ ຕໍ່​ຈາກ​ຄວາມ​ມຸ້ງ​ໝັ້ນ​ທີ່​ພວກ​ເຂົາ​ເຈົ້າ​ໄດ້ໃຫ້​ໄວ້​ ທີ່​
ກອງ​ປະຊຸມ​ສຸດ​ຍອດ​ນິວ​ເຄລຍຄັ້ງ​ທໍາ​ອິດ ທີ່ປະທານາທິບໍດີ​ໂອ​ບາ​ມາໄດ້ເປັນ​ເຈົ້າພາບ​ຈັດ
ຂຶ້ນ ​ເມື່ອ​ສອງ​ປີຜ່ານມາ​ແລ້ວ ​ຢູ່ນະຄອນຫລວງ​ວໍ​ຊິງ​ຕັນ​ດີ​ຊີ​ນັ້ນ.

“ສອງ​ທົດ​ສະ​ວັດ​ຫລື​ຊາວ​ປີຜ່ານມາ ຫລັງ​ຈາກ​ສົງຄາມ​ເຢັນ​ໄດ້​ສິ້ນ​ສຸດ​ລົງ
ພວກ​ເຮົາ​ປະ​ເຊີນ​ກັບ​ປະວັດ​ສາດ​ທີ່​ເຍາະ​ເຍີ້ຍ​ຢ່າງໂຫດຮ້າຍ​ ຄື​ຄວາມ​ສ່ຽງ​
ຕໍ່ການປະຈັນ​ໜ້າ​ກັນ​ດ້ານ​ນີວ​ເຄລຍລະຫວ່າງ ​ປະ​ເທດ​ໄດ້​ລົດ​ຕໍ່າລົງ​ໄປ ​
ແຕ່​ຄວາ​ມສ່ຽງ​ຕໍ່ການ​ໂຈມ​ຕີ​ດ້ວຍ​ອາ​ວຸດ​ນີວ​ເຄລຍ​ກັບໄດ້ເພີ່ມ​ຂຶ້ນ.”

ຊ່ຽວຊານ​ດ້ານ​ນິວ​ເຄລຍ ທ່ານ Joseph Cirincione ປະທານ​ກອງ​ທຶນ Ploughshares ກ່າວ​ເມື່ອໝໍ່ໆ​ມາ​ນີ້ ​ໃນກອງ​ປະຊຸມ​ບັ້ນ​ນຶ່ງ​ທີ່ສະມາຄົມ​ເກົາຫລີ​ ເປັນ​ເຈົ້າພາບຈັດ​ຂຶ້ນ​ຢູ່ນີວ ຢ໊ອກນັ້ນວ່າ ການ​ຮັກສາ​ບໍ່​ໃຫ້​ທາດ​ຢູ​ເຣນຽມ​ເກຣດທີ່ໄດ້​ຮັບ​ການຫລອມ​ໃໝ່​ໃຫ້​ມີຄຸນ​ນະພາ​ບ​
ສູງຂຶ້ນ ຕົກ​ເຖິງ​ມື​ຂອງພວກ​ກໍ່​ການ​ຮ້າຍ​ນັ້ນ ​ແມ່ນ​ຈໍາ​ເປັນ​ທີ່​ສຸດ. ທ່ານ Cirincione ກ່າວ​ຕໍ່
​ໄປ​ວ່າ

“ໄພ​ຂົ່ມຂູ່​ໝາຍ​ເລກ​ນຶ່ງ​ຕໍ່​ຄວາມ​ໝັ້ນຄົງ​ແຫ່ງ​ຊາດ​ຂອງ​ສະຫະລັດ ​ກໍ​ຄື​ການ​ກໍ່
ການ​ຮ້າຍ​ດ້ວຍ​ອາວຸດ​ນີວ​ເຄລຍ. ກຸ່ມ​ໃດ​ທີ່​ສາມາດ​ຂົນຂວາຍ​ເອົາ​ລະ​ເບີດ​ປະລະ
ມະ​ນູ​ໄປ​ໄດ້ ຫລື​ແມ່ນແຕ່​ວັດຖຸທີ່ໃຊ້ສ້າງ​ລະ​ເບີດ​ນິວ​ເຄລຍ ແລະ​ລະ​ເບີດ​ມັນ​ຂຶ້ນ
ຢູ່​ໃນ​ສະຫະລັດນັ້ນ ກໍ​ຈະ​ແມ່ນເຫດການເດືອນ​ກັນຍາ​ ປີ 2011 ດ້ານນີວ​ເຄລຍ.”

ປະທານາທິບໍດີ Barack Obama ໃຊ້ກ້ອງສ່ອງແຮງສູງ ສ່ອງເບິ່ງໄປ ຍັງເກົາຫລີເໜືອ ຈາກບ່ອນສັງເກດການໃນເຂດປອດທະຫານ ທີ່ບ້ານ ປັນມຸນຈອມ ຊາຍແດນເກົາລີໃຕ້, ວັນທີ 25 ມີນາ 2012.
ປະທານາທິບໍດີ Barack Obama ໃຊ້ກ້ອງສ່ອງແຮງສູງ ສ່ອງເບິ່ງໄປ ຍັງເກົາຫລີເໜືອ ຈາກບ່ອນສັງເກດການໃນເຂດປອດທະຫານ ທີ່ບ້ານ ປັນມຸນຈອມ ຊາຍແດນເກົາລີໃຕ້, ວັນທີ 25 ມີນາ 2012.

ເຂ​ດປອດ​ທະຫານ​ທີ່​ມີ​ການ
​ຍາມປ້ອງ​ກັນ​ຄຸ້ມ​ຄອງ​ຢ່າງ​ໜາ​
ແໜ້ນຢູ່ເລາະ​ຊາຍ​ແດນເກົາຫລີ​
ໃຕ້ ຕິດ​ກັບ​ເກົາ​ເໜືອ​ທີ່​ມີ​ອາວຸດ
​ນີ​ວ​ເຄລຍນັ້ນ ​ກໍ​ຢູ່​ໃນ​ລາຍການ
​ຢ້ຽມຢາມ​ຂອງ​ທ່ານໂອ​ບາ​ມາ
​ເຊັ່ນ​ກັນ ​ແລະ​ຢູ່​ທີ່​ນັ້ນ​ທ່ານ​ໂອ​ບາ
​ມາໄດ້ພົບ​ປະໂອ້​ລົມ​ກັບ​ບັນດາ​
ທະຫານ​ສະຫະລັດ.

ລັດຖະບານພຽງ​ຢາງ​ໄດ້​ປະນາມ​
ກອງ​ປະຊຸມ​ສຸດ​ຍອດ​ນີ້ວ່າ ​ເປັນ​
ອາຊະຍາ​ກໍາ​ທີ່​ໃຫ້ອະ​ໄພ​ບໍ່ໄດ້
​ແລະ​ເປັນ​ການ​ເກາະ​ຜິດ​ຄິດ​ຮ້າຍ
ຢ່າງ​ຮ້າຍ​ແຮງ ​ທີ່ຮັບ​ເອົາ​ບໍ່​ໄດ້.

ໂຄງການ​ນີວ​ເຄລຍຂອງ​ເກົາ​ຫລີ​ເໜືອ ​ແມ່ນ​ກໍ່​ໃຫ້​ເກີດ​ຄວາມ​ຢ້ານ​ກົວກັນ​ທີ່​ສຸດ​ໃນບັນດາປະ​ເທດ​ຕາ​ເວັນ​ຕົກ. ແຕ່​ມັນ​ຈະກໍ​ບໍ່
ລວ​ມຢູ່​ໃນ​ບັນດາຫົວ​ຂໍ້ສໍາຄັນ​ໆຂອງ​ກອງປະຊຸມ​ສຸດ​ຍອດ​ຄັ້ງ​ນີ້ ອິງ​ຕາມ​ທ່ານນາງ Alexandra Toma ຜູ້​ກໍ່​ຕັ້ງກຸ່ມ​ປະຕິບັດ​ງານ​ດ້ານ​ວັດຖຸ​ນິວ​ເຄລຍ ຫລື Fissile Materials Working Group. ທ່ານນາງ ​ໂທ​ມາ ກ່າວ​ອີກ​ວ່າ

“ມັນ​ເປັນ​ໄປ​ບໍ່​ໄດ້​ທີ່​ວ່າ ກອງ​ປະຊຸມຈະ​ບໍ່​ເວົ້າກ່ຽວ​ກັບ​ເກົາຫລີ​ເໜືອ ​ແຕ່​ຂ້າພະ​ເຈົ້າ
ຄິດ​ວ່າ ບັນດາ​ຊ່ຽວຊານກ່ຽວ​ກັບ​ເກົາຫລີ ​ແລະ​ລັດຖະບານ​ເກົາຫລີ​ໃຕ້ ຕ່າງ​ກໍຮັບ​
ຮູ້​ວ່າກອງປະຊຸມ​ສຸດ​ຍອດ​ດ້ານ​ຄວາມ​ໝັ້ນຄົງ​ນີວ​ເຄລຍຄັ້ງ​ນີ້ ​ແມ່ນ​ມີ​ຄວາມ​ສໍາຄັນ​
ຫລາຍ​ໄປກວ່າ​ເລື້ອງນັ້ນເລື້ອງ​ດຽວ.”

ເລື້ອງ​ຄວາມ​ປອດ​ໄພ​ຂອງ​ໂຮງງານ​ນິວ​ເຄລຍ ກໍ​ຈະ​ເປັນ​ຫົວ​ຂໍ້ສໍາຄັນ​ທີ່​ສຸດ​ອີກ​ອັນ​ນຶ່ງ​ຂອງ​
ການ​ປຶກສາ​ຫາລື​ກັນ​ຢູ່​ນະຄອນຫລວງໂຊ​ລນັ້ນ ​ໂດຍ​ສະ​ເພາະ​ຫລັງ​ຈາກທີ່ໄພ​ແຜ່ນດິນ​ໄຫວ
​ແລະ​ຄື້ນ​ສຸ​ນາ​ມິ​ ​ໄດ້​ສົ່ງ​ຜົນ​ເຮັດໃຫ້​ໂຮງງານ​ນີວ​ເຄລຍ​ແຫ່ງ​ນຶ່ງພັງ​ທະລາ​ຍລົງ​ ໃນ​ຍີ່ປຸ່ນ​ເມື່ອ​
ປີຜ່ານມາ​ນີ້.

ປະທານາທິບໍດີໂອບາມາກັບເຈົ້າໜ້າທີ່ສະຫະລັດ ປະຊຸມກັນ ກັບປະທານ ຫູ ຈິນເຖົາ ແລະເຈົ້າໜ້າທີ່ຈີນ ກ່ອນກອງປະຊຸມ ສຸດຍອດນິວເຄລຍ ໄຂຂຶ້ນ ໃນວັນຈັນ ທີ 26 ມີນາ 2012.
ປະທານາທິບໍດີໂອບາມາກັບເຈົ້າໜ້າທີ່ສະຫະລັດ ປະຊຸມກັນ ກັບປະທານ ຫູ ຈິນເຖົາ ແລະເຈົ້າໜ້າທີ່ຈີນ ກ່ອນກອງປະຊຸມ ສຸດຍອດນິວເຄລຍ ໄຂຂຶ້ນ ໃນວັນຈັນ ທີ 26 ມີນາ 2012.

ທີ່ກອ​ງປະຊຸມ​ປຶກສາ​ຫາລື​ກັນ​ເມື່ອ​ໝໍ່ໆ​ມາ​ນີ້
ຢູ່​ວໍ​ຊິງ​ຕັນ​ນັ້ນ ທ່ານ Kenneth Luongo
ປະທານ​ກຸ່ມ​ພາຄີ​ເພື່ອ​ຄວາມ​ໝັ້ນຄົງຂອງ​
ໂລກ ຫລື Partnership for Global
Security ກ່າວ​ວ່າ ​ໄພພິບັດທີ່​ໂຮງງານ​ນິວ
ເຄລຍ Fukushima ສະແດງ​ໃຫ້ເຫັນ​ວ່າ
ພວກ​ເຮົາ​ຈະ​ຕ້ອງໄດ້ປະຕິບັດ​ການ​ອີກ​ຕື່ມ
​ຫລາຍ​ສໍ່າ​ໃດ​ ເພື່ອປັບປຸງ​ຄວາມປອດ​ໄພ
ຂອງ​ພະລັງງານນິວ​ເຄລຍ​ໃຫ້ດີ​ຂຶ້ນ. ທ່ານ
Luongo ກ່າວ​ຕື່ມ​ວ່າ

“​ແລະ​ສິ່ງ​ທີ່​ໂຮງງານ Fukushima ​ໄດ້​ເນ້ນ​
ໜັກ​ໃຫ້ທຸກໆ​ຄົນ​ໄດ້​ເຫັນ​ ນອກຈາກເລື້ອງ
ທີ່​ວ່າພວກເຮົາ​ສາມາດ​ມີ​ອຸບັດ​ເຫດ​ນີວ​ເຄລຍ
ຄັ້ງ​ໃຫຍ່​ຢູ່​ໃນ​ປະ​ເທດ​ຈະ​ເຣີນທີ່​ສຸດ​ໄດ້​ນັ້ນ
​ແລ້ວ ກໍ​ແມ່ນ​ວ່າ ພວກ​ເຮົາ​ບໍ່​ມີ​ລະບົບ​ການ​ທີ່​ພຽງພໍ ​ເພື່ອ​ຈະ​ຈັດການ​ຮັບ​ມື ກັບອັນຕະລາຍ
​ຂອງ​ທາດ​ກໍາ​ມັນ​ຕະພາບ​ລັງສີ ທີ່ຮົ່ວ​ໄຫລ​ຂ້າມ​ຊາຍແດນໄປ​ນັ້ນ.”

ກ່ອນ​ກອງ​ປະຊຸມ​ສຸດ​ຍອດໄຂ​ຂຶ້ນ​ນັ້ນ ປະທານາທິບໍດີ​ໂອ​ບາ​ມາ​ໄດ້​ພົບ​ປະກັນ ຄົນລະ​ເທື່ອກັບ
ຜູ້​ນໍາ​ຄົນ​ອື່ນໆຫລາຍໆ​ທ່ານ ​ໂຮມ​ທັງ​ທ່ານ Dmitry Medvedev ປະທານາທິບໍດີຣັດ​ເຊຍ
​ແລະ​ປະທານ​ປະ​ເທດ​ຈີນ ທ່ານ ຫູ ຈິນ​ເຖົາ ນັ້ນ​ນໍາ.

XS
SM
MD
LG