ລັດຖະບານທ່ານໂອບາມາ ຍັງສືບຕໍ່ດຳເນີນຄວາມພະຍາຍາມ
ເພື່ອສະແຫວງ ຫາການສະໜັບສະໜູນ ຕໍ່ຂໍ້ຕົກລົງນິວເຄລຍ
ກັບອີຣ່ານ ຈາກບັນດາພັນທະມິດທີ່ຍັງລັງເລໃຈ ໃນຂະນະທີ່
ບັນດານັກການທູດ ກຳລັງທຳການເຄື່ອນໄຫວເພື່ອ ກະກຽມ
ໃຫ້ສັດຕະຍາບັນຕໍ່ຂໍ້ຕົກລົງດັ່ງກ່າວ ຢູ່ໃນສະພາຄວາມໝັ້ນ
ຄົງ ສະຫະປະຊາຊາດ.
ປະທານາທິບໍດີ Barack Obama ຈະພົບປະໃນວັນສຸກມື້ນີ້
ທີ່ ທຳນຽບຂາວ ກັບ ລັຖະມົນຕີຕ່າງປະເທດ ຊາອຸດີ ອາຣາເບຍ
ທ່ານ Adel al-Jubeir ທີ່ລັດຖະບານຂອງທ່ານ ໄດ້ສະແດງ
ຄວາມວິຕົກ ກ່ຽວກັບຂໍ້ຕົກລົງ ກັບອີຣ່ານ ຊຶ່ງເປັນຄູ່ແຂ່ງຢູ່ໃນ
ຂົງເຂດຂອງຊາອຸດີນັ້ນ.
ລັດຖະມົນຕີ ຕ່າງປະເທດ ສະຫະລັດ ທ່ານ John Kerry ໄດ້ພົບປະໃນວັນພະຫັດວານນີ້
ກັບທ່ານ Jubeir ທີ່ບໍ່ໄດ້ໃຫ້ການສະໜັບສະໜູນ ຫລືປະຕິເສດຢ່າງເປັນການເປີດເຜີຍ ຕໍ່ຂໍ້ຕົກລົງນິວເຄລຍກັບອີຣ່ານເທື່ອ.
ນັກການທູດຂັ້ນສູງສຸດຂອງຊາອຸດີ ໄດ້ສະທ້ອນໃຫ້ເຫັນ ເຖິງຄວາມເປັນຫ່ວງ ຂອງລັດ
ຖະບານຂອງທ່ານ ທີ່ອີຣ່ານຈະໃຊ້ເງິນທີ່ຕົນໄດ້ຮັບຈາກການຜ່ອນຜັນການລົງໂທດ
ເພື່ອສືບຕໍ່ໃຫ້ທຶນສະໜັບສະໜູນແກ່ກຸ່ມຫົວຮຸນແຮງຢູ່ໃນປະເທດຕ່າງໆເຊັ່ນ ຊີເຣຍ
ເຢເມນ ແລະເລບານອນ.
ທ່ານ Jubier ກ່າວວ່າ “ພວກເຮົາຫວັງວ່າ ອີຣ່ານ ຈະໃຊ້ຂໍ້ຕົກລົງດັ່ງກ່າວ ເພື່ອປັບປຸງ
ສະພາບການດ້ານ ເສດຖະກິດ ໃນອີຣ່ານ ແລະປັບປຸງຊີວິດການ ເປັນຢູ່ຂອງຊາວອີຣ່ານຈຳນວນຫຼວງຫຼາຍແລະບໍ່ນຳໄປໃຊ້ໃນການພະຈົນ ໄພຢູ່ໃນຂົງເຂດ. ຖ້າຫາກວ່າ
ອີຣ່ານ ພະຍາຍາມສ້າງຄວາມປັ່ນປ່ວນວຸ້ນວາຍຢູ່ໃນຂົງເຂດ ພວກເຮົາແມ່ນເດັດດ່ຽວ
ມີຄວາມໝາຍໝັ້ນທີ່ຈະປະເຊີນໜ້າກັບການກະທຳດັ່ງກ່າວ”
ທ່ານ Kerry ກ່າວວ່າ ທ່ານມີຄວາມໝັ້ນໃຈໃນການສືບຕໍ່ການຮ່ວມມືລະຫວ່າງ ສະຫະ
ລັດກັບຊາອຸອີ ແລະໄດ້ໃຫ້ຄຳໝັ້ນສັນຍາວ່າ ວໍຊິງຕັນ ຈະໃຫ້ການຊ່ວຍເຫລືອ “ໃນການ
ຕີຕ້ານຄືນຂະບວນການຫົວຮຸນແຮງຈັດໃດໆກໍຕາມ ຮວມທັງກິດຈະການຂອງອີຣ່ານຢູ່
ໃນຂົງເຂດ.
ຂໍ້ຕົກລົງນິວເຄລຍ ຄັ້ງປະຫວັດສາດ ໄດ້ບັນລຸກັນໃນອາທິດແລ້ວນີ້ ລະຫວ່າງ ອີຣ່ານ
ແລະຫົກປະເທດມະຫາອຳນາດໂລກ ຄາດວ່າ ຈະມີການຮັບຮອງເອົາ ໃນຕອນເຊົ້າວັນ
ຈັນຈະມາເຖິງນີ້ ໂດຍສະພາຄວາມໝັ້ນຄົງ ສະຫະປະຊາຊາດ ທີ່ນະຄອນ Vienna
ອ້າງອີງຕາມບັນດານັກການທູດ.
ມະຕິດັ່ງກ່າວນີ້ຈະເລີ້ມດຳເນີນຂັ້ນຕອນເພື່ອຍົກເລີກການລົງໂທດຂອງນາໆຊາດ ທີ່ມີ
ຕໍ່ອີຣ່ານ ທີ່ເຕຫະຣ່ານໄດ້ຍິນຍອມຍົກເລີກໂຄງການນິວເຄລຍຂອງຕົນເພື່ອເປັນການ
ແລກປ່ຽນນັ້ນ.
