ປະທານາທິບໍດີ ສະຫະລັດ ທ່ານ Barack Obama ກ່າວວ່າ
ລາຍງານຫລ້າສຸດ ກ່ຽວກັບວຽກການເຮັດ ໃນສະຫະລັດນັ້ນ
ແມ່ນ “ດີ” ແຕ່ວ່າ ຍັງມີວຽກທີ່ຈະຕ້ອງໄດ້ເຮັດເພີ້ມອີກ ເພື່ອໃຫ້
ຄ່າຈ້າງແລະລາຍໄດ້ຂອງເຂົາເຈົ້າສູງຂື້ນ.
ປະທານາທິບໍດີ ໄດ້ຖະແຫລງໃນວັນພະຫັດວານນີ້ ຢູ່ມະຫາວິ
ທະຍາໄລ Wisconsin ທີ່ La Cross ທາງພາກເໜືອຂອງສະ
ຫະລັດ ວ່າ ໃນຂະນະທີ່ປະເທດ ໄດ້ບັນທຶກ “64 ເດືອນລຽນຕິດ
ທີ່ວຽກການຂອງພາກເອກກະຊົນ ໄດ້ເພີ້ມຂື້ນ ແຕ່ກໍຍັງມີຫລາຍ
ຄົນຮູ້ສຶກວ່າ ສະໜາມການຫລີ້ນ ຍັງໜັກໄປໃນທາງ ທີ່ຂ້ອນຂ້າງ
ຍາກສຳລັບເຂົາເຈົ້າທີ່ຈະກ້າວໜ້າໄດ້.”
ລາຍງານຂອງກະຊວງແຮງງານສະຫະລັດ ໃນວັນພະຫັດວານນີ້ ສະແດງໃຫ້ເຫັນວ່າ
ສະຫະລັດໄດ້ເພີ້ມວຽກງານທັງໝົດ 223,000 ວຽກໃນເດືອນມິຖຸນາ ແລະອັດຕາຄົນ
ຫວ່າງງານໄດ້ຫລຸດລົງ ຈຸດສອງເປີເຊັນ ເປັນ 5.3 ເປີເຊັນ.
ນັ້ນແມ່ນອັດຕາຄົນຫວ່າງງານຕຳ່ທີ່ສຸດ ນັບແຕ່ປີ 2008 ເປັນຕົ້ນມາ ເຖິງຢ່າງໃດກໍດີ
ບັນດາເຈົ້າໜ້າທີ່ກ່າວວ່າ ອັດຕາຄົນຫວ່າງງານໄດ້ຫລຸດລົງ ສ່ວນນຶ່ງກໍ ເພາະວ່າ ຫລາຍ
ກວ່າ 400,000 ຄົນ ໄດ້ຢຸດເຊົາ ໃນການຊອກຫາວຽກເຮັດ ແລະເພາະສະນັ້ນ ບໍ່ໄດ້ນັບ
ເຂົ້າວ່າເປັນຄົນຫວ່າງງານ.
