ລິ້ງ ສຳຫລັບເຂົ້າຫາ

ປ. Obama ​ອອກ​ເດີນທາງ ໄປເຜີຍແຜ່ ນະ​ໂຍບາຍຕ່າງໆ ​ຂອງ​ທ່ານ (ວີດີໂອ)


ປະທານາທິບໍດີສະຫະລັດ ທ່ານ Barack Obama
ຫຼັງ​ຈາກ​ທີ່​ໄດ້​ແຈ້ງໃຫ້ຊາບໂດຍສັງເຂບກ່ຽວກັບ​ຈຸດປະສົງ​ຂອງ
​ທ່ານ ​ໃນ​ປີໜ້າ​ນີ້ ​ໃນ​ຄໍາ​ປາ​ໄສຕໍ່​ລັດຖະສະພາ​ ແລະປະເທດຊາດ
​ ​ໃນ​ວັນ​ອັງ​ຄານ​ຜ່ານມາ​ນີ້ແລ້ວ​ ປະທານາທິບໍດີສະຫະລັດ
ທ່ານ Barack Obama ກໍ​ໄດ້​ອອກ​ເດີນທາງໄປຍັງຫຼາຍໆເຂດ
ເພື່ອຊຸກຍູ້ເຜີຍແຜ່ ຄວາມຄິດກ່ຽວ​ກັບນະ​ໂຍບາຍຕ່າງໆ​ຂອງ​ທ່ານ.

ປະທານາທິບໍດີ​ ​ເລີ່​ມປະຕິ​ບັດ​ພາລະກິດ​ຂອງ​ທ່ານ​ ໃນ​ເຂດ​
ຊານ​ເມືອງ​ ຂອງ​ກຸງວໍ​ຊີງ​ຕັນ​ໂດຍກ່າວເຖິງການຮຽກຮ້ອງ​ຂອງ
ທ່ານເພື່ອໃຫ້ຂຶ້ນ​ຄ່າ​ແຮງ​ງານ​ຂັ້ນ​ຕໍ່າສຸດສໍາ​ຫຼັບ​ພວກຄົນງານ
ຊາວ​ອາ​ເມຣິກັນ​ທັງຫຼາຍ. ທ່ານ​ໄດ້​ໃຫ້​ຄໍາ​ໝັ້ນ​ສັນຍາ​ຕື່ມ​ອີກ​ວ່າ
ຈະສ້າງຄວາມ​ກ້າວ ໜ້າ​ໃຫ້ແກ່​ແຜນການ​ເສດຖະກິດ​ຂອງ​ທ່ານ ​ເຖິງ​ແມ່ນ​ວ່າ​ຈະ​ບໍ່​ໄດ້​ຮັບ
​ການ​ສະໜັບສະໜູນ​ ຈາກ​ທາງ​ລັດຖະສະພາກໍ​ຕາມ ດັ່ງດຽວກັບທີ່ທ່ານ​ໄດ້​ກ່າວ​ຕໍ່ລັດຖະ
ສະພາ ໃນວັນອັງຄານ ຜ່ານມາ.

ທ່ານ ​ໂອ​ບາ​ມາ​ກ່າວ​ວ່າ:​… “​ແຕ່​ວ່າ ອາ​ເມຣິກາ​ ຈະ​ບໍ່​ຢຸດ​ນິ້ງຢູ່​ຊື່​ໆ ​ແລະ​ຂ້າພະ​ເຈົ້າ​
ກໍ​ຄື​ກັນ ​ເພາະສະ​ນັ້ນ
ໃນເວລາ​ໃດ ​ແລະ​ບ່ອນ​ໃດ​ກໍ​ຕາມ ທີ່​ຂ້າພະ​ເຈົ້າ​ສາມາດ
ເອົາ​ບາດກ້າວ ໂດຍປາສະຈາກການອອກກົດໝາຍ ເພື່ອຂະຫຍາຍໂອກາດໃຫ້​
ແກ່ບັນດາຄອບຄົວຊາວອາ ເມຣິກັນແລ້ວ ນັ້ນຄື​ສິ່ງທີ່​ຂ້າພະ​ເຈົ້າຈະ​ກະທໍາ.


ທ່ານ ​ໂອ​ບາ​ມາ ​ໄດ້​ກ່າວ​ວ່າ ​ຜູ້​ໃດກໍຕາມທີ່​ເຮັດ​ວຽກ​ເຕັມ​ເວລາແລ້ວ ບໍ່ຄວນທີ່ຈະ​ລ້ຽງ​ດູ
ລູກເຕົ້າແບບ​ອົດ​ໆ​ຢາກໆ ທຸກ​ຍາກ​ນັ້ນ.

​ໃນ​ເວລາຕໍ່​ມາ ທ່ານ​ໄດ້​ອອກ​ເດີນທາງ​ໄປ​ເມືອງ Pittsburgh ໃນ​ລັດ Pennsylvania
ກັບ​ລັດຖະມົນຕີ​ການເງິນ ທ່ານ Jack Lew ​ເພື່ອ​ແຈ້ງໃຫ້ພວກ​ຄົນ​ງານຊາບ ກ່ຽວ​ກັບ
ແນວ​ຄິດ ​ຂອງທ່ານ ເລື່ອງບັນຊີເງິນ​ຝາກອອມສິນເບ້ຍ​ບໍາ​ນານ​ໃໝ່ທີ່​ໜູນ​ຫຼັງ​ໂດຍ​ລັດຖະ
ບານກາງນັ້ນ.

​ໃນວັນພະຫັດ​ມື້​ນີ້ ທ່ານ ​ໂອ​ບາ​ມາ ຈະ​ໄປ​ຢ້ຽມຢາມ​ໂຮງງານ​ແກ໊ສແຫ່ງນຶ່ງ ​ໃກ້ໆ​ກັບ​ເມືອງ
Milwaukee ລັດ Wisconsin ແລະ​ກໍຈະ​ໄປ​ໂອ້​ລົມ​ກັບພວກ​ນັກຮຽນມັດທະຍົມ​ປາຍ
ທີ່​ເມືອງ Nashville ລັດ Tennessee.

XS
SM
MD
LG