ເຈົ້າໜ້າທີ່ທຳນຽບຂາວຄົນນຶ່ງກ່າວວ່າ ອະດີດຮອງລັດຖະມົນຕີ
ກະຊວງ ປ້ອງກັນປະເທດ ທ່ານ Ashton Carter ຈະຖືກແຕ່ງຕັ້ງ
ໃຫ້ເປັນ ລັດຖະມົນຕີປ້ອງກັນປະເທດ ຄົນຕໍ່ໄປຂອງສະຫະລັດ.
ເຈົ້າໜ້າທີ່ ທີ່ຂໍສະຫງວນຊື່ທ່ານນີ້ ກ່າວວ່າ ປະທານາທິບໍດີ ບາຣັກ
ໂອບາມາ ຈະປະກາດ ໃນວັນສຸກມື້ນີ້ ກ່ຽວກັບການເລືອກເອົາ ຜູ້
ທີ່ທ່ານຄັດເລືອກເອົາ ມາແທນ ລັດຖະມົນຕີປ້ອງກັນປະເທດ
ທ່ານ Carter ຊຶ່ງເປັນນັກຟີສິກ ແລະ ຜູ້ຊ່ຽວຊານ ໃນດ້ານອາວຸດ
ສະໄໝໃໝ່ ຫຼື high-tech ນັ້ນ.
ໃນຖານະທີ່ເປັນຮອງລັດຖະມົນຕີປ້ອງກັນປະເທດ ແຕ່ປີ 2011 ຫາ 2013 ນັ້ນ ທ່ານ Carter ແມ່ນ ຜູ້ຊື້ອາວຸດຕ່າງໆລາຍໃຫຍ່ຂອງທຳ ນຽບຫ້າແຈ ແລະ ໄດ້ຮັບການສະໜັບສະໜຸນຈາກທັງສອງພັກ ພາຍໃນວໍຊິງຕັນ ທີ່ມີການເມືອງແບບບໍ່ລົງລອຍກັນ.
ຖ້າໄດ້ຮັບການຢືນຢັນ ຈາກລັດຖະສະພາ ທ່ານ Carter ຈະເຂົ້າຮັບໜ້າທີ່ແທນ ທ່ານ Chuck Hagel ຜູ້ທີ່ໄດ້ລາອອກ ຍ້ອນການກົດດັນ ເມື່ອເດືອນແລ້ວນີ້ ຫລັງຈາກໄດ້ຮັບ
ຕຳແໜ່ງມາ 2 ປີ.
ບັນດາເຈົ້າໜ້າທີ່ທຳນຽບຂາວ ໄດ້ປະຕິເສດຢ່າງເປີດເຜີຍ ວ່າ ທ່ານ Hagel ຖືກກົດດັນໃຫ້ລາອອກ ແຕ່ເຈົ້າໜ້າທີ່ຄົນອືນໆ ກ່າວໃນຖານະສ່ວນໂຕວ່າ ມັນເປັນຕາມນັ້ນແຫລະ.
ທ່ານ Carter ໄດ້ມາເປັນຜູ້ນຳໜ້າ ຫຼັງຈາກທີ່ຜູ້ຄົນອື່ນໆໄດ້ຖອນໂຕອອກຈາກການພິຈາ
ລະນາ ທີ່ລວມທັງ ລັດຖະມົນຕີຮັກສາຄວາມປອດໄພພາຍໃນ ທ່ານ Jeh Johnson ຜູ້ແທນສະພາສູງ ທ່ານ Jack Reed ແລະ ອະດີດເຈົ້າໜ້າທີ່ທຳນຽບຫ້າແຈ ທ່ານນາງ Michele Flournoy.
