-
-
VOA Lao Audio Tube
ລາຍການຫລ້າສຸດ
-
-
ລາຍການຕໍ່ໄປ
-
19:30 - 20:00
ລາຍການກະຈາຍສຽງຂອງວີໂອເອ ລາວ
-
19:30 - 20:00
ລາຍການກະຈາຍສຽງຂອງວີໂອເອ ລາວ
-
-
VOA Lao Audio Tube
-
ລາຍການວິທະຍຸ ຕື່ມອີກ
ທ່ານໂອບາມາ ຮຽກຮ້ອງໃຫ້ ປະທານາທິບໍດີຊີເຣຍ ລາອອກ
ເມື່ອວັນຈັນຜ່ານມານີ້ ປະທານາທິບໍດີ ບາຣັກ ໂອບາມາ ໄດ້ຮຽກຮ້ອງອີກ ຄັ້ງນຶ່ງ ໃຫ້ປະທານາທິບໍດີ Bashar al-Assad
ຈົ່ງລົງຈາກອໍານາດ ແລະກ່າວວ່າ ການເຄື່ອນໄຫວ ຫຼືການນໍາ
ໃຊ້ອາວຸດເຄມີໃດໆໂດຍລັດຖະ ບານຊີເຣຍນັ້ນ ຈະປ່ຽນແປງ
ທ່າທີຂອງສະຫະລັດທີ່ມີຕໍ່ຊີເຣຍນັ້ນຢ່າງເດັດຂາດ.
ຄວາມເຫັນດັ່ງກ່າວຂອງປະທານາທິບໍດີໂອບາມາ ແມ່ນມີຂຶ້ນໃນ
ລະຫວ່າງການປາກົດຕົວໂດຍບໍ່ໄດ້ບອກໃຫ້ຮູ້ລ່ວງໜ້າ ທີ່ຫ້ອງ
ຖະແຫຼງ ຂ່າວປະຈໍາວັນຂອງທໍານຽບຂາວ ຊຶ່ງເຫດຜົນສ່ວນນຶ່ງ
ກໍແມ່ນມາຈາກການຈົ່ມວ່າຂອງວົງການສື່ມວນຊົນ ທີ່ວ່າທ່ານ
ໄດ້ຫຼີກລ່ຽງການໃຫ້ ສໍາພາດຂ່າວເປັນປະຈໍານັ້ນ.
ເມື່ອຖືກຊັກຖາມກ່ຽວກັບສະຖານະການໃນຊີເຣຍນັ້ນ ທ່ານໂອບາມາເວົ້າວ່າ ຈົນເຖິງປັດຈຸບັນນີ້ ປະທານາທິບໍດີຊີເຣຍ ທ່ານ Assad ກໍຍັງບໍ່ຮັບ ຮູ້ວ່າ ຕົນໄດ້ສູນເສຍຄວາມຖືກຕ້ອງຕາມກົດໝາຍໃນການປົກຄອງປະເທດນັ້ນໄປແລ້ວ ແລະຈະຕ້ອງໄດ້ລາອອກ.
ທ່ານໂອບາມາເວົ້າວ່າ: “ປະຊາຄົມໂລກແມ່ນໄດ້ສົ່ງສານອັນແຈ້ງຂາວ ໄປແລ້ວວ່າ ແທນທີ່ຈະນໍາພາປະເທດຊາດຂອງທ່ານເຂົ້າສູ່ສົງຄາມກອງເມືອງນັ້ນ ທ່ານອັດຊາດຄວນຈະ
ເຄື່ອນໄຫວໄປສູ່ທິດທາງຂອງການຫັນປ່ຽນທາງການເມືອງກັນເສຍ. ແຕ່ມາຮອດຂັ້ນນີ້ ແລ້ວ ຄວາມເປັນໄປໄດ້ໃນການທີ່ ທ່ານອັດຊາດຈະລົງ ຈາກອໍານາດໄປງ່າຍໆນັ້ນ ແມ່ນ
ຍັງໄກຢູ່.”
ທ່ານໂອບາມາ ໄດ້ເອີ່ຍເຖິງການຊ່ວຍເຫຼືອດ້ານມະນຸດສະທໍາແລະຢ່າງອື່ນໆອີກ ທີ່ສະຫະລັດແລະບັນດາພາຄີນານາຊາດໄດ້ສະໜອງໃຫ້ແກ່ຝ່າຍຄ້ານຊີເຣຍນັ້ນ ໂດຍກ່າວຕື່ມວ່າ ເລຶ່ອງນີ້ແມ່ນຈະດໍາເນີນສືບຕໍ່ໄປ ໂດຍສະເພາະການຊ່ວຍເຫຼືອຊາວອົບພະຍົບ ທີ່ຫຼົບໜີຈາກການສູ້ລົບກັນນັ້ນ.
ທ່ານໂອບາມາເວົ້າວ່າ ການຊ່ວຍເຫຼືອດັ່ງກ່າວຍັງມີໂຮມທັງການປຶກສາຫາລືກັບຝ່າຍຄ້ານ ກ່ຽວກັບການໂອນອໍານາດທາງການເມືອງທີ່ອາດມີຂຶ້ນນັ້ນນໍາ ໂຮມທັງການພິດຈາລະນາເຖິງຫຼັກການຕ່າງໆທີ່ຄວນຈະຍຶດ ໝັ້ນ ໃນການເຄົາລົບນັບຖືພວກຊົນກຸ່ມນ້ອຍແລະສິດສິມະນຸດໃນຊີເຣຍ.
ທ່ານໂອບາມາກ່າວຕໍ່ໄປວ່າ ທ່ານຍັງບໍ່ໄດ້ອອກຄໍາສັ່ງໃຫ້ເຂົ້າໄປພົວພັນທາງທະຫານຢູ່ໃນ
ຊີເຣຍເທື່ອ ແຕ່ທ່ານກ່າວວ່າ ຂະນະນີ້ສະຫະລັດແລະບັນດາພັນທະມິດ ກໍາລັງສິ້ງຊອມຕິດ
ຕາມເບິ່ງສະຖານະການໃນຊີເຣຍຢູ່ຢ່າງໃກ້ຊິດ ໂດຍກ່າວຕື່ມວ່າ ການເຄື່ອນໄຫວໃດໆ ຫຼືການນໍາໃຊ້ອາວຸດເຄມີຂອງລັດຖະບານຊີເຣຍນັ້ນ ແມ່ນຈະປ່ຽນແປງການຄໍານວນຂອງທ່ານ.
ທ່ານໂອບາມາກ່າວວ່າ: “ພວກເຮົາໄດ້ລວບລວມແຜນການຮັບມືສຸກເສີນ ຫລາຍດ້ານໄວ້ແລ້ວ. ພວກເຮົາໄດ້ສື່ສານຢ່າງແຈ່ມແຈ້ງ ໂດຍບໍ່ມີຂໍ້ສົງໄສໃດໆ ກັບຜູ້ທີ່ມີບົດບາດທຸກໆຝ່າຍຢູ່ໃນຂົງເຂດວ່າ ເລື່ອງນີ້ແມ່ນຂີດແດງ ຄືຄວາມເປັນຫ່ວງຂັ້ນສຸດຂີດ ສໍາລົບພວກເຮົາ ແລະມັນຈະມີຜົນຮັບຕາມມາທີ່ໜັກໜ່ວງທີ່ສຸດ ຖ້າຫາກ ວ່າພວກເຮົາເລີ່ມເຫັນການເຄື່ອນໄຫວ ໃນດ້ານອາວຸດເຄມີ ຫລືການນໍາໃຊ້ອາວຸດເຄມີ ແລະນັ້ນແມ່ນຈະປ່ຽນແປງການຄິດໄລ່ຂອງຂ້າພະເຈົ້າ ຢ່າງສໍາຄັນທີ່ສຸດ.”
ທ່ານໂອບາມາກ່າວຕໍ່ໄປວ່າ ສະຫະລັດບໍ່ຕ້ອງການຢາກໃຫ້ມີສະຖານະການ ທີ່ວ່າອາວຸດເຄມີຕ່າງໆໄປຕົກເຖິງມືຂອງພວກຄົນພານ ແລະກ່າວຕື່ມອີກວ່າ ວໍຊິງຕັນໄດ້ຖະແຫລງໃຫ້ຮູ້ ກ່ຽວກັບຂີດແດງຫຼືຄວາມເປັນຫ່ວງຂັ້ນສຸດຂີດດັ່ງກ່າວຢ່າງແຈ້ງຂາວໄປແລ້ວຕໍ່ລັດຖະບານຂອງທ່ານອັດຊາດ ແລະບັນດາຜູ້ມີບົດບາດອື່ນໆ ຢູ່ໃນຂົງເຂດນັ້ນ.
ປະທານາທິບໍດີໂອບາມາກ່າວຕື່ມວ່າ ບັນດາພັນທະມິດຂອງສະຫະລັດໃນຂົງເຂດ ໂຮມ ທັງ ອິສຣາແອລກໍມີຄວາມເປັນຫ່ວງ ກ່ຽວກັບອາວຸດເຄມີແລະອາວຸດເຊື້ອໂຣກຢູ່ໃນຊີເຣຍນັ້ນ
ຄືກັນ.
ນອກນີ້ແລ້ວ ທ່ານໂອບາມາ ຍັງໄດ້ໃຫ້ຄວາມເຫັນກ່ຽວກັບເຫດການສັງຫານທະຫານຂອງສະຫະລັດແລະຂອງເນໂຕ້ ບັ້ນລ່າສຸດ ໂດຍກໍາລັງຮັກສາຄວາມປອດໄພຂອງອັຟການີສ ຖານນັ້ນ. ໃນປີນີ້ ມາຮອດປັດຈຸບັນ ມີທະຫານຂອງກໍາລັງປະສົມ ຢ່າງໜ້ອຍ 39 ຄົນ ໄດ້ຖືກສັງຫານໃນການໂຈມຕີແບບນັ້ນ.
ທ່ານໂອບາມາກ່າວວ່າ ທ່ານມີຄວາມເປັນຫ່ວງຢ່າງສຸດຊື້ງ ແລະວ່າທ່ານຈະທໍາການສົນທະ ນາຫາລືກັບປະທານາທິບໍດີຮາມິດກາຊາຍ ກ່ຽວກັບບັນຫານີ້. ປະທານາທິບໍດີໂອບາມາເວົ້າອີກວ່າ ນອກນີ້ແລ້ວ ທ່ານຍັງໄດ້ໂອ້ລົມເລື່ອງນີ້ ກັບນາຍພົນ Martin Dempsey ປະທານເສນາທິການຮ່ວມກອງທັບສະຫະລັດ ທີ່ໄດ້ເດີນທາງໄປອັຟການີ ສຖານໃນຕົ້ນອາທິດນີ້ ເພື່ອປະຊຸມກັບບັນດາເຈົ້າໜ້າທີ່ອັຟການີສຖານແລະເນໂຕ້.
ຈົ່ງລົງຈາກອໍານາດ ແລະກ່າວວ່າ ການເຄື່ອນໄຫວ ຫຼືການນໍາ
ໃຊ້ອາວຸດເຄມີໃດໆໂດຍລັດຖະ ບານຊີເຣຍນັ້ນ ຈະປ່ຽນແປງ
ທ່າທີຂອງສະຫະລັດທີ່ມີຕໍ່ຊີເຣຍນັ້ນຢ່າງເດັດຂາດ.
ຄວາມເຫັນດັ່ງກ່າວຂອງປະທານາທິບໍດີໂອບາມາ ແມ່ນມີຂຶ້ນໃນ
ລະຫວ່າງການປາກົດຕົວໂດຍບໍ່ໄດ້ບອກໃຫ້ຮູ້ລ່ວງໜ້າ ທີ່ຫ້ອງ
ຖະແຫຼງ ຂ່າວປະຈໍາວັນຂອງທໍານຽບຂາວ ຊຶ່ງເຫດຜົນສ່ວນນຶ່ງ
ກໍແມ່ນມາຈາກການຈົ່ມວ່າຂອງວົງການສື່ມວນຊົນ ທີ່ວ່າທ່ານ
ໄດ້ຫຼີກລ່ຽງການໃຫ້ ສໍາພາດຂ່າວເປັນປະຈໍານັ້ນ.
ເມື່ອຖືກຊັກຖາມກ່ຽວກັບສະຖານະການໃນຊີເຣຍນັ້ນ ທ່ານໂອບາມາເວົ້າວ່າ ຈົນເຖິງປັດຈຸບັນນີ້ ປະທານາທິບໍດີຊີເຣຍ ທ່ານ Assad ກໍຍັງບໍ່ຮັບ ຮູ້ວ່າ ຕົນໄດ້ສູນເສຍຄວາມຖືກຕ້ອງຕາມກົດໝາຍໃນການປົກຄອງປະເທດນັ້ນໄປແລ້ວ ແລະຈະຕ້ອງໄດ້ລາອອກ.
ທ່ານໂອບາມາເວົ້າວ່າ: “ປະຊາຄົມໂລກແມ່ນໄດ້ສົ່ງສານອັນແຈ້ງຂາວ ໄປແລ້ວວ່າ ແທນທີ່ຈະນໍາພາປະເທດຊາດຂອງທ່ານເຂົ້າສູ່ສົງຄາມກອງເມືອງນັ້ນ ທ່ານອັດຊາດຄວນຈະ
ເຄື່ອນໄຫວໄປສູ່ທິດທາງຂອງການຫັນປ່ຽນທາງການເມືອງກັນເສຍ. ແຕ່ມາຮອດຂັ້ນນີ້ ແລ້ວ ຄວາມເປັນໄປໄດ້ໃນການທີ່ ທ່ານອັດຊາດຈະລົງ ຈາກອໍານາດໄປງ່າຍໆນັ້ນ ແມ່ນ
ຍັງໄກຢູ່.”
ທ່ານໂອບາມາ ໄດ້ເອີ່ຍເຖິງການຊ່ວຍເຫຼືອດ້ານມະນຸດສະທໍາແລະຢ່າງອື່ນໆອີກ ທີ່ສະຫະລັດແລະບັນດາພາຄີນານາຊາດໄດ້ສະໜອງໃຫ້ແກ່ຝ່າຍຄ້ານຊີເຣຍນັ້ນ ໂດຍກ່າວຕື່ມວ່າ ເລຶ່ອງນີ້ແມ່ນຈະດໍາເນີນສືບຕໍ່ໄປ ໂດຍສະເພາະການຊ່ວຍເຫຼືອຊາວອົບພະຍົບ ທີ່ຫຼົບໜີຈາກການສູ້ລົບກັນນັ້ນ.
ທ່ານໂອບາມາເວົ້າວ່າ ການຊ່ວຍເຫຼືອດັ່ງກ່າວຍັງມີໂຮມທັງການປຶກສາຫາລືກັບຝ່າຍຄ້ານ ກ່ຽວກັບການໂອນອໍານາດທາງການເມືອງທີ່ອາດມີຂຶ້ນນັ້ນນໍາ ໂຮມທັງການພິດຈາລະນາເຖິງຫຼັກການຕ່າງໆທີ່ຄວນຈະຍຶດ ໝັ້ນ ໃນການເຄົາລົບນັບຖືພວກຊົນກຸ່ມນ້ອຍແລະສິດສິມະນຸດໃນຊີເຣຍ.
ທ່ານໂອບາມາກ່າວຕໍ່ໄປວ່າ ທ່ານຍັງບໍ່ໄດ້ອອກຄໍາສັ່ງໃຫ້ເຂົ້າໄປພົວພັນທາງທະຫານຢູ່ໃນ
ຊີເຣຍເທື່ອ ແຕ່ທ່ານກ່າວວ່າ ຂະນະນີ້ສະຫະລັດແລະບັນດາພັນທະມິດ ກໍາລັງສິ້ງຊອມຕິດ
ຕາມເບິ່ງສະຖານະການໃນຊີເຣຍຢູ່ຢ່າງໃກ້ຊິດ ໂດຍກ່າວຕື່ມວ່າ ການເຄື່ອນໄຫວໃດໆ ຫຼືການນໍາໃຊ້ອາວຸດເຄມີຂອງລັດຖະບານຊີເຣຍນັ້ນ ແມ່ນຈະປ່ຽນແປງການຄໍານວນຂອງທ່ານ.
ທ່ານໂອບາມາກ່າວວ່າ: “ພວກເຮົາໄດ້ລວບລວມແຜນການຮັບມືສຸກເສີນ ຫລາຍດ້ານໄວ້ແລ້ວ. ພວກເຮົາໄດ້ສື່ສານຢ່າງແຈ່ມແຈ້ງ ໂດຍບໍ່ມີຂໍ້ສົງໄສໃດໆ ກັບຜູ້ທີ່ມີບົດບາດທຸກໆຝ່າຍຢູ່ໃນຂົງເຂດວ່າ ເລື່ອງນີ້ແມ່ນຂີດແດງ ຄືຄວາມເປັນຫ່ວງຂັ້ນສຸດຂີດ ສໍາລົບພວກເຮົາ ແລະມັນຈະມີຜົນຮັບຕາມມາທີ່ໜັກໜ່ວງທີ່ສຸດ ຖ້າຫາກ ວ່າພວກເຮົາເລີ່ມເຫັນການເຄື່ອນໄຫວ ໃນດ້ານອາວຸດເຄມີ ຫລືການນໍາໃຊ້ອາວຸດເຄມີ ແລະນັ້ນແມ່ນຈະປ່ຽນແປງການຄິດໄລ່ຂອງຂ້າພະເຈົ້າ ຢ່າງສໍາຄັນທີ່ສຸດ.”
ທ່ານໂອບາມາກ່າວຕໍ່ໄປວ່າ ສະຫະລັດບໍ່ຕ້ອງການຢາກໃຫ້ມີສະຖານະການ ທີ່ວ່າອາວຸດເຄມີຕ່າງໆໄປຕົກເຖິງມືຂອງພວກຄົນພານ ແລະກ່າວຕື່ມອີກວ່າ ວໍຊິງຕັນໄດ້ຖະແຫລງໃຫ້ຮູ້ ກ່ຽວກັບຂີດແດງຫຼືຄວາມເປັນຫ່ວງຂັ້ນສຸດຂີດດັ່ງກ່າວຢ່າງແຈ້ງຂາວໄປແລ້ວຕໍ່ລັດຖະບານຂອງທ່ານອັດຊາດ ແລະບັນດາຜູ້ມີບົດບາດອື່ນໆ ຢູ່ໃນຂົງເຂດນັ້ນ.
ປະທານາທິບໍດີໂອບາມາກ່າວຕື່ມວ່າ ບັນດາພັນທະມິດຂອງສະຫະລັດໃນຂົງເຂດ ໂຮມ ທັງ ອິສຣາແອລກໍມີຄວາມເປັນຫ່ວງ ກ່ຽວກັບອາວຸດເຄມີແລະອາວຸດເຊື້ອໂຣກຢູ່ໃນຊີເຣຍນັ້ນ
ຄືກັນ.
ນອກນີ້ແລ້ວ ທ່ານໂອບາມາ ຍັງໄດ້ໃຫ້ຄວາມເຫັນກ່ຽວກັບເຫດການສັງຫານທະຫານຂອງສະຫະລັດແລະຂອງເນໂຕ້ ບັ້ນລ່າສຸດ ໂດຍກໍາລັງຮັກສາຄວາມປອດໄພຂອງອັຟການີສ ຖານນັ້ນ. ໃນປີນີ້ ມາຮອດປັດຈຸບັນ ມີທະຫານຂອງກໍາລັງປະສົມ ຢ່າງໜ້ອຍ 39 ຄົນ ໄດ້ຖືກສັງຫານໃນການໂຈມຕີແບບນັ້ນ.
ທ່ານໂອບາມາກ່າວວ່າ ທ່ານມີຄວາມເປັນຫ່ວງຢ່າງສຸດຊື້ງ ແລະວ່າທ່ານຈະທໍາການສົນທະ ນາຫາລືກັບປະທານາທິບໍດີຮາມິດກາຊາຍ ກ່ຽວກັບບັນຫານີ້. ປະທານາທິບໍດີໂອບາມາເວົ້າອີກວ່າ ນອກນີ້ແລ້ວ ທ່ານຍັງໄດ້ໂອ້ລົມເລື່ອງນີ້ ກັບນາຍພົນ Martin Dempsey ປະທານເສນາທິການຮ່ວມກອງທັບສະຫະລັດ ທີ່ໄດ້ເດີນທາງໄປອັຟການີ ສຖານໃນຕົ້ນອາທິດນີ້ ເພື່ອປະຊຸມກັບບັນດາເຈົ້າໜ້າທີ່ອັຟການີສຖານແລະເນໂຕ້.
