ປະທານາທິບໍດີ ສະຫະລັດ ທ່ານ Barack Obama ໄດ້
ເຕືອນຈີນຢ່າງແຮງ ໃນວັນຈັນວານນີ້ວ່າ ໂຄງການຖົມ
ເກາະດອນຂອງຈີນຢູ່ທະເລຈີນໃຕ້ ເປັນໂຄງການທີ່ບໍ່ສ້າງ
ສັນແລະ ເປັນໄພຂົ່ມຂູ່ຕໍ່ຄວາມຈະເລີນຮຸ່ງເຮືອງ ຂອງເອ
ເຊຍອາຄະເນ.
ທ່ານໄດ້ກ່າວຕໍ່ ບັນດາຜູ້ນຳຊາວໜຸ່ມ ຈາກເອເຊຍອາຄະ
ເນ ທີ່ມາຢ້ຽມຢາມສະຫະລັດວ່າ ຈຳນວນນຶ່ງມັນອາດຈະ
ແມ່ນວ່າການອ້າງເອົາອຳກຳມະສິດໃນເຂດນ່ານນ້ຳຂອງ
ຈີນ ແມ່ນຖືກຕ້ອງຕາມກົດໝາຍ.
ທ່ານ Obama ກ່າວ ໃນຂະນະທີ່ທ່ານໃຊ້ແຂນສອກຂອງທ່ານແກວ່ງໄປໃສ່ໂຕະຕັ້ງກ່າວ ຄຳປາໄສ ຢູ່ທຳນຽບຂາວໂດຍເວົ້າວ່າ “ແຕ່ພວກເຂົາເຈົ້າບໍ່ຄວນຈະສ້າງຕັ້ງ ໂດຍອີງຕາມ
ການແກວ່ງສອກ ແລະກົດດັນໃຫ້ຜູ້ອື່ນອອກໜີ”.
ຜູ້ນຳຂອງອາເມຣິກັນ ກ່າວວ່າ ສະຫະລັດບໍ່ມີການອ້າງເອົາກຳມະສິດໃນດິນແດນໃດໆ
ຢູ່ໃນຂົງເຂດ ແຕ່ວ່າຕ້ອງການຢາກໃຫ້ແກ້ໄຂການອ້າງກຳມະສິດເອົາ ເຂດນ້ຳຂອງຈີນ
ແລະປະເທດອຶ່ນໆ ແບບສັນຕິວິທີ.
ທ່ານກ່າວວ່າ “ພວກເຮົາບໍ່ແມ່ນພັກຝ່າຍຢູ່່ໃນບັນຫາຂັດແຍ້ງ ແຕ່ວ່າພວກເຮົາມີ ສ່ວນ
ໄດ້ສ່ວນເສຍ ເພື່ອເຮັດໃຫ້ເປັນທີ່ແນ່ນອນວ່າ ບັນຫາເຫລົ່ານີ້ໄດ້ຮັບແກ້ໄຂຢ່າງສັນຕິ ໂດຍທາງການທູດ ແລະອີງຕາມມາດຕະຖານທີ່ມີການສ້າງຕັ້ງຂອງ ນາໆຊາດ ແລະ
ຍ້ອນເຫດຜົນດັ່ງກ່າວ ພວກເຮົາຈຶ່ງຄິດວ່າ ການຖົມດິນ ເປັນ ການກະທຳແບບທ້າທາຍ
ຂອງຝ່າຍໃດກໍຕາມ ຢູ່ໃນບໍລິເວນດັ່ງກ່າວແມ່ນ ບໍ່ ສ້າງສັນ.
ທ່ານເວົ້າວ່າ ສະຫະລັດຈະດຳເນີນງານຮ່ວມກັບທຸກໆປະເທດທີ່ເຕັມໃຈ ຈະ ສ້າງຕັ້ງແລະ
ບັງຄັບໃຊ້ຫລັກການແລະກົດລະບຽບຕ່າງໆ ທີ່ຈະສືບຕໍ່ການຂະຫຍາຍໂຕ ແລະຄວາມ
ອຸດົມຮັ່ງມີຢູ່ໃນຂົງເຂດ.
ເບິ່ງວີດີໂອກ່ຽວຂ້ອງ:
