ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ປ. ໂອບາມາ ກ່າວເນັ້ນເຖິງ ຄວາມພະຍາຍາມ ທາງການທູດ ທີ່ນຳພາ ໂດຍ ສຫລ ຢູ່ທີ່ UN


ປະທານາທິບໍດີ ສະຫະລັດ ທ່ານບາຣັກ ໂອບາມາ ກ່າວຄຳປາໄສ ຢູ່ທີ່ອົງການສະຫະປະຊາຊາດ.
ປະທານາທິບໍດີ ສະຫະລັດ ທ່ານບາຣັກ ໂອບາມາ ກ່າວຄຳປາໄສ ຢູ່ທີ່ອົງການສະຫະປະຊາຊາດ.

ປະທານາທິບໍດີ ບາຣັກ ​ໂອ​ບາ​ມາ ຈະ​ນຳເອົາ​ກໍລະ​ນີ ສຳ​ຫລັບ​
ການ​ພົວພັນ​ທາງ​ການ​ທູດ ​ແລະ ການ​ດຳ​ເນີນ​ການ​ຮ່ວມ​ກັນ ​
ໂດຍ​ເນັ້ນ​ເຖິງ ຄວາມ​ພະຍາຍາມ​ຕ່າງໆ ທີ່​ນຳພາ​ໂດຍສະຫະລັດ ​
ໃນ​ຕາ​ເວັນ​ອອກກາງ ​ໃນ​ເວລາ​ທ່ານ​ກ່າວ​ຖະ​ແຫລ​ງ ຕໍ່​ກອງ​ປະຊຸມ
ສະມັດ​ຊາ​ໃຫຍ່​ ຂອງ​ອົງການ​ສະຫະ​ປະຊາຊາ​ດ ​ໃນ​ວັນ​ຈັນ​ມື້​ນີ້.

​ເຈົ້າໜ້າ​ທີ່​ທຳນຽບຂາວ ທ່ານ​ນຶ່ງ​ໄດ້ກ່າວ​ວ່າ ​ທ່ານ​ໂອ​ບາ​ມາ ຈະ​ຊີ້
​ໃຫ້​ເຫັນ​ເຖິງ​ຜົນສຳ​ເລັດ ​ຂອງ​ຂໍ້​ຕົກລົງ​ນິວ​ເຄລຍ ລະຫວ່າງ ບັນດາ
​ປະ​ເທດ​ມະຫາ​ອຳນາດ P5+1 ​ແລະ ອີຣ່ານ ອັນ​ເປັນ​ຕົວຢ່າງ ຂອງ
“ອັນ​ທີ່​ສາມາດ​ສຳ​ເລັດ​ລຸ​ລ່ວງ​ໄປ​ໄດ້ ​ໂດຍ​ການຮວມມື​ ຂອງ​
ນາໆ​ຊາດ ​ໃນຂະນະ​ທີ່ປະ​ເທດໃດ​ນຶ່ງ ຈະ​ຕ້ອງ​ຮັບຜິດ​ຊອບ
ຖ້າ​ທຳ​ການ​ລະ​ເມີດ​ກົດ​ ລະບຽບ​ສາກົນ ແລະ​ການ​ດຳ​ເນີນຕາມຫຼັກການ​ ​ດ້ານການ​ທູດ​ເພື່ອ​ບັນລຸ ​ວັດຖຸ​ປະສົງ ຕ່າງໆ ​ຂອງພວກ​ເຮົາ.”

ປະທານາທິບໍດີ​ສະຫະລັດ ຍັງ​ຈະຖະ​ແຫລ​ງ​ເຖິງ​ບັນຫາ​ຄັດ​ແຍ້​ງ​ໃນ​ຊີ​ເຣຍ ​ໂດຍ​ຮຽກຮ້ອງ​
ໃຫ້​ມີ ຄວາມຈຳ​ເປັນ ໃນ​ຄວາມ​ຈະ​ພະຍາ​ຍາມ ​ຕໍ່ຕ້ານ​ພວກ​ກຸ່ມ​ຫົວ​ຮຸນ​ແຮງ​ລັດ​ອິສລາມ
ດ້ວຍ​ກຳລັງທາງທະຫານ ຄວບ​ຄູ່ໄປ​ກັບ “ຄວາມ​ໝາ​ຍໝັ້ນ​ໂດຍທຸກໆປະ​ເທດ ​ເພື່ອ​
ຫາ​ທາງ ​ແລະສະໜັບ​ສະ​ໜຸນ ການ​ແກ້​ໄຂ​ທາງ​ດ້ານ​ການ​ເມືອງ”
ໃນ​ປະ​ເທດ​ທີ່ເກີດ
​ສົງຄາມ​ກາງ​ເມືອງນັ້ນ.

​ບັນດາເຈົ້າໜ້າ​ທີ່ຂອງ​ລັດຖະບານ​ທ່ານ​ໂອບາ​ມາ ​ໄດ້​ເວົ້າ​ຊ້ຳແລ້ວ​ຊ້ຳອີກ ​ວ່າ ​ໄລຍະ​ຂ້າມ​
ຜ່ານ​ທາງ​ການ​ເມືອງ​ນັ້ນ ບໍ່​ສາມາດ​ເກີດ​ຂຶ້ນ​ໄດ້ ຕາບ​ໃດ​ປະທານາທິບໍດີ ຊີ​ເຣຍ Bashar
al-Assad ຍັງ​ກຳ​ອຳນາດ​ຢູ່. ບັນຫາ​ອັນ​ນັ້ນ ​ແມ່ນໄດ້ຄາດ​ກັນ​ວ່າ ທ່ານ​ໂອບາ​ມາ ຈະ​ເພັ່ງ​
ເລັງ ​ໃນ​ການ​ເຈລະຈາ ກັບ ປະທານາທິບໍດີຣັດ​ເຊຍ Vladimir Putin ໃນ​ຕອນ​ແລງວັນ​
ຈັນ​ມື້​ນີ້.

ປະທານາທີິບໍດີ ຣັດເຊຍ ທ່ານ Vladimir Putin ສະແດງທ່າທີ ຂະນະທີ່ ກ່າວຖະແຫລງ ຕໍ່ສື່ມວນຊົນ ຫຼັງຈາກການເຈລະຈາສັນຕິພາບ ໃນນະຄອນ Minsk ຂອງເບລາຣຸສ, ເມື່ອວັນພະຫັດ ທີ 12 ກຸມພາ 2015.
ປະທານາທີິບໍດີ ຣັດເຊຍ ທ່ານ Vladimir Putin ສະແດງທ່າທີ ຂະນະທີ່ ກ່າວຖະແຫລງ ຕໍ່ສື່ມວນຊົນ ຫຼັງຈາກການເຈລະຈາສັນຕິພາບ ໃນນະຄອນ Minsk ຂອງເບລາຣຸສ, ເມື່ອວັນພະຫັດ ທີ 12 ກຸມພາ 2015.

ການເຈລະຈາ ລະຫວ່າງ ທ່ານ​ໂອ​ບາ​ມາ ​ແລະ ທ່ານພູ​ຕິນ ຈະ​ເປັນຄັ້ງທຳ​ອິດ​ ທີ່ຈະໄດ້​ຈັດ​ຂຶ້ນ
ຢ່າງ​ເປັນ​ທາງ​ການ ນັບ​ຕັ້ງ​ແຕ່ ກອງ​ປະຊຸມ​ສຸດ​ຍອດ G-8 ​ໃນເດືອນ​ມິຖຸນາ 2013 ​ແລະ
ມັນ​ມີ​ຂຶ້ນ ​ໂດຍ​ການ​ຮ້ອງ​ຂໍ ຊ້ຳ​ແລ້ວ​ຊ້ຳອີກ ຂອງມົສກູ ອີງ​ຕາມໂຄສົກ​ທຳນຽບຂາວ ທ່ານ
Josh Earnest ​ແລະ ມັນ​ຍັງຈະ​ມີ​ຂຶ້ນ ທ່າມກາງ ຄວາມ​ເປັນ​ຫ່ວງຂອງ​ສະຫະ​ລັດ ​ກ່ຽວກັບ ​ການມີໜ້າ ຂອງ​ກອງ​ກຳລັງທະຫານຣັດ​ເຊຍ ທີ່​ຂະຫຍາ​ຍອອກ​ໄປ ໃນ​ຊີຣີ.

ທ່ານ Earnest ​ກ່າວ​ຕໍ່​ບັນດາ​ນັກຂ່າວ​ເມື່ອ​ອາທິດ​ແລ້ວ​ນີ້ ວ່າ “ປະທານາທິບໍດີ ​ໂອ​ບາ​ມາ
ຈະ ເຮັດ​ໃຫ້​ຈະ​ແຈ້ງ ອີກເທື່ອ​ນຶ່ງ ວ່າ ຣັດ​ເຊຍ ​ເພີ້ມ​ການ​ສະໜັບ​ສະ​ໜຸນ​ຂອງ​ພວກ​ຕົນ ຂຶ້ນສອງ​ເທົ່າ ​ຕໍ່ລະບອບ​ການ​ປົກຄອງຂອງ ທ່ານ Assad ນັ້ນ ​ແມ່ນ​ເປັນ​ການ​ພະນັນ​ທີ່​ຜ່າ​ຍ​ແພ້.”

ຢູ​ເຄຣນນ ຈະ​ຖືກ​ຍົກ​ເປັນ​ເລື້ອງລະດັບສູງ ​ໃນ​ການ​ເຈລະຈາ ຊຶ່ງ​ທ່ານ​ໂອ​ບາ​ມາ ຈະ​ກົດ​ດັນ
ທ່ານ​ Putin ​ໃຫ້​ປະຕິບັດ​ຕາມ​ຄວາມ​ໝັ້ນໝາຍ​ຂອງ​ຕົນ ພາຍ​ໃຕ້ຂໍ້​ຕົກລົງທີ່​ໄດ້​ບັນ​ລຸ ​ໃນ​
ນະຄອນ Minsk. ບັນ​ດາ​ເຈົ້າໜ້າ​ທີ່ ສະຫະລັດ ກ່າ​ວວ່າ ມົສກູ ສືບ​ຕໍ່​ປະກອບ​ອາວຸດ ​ແລະ
ສະໜັບສະໜູນ ພວກ​ກະບົດ​ແບ່ງ​ແຍກ​ດິນ​ແດນ ​ໃນ​ພາກ​ຕາ​ເວັນ​ອອກ​ຂອງ​ຢູເຄຣນ ​ເຖິງ​
ແມ່ນ​ວ່າ ​ໄດ້​ຖືກ​ລົງ​ໂທດ​ທາງ​ດ້ານ​ເສດຖະກິດ​ ທີ່​ໄດ້​ເຮັດ​ໃຫ້​ເສດຖະກິດ​ຂອງຣັດ​ເຊຍພິການ.

XS
SM
MD
LG