ສະຫະລັດ ໃນວັນອາທິດມື້ນີ້ພວມກ້າວໄປສູ່ການປະເຊີນໜ້າກ່ຽວກັບໂຄງການເກັບກຳຂໍ້ມູນຢ່າງລັບໆ ເພື່ອຄວາມປອດໄພແຫ່ງຊາດ, ດ້ວຍການຕິຕຽນຂອງສະມາຊິກສະພາສູງຄົນສຳຄັນ ໂດຍກ່າວວ່າ ລາວຈະບັງຄັບໃຫ້ກົດໝາຍ ທີ່ອະນຸຍາດໃຫ້ມີການກວດສອບໃນການລົມໂທລະສັບ ໂດຍຜູ້ທີ່ຖືກສົງໃສວ່າເປັນຜູ້ກໍ່ການຮ້າຍນັ້ນ ໝົດອາຍຸລົງ.
ສະມາຊິກສະພາສູງ Rand Paul ທີ່ລົງສະໝັກເປັນປະທານາທິບໍ
ດີຂອງພັກ Republican ໃນປີ 2016, ໄດ້ກ່າວໃນວັນເສົາວານນີ້
ວ່າ ເມື່ອສະພາສູງເປີດປະຊຸມຮອບພິເສດ ໃນວັນອາທິດມື້ນີ້, ລາວ
ຈະໃຊ້ກົດນິຕິບັນຍັດ ເພື່ອອະນຸຍາດໃຫ້ລາວຂັດຂວາງ ຄວາມພະ ຍາຍາມທີ່ຈະເລັ່ງການອະພິປາຍກ່ຽວກັບການຕໍ່ອາຍຸກົດໝາຍສະບັບປະຈຸບັນ ທີ່ໄດ້ໝົດ ອາຍຸໄປແລ້ວໃນຄ່ຳຄືນຂອງວັນອາທິດມື້ນີ້ຫຼືຮອງຮັບເອົາການປະຕິຮູບທີ່ໄດ້ຮັບຜ່ານສະ
ພາຕ່ຳແລ້ວນັ້ນ.
ທ່ານ Paul ຊຶ່ງມີການຂັດແຍ້ງ ກັບສະມາຊິກພັກ Republican ສ່ວນຫຼາຍ ແລະ ສະມາຊິກ ສະພາຂອງພັກ Democrat ຫຼາຍຄົນກ່ຽວກັບການກວດສອບໂຕ້ຕອບວ່າ ກົດໝາຍ ຮັກຊາດ ຫຼື Patriot Act ແມ່ນການລະເມີດສິດທິຄວາມເປັນສ່ວນຕົວຂອງຄົນ ອາເມຣິກັນ ໂດຍການ ອະນຸຍາດໃຫ້ອົງການຄວາມປອດໄພແຫ່ງຊາດ ຫລື NSA ເກັບກຳຂໍ້ມູນຢ່າງກ້ວາງຂວາງ ກ່ຽວກັບໂທລະສັບຂອງພວກເຂົາ ລວມທັງເບີໂທລະສັບທີ່ໄດ້ໂທ ອອກແຕ່ບໍ່ແມ່ນເນື້ອຫາ ສາລະຂອງການໂອ້ ລົມກັນ.
ທ່ານປະທານາທິບໍດີ Barack Obama ໄດ້ຮຽກຮ້ອງຢ່າງແຂງຂັນໃຫ້ສະພາສູງຮັບຮອງ ເອົາ ຮ່າງກົດໝາຍວ່າດ້ວຍອິດສະຫຼະພາບ ຫຼື Freedom act ເຊິ່ງໄດ້ຜ່ານການຮອງຮັບຈາກ ລັດຖະສະພາຕ່ຳ ທີ່ອະນຸຍາດໃຫ້ມີການເກັບກຳບັນທຶກສຽງໂທລະສັບຂອງຊາວ ອາເມຣິກັນ ຢ່າງຫຼວງຫຼາຍສິ້ນສຸດລົງ, ແຕ່ອະນຸຍາດໃຫ້ອົງການຄວາມ NSA ຄົ້ນຫາ ບັນທຶກຂໍ້ມູນທີ່ ເກັບກຳໂດຍບໍລິສັດໂທລະສັບເປັນກໍລະນີໆໄປ ເຊິ່ງເປັນການປະຕິຮູບທີ່ ທ່ານໄດ້ກ່າວວ່າ ໄດ້ຖືກກີດຂວາງໂດຍສະມາຊິກສະພາສູງ ພຽງບໍ່ເທົ່າໃດຄົນທໍ່ນັ້ນ.