ບໍ່ເທົ່າໃດມື້ ລຸນຫລັງ ທີ່ໄດ້ມີການປະກາດ ກ່ຽວກັບດຳລັດໃໝ່
ຂອງຝ່າຍບໍລິຫານເພື່ອຄວບຄຸມການມີອາວຸດປືນຢູ່ໃນຄວາມ
ຄອບຄອງນັ້ນປະທານາທິບໍດີສະຫະລັດທ່ານບາຣັກ ໂອບາມາ
ຈະໂອ້ລົມເລື້ອງດັ່ງກ່າວນີ້ ກັບປະຊາຊົນ ດ້ວຍການປາກົດຕົວ
ທາງໂທລະພາບ ທີ່ອອກອາກາດທົ່ວປະເທດໃນແບບທີ່ບໍ່ເປັນ
ທາງການ.
ທ່ານໂອບາມາ ມີແຜນການທີ່ຈະນັ່ງໂອ້ລົມໃນແລງວັນພະຫັດ
ມື້ນີ້ ກັບ Anderson Cooper ນັກຂ່າວ CNN ແລະຕອບຄຳ
ຖາມສົດຂອງບັນດາຜູ້ຊົມ ທີ່ມະຫາວິທະຍາໄລ George Ma-
son ເມືອງ Fairfax ລັດເວີຈີເນຍ ຊຶ່ງຕັ້ງຢູ່ໃນເຂດຊານເມືອງ
ຂອງນະຄອນຫຼວງວໍຊິງຕັນນັ້ນ.
ໃນຕົ້ນອາທິດນີ້ ປະທານາທິບໍດີໂອບາມາ ໄດ້ປະກາດໃຊ້ ມາດຕະການຈຳນວນນຶ່ງ ທີ່ບັງ
ຄັບໃຫ້ພວກຂາຍປືນໃນ ຈຳນວນເພີ້ມຂຶ້ນ ຕ້ອງມີໃບອະນຸຍາດ ແລະ ພວກຜູ້ຊື້ປືນໃນຈຳ
ນວນຕື່ມຂຶ້ນ ຕ້ອງມີການກວດປະຫວັດ.
ສະມາຊິກລັດຖະສະພາ ຂອງພັກຣີພັບບລີກັນ ຊຶ່ງໄດ້ປະຕິເສດຕໍ່ການພະຍາຍາມ ຂອງ
ທ່ານໂອບາມາ ທີ່ຈະຄວບຄຸມກົດລະບຽບ ສະບັບປີ 2013 ໃຫ້ເຄັ່ງຄັດ ຂຶ້ນກວ່າເກົ່ານັ້ນ
ກ່າວວ່າ ປະທານາທິບໍດີ ໄດ້ໃຊ້ອຳນາດຂອງທ່ານເກີນຂອບເຂດ ໂດຍອອກກົດລະບຽບ ໃໝ່ ທີ່ພວກເຂົາເຈົ້າກ່າວວ່າ ຈະບໍ່ສາມາດຢຸດຢັ້ງຄວາມຮຸນແຮງຈາກອາວຸດປຶຶນໄດ້ນັ້ນ.
