ເບິງວີດີໂອລາຍງານພາສາອັງກິດ:
ໃນແລງວັນອັງຄານມື້ນີ້ ຊຶ່ງເປັນຍາມມື້ເຊົ້າວັນພຸດໃນເມືອງລາວ ປະທານາທິບໍດີ
ບາຣັກ ໂອບາມາ ຈະກ່າວປາໄສຕໍ່ສະພາກົງແກຣສຂອງ ສະຫະລັດ. ທ່ານ ໂອບາ
ມາໄດ້ແນະໃຫ້ຮູ້ລ່ວງໜ້າກ່ຽວກັບຄໍາປາໄສ ທີ່ທ່ານຈະກ່າວຕໍ່ສະພາ Congress
ຂອງສະຫະລັດ ພາຍໃຕ້ສະພາບແວດລ້ອມດ້ານເສດຖະກິດແລະການເມືອງທີ່ຫຍຸ້ງ
ຍາກທີ່ສຸດ ສໍາລັບປະທານາທິບໍດີຄົນໃດກໍຕາມທີ່ກໍາລັງປະເຊີນໃນຮອບຫລາຍທົດ
ສະວັດຜ່ານມາ.
ເລື້ອງເສດຖະກິດຈະເປັນເລື້ອງບູລິມະສິດແລະຈຸດໃຈກາງສໍາລັບປະທານາທິບໍດີ
ທີ່ຈະໄປກ່າວທີ່ຕຶກສະພາຕໍ່ສະພາຮ່ວມຄົບຄະນະຂອງສະຫະລັດ.
ເວລານີ້ອັດຕາຄົນຫວ່າງງານກໍາລັງຫລຸດລົງ ແຕ່ບໍ່ໄວພໍດັ່ງທີ່ທ່ານໂອບາມາໄດ້ຄາດຫວັງ
ໄວ້ກ່ອນ ຊຶ່ງນີ້ຈະເປັນໄພຂົ່ມຂູ່ຕໍ່ໂອກາດສໍາລັບທ່ານ ທີ່ຈະຖືກເລືອກຕັ້ງເປັນປະທານາທິ
ບໍດີອີກສະໄໝນຶ່ງ.
ແຕ່ສະພາ Congress ຊຶ່ງໄດ້ຮັບຄະແນນນິຍົມໃນການປະຕິບັດງານຂອງພວກຕົນ ໃນ
ລະດັບຕໍ່າສຸດເປັນປະວັດສາດນັ້ນ ການສໍາຫລວດຫາງສຽງປະຊາຊົນສະແດງໃຫ້ເຫັນ
ວ່າ ຊາວອາເມຣິກັນໃນຈໍານວນຫລາຍກວ່າ 80 ເປີເຊັນ ບໍ່ເຫັນດີນໍາການປະຕິບັດງານ
ຂອງພວກຜູ້ແທນຂອງເຂົາເຈົ້າ.
ໃນການກ່າວປາໄສຕ່າງໆໃນທົ່ວປະເທດ ທ່ານໂອບາມາໄດ້ແນເປົ້າໝາຍໃສ່ອັນທີ່ທ່ານ
ເອີ້ນວ່າ ການປະຕິບັດງານທີ່ບໍ່ມີສະມັດຖະພາບຂອງລັດຖະສະພານັ້ນ.
ໃນວັນເສົາຜ່ານມານີ້ ປະທານາທິບໍດີໂອບາມາໄດ້ ແຈ້ງໃຫ້ຊາບໃນວີດີໂອ ໂດຍແນະໃຫ້
ຮູ້ລ່ວງໜ້າກ່ຽວກັບເນື້ອໄນທີ່ກວ້າງຂວາງ ໃນອັນທີ່ ທ່ານເອີ້ນວ່າ ແຜນການດໍາເນີນການ
ສໍາລັບເສດຖະກິດອາເມລິກາ. ທ່ານໂອບາມາກ່າວວ່າ ແຜນການດັ່ງກ່າວນີ້ ຈະອິງໃສ່ຄໍາ
ປາໄສທີ່ທ່ານໄດ້ໃຫ້ໄປໃນເມືອງ Osawatomie ທີ່ລັດ Kansas ໃນປີແລ້ວນີ້ ຊຶ່ງທ່ານ
ໄດ້ກ່າວເຖິງຄວາມສໍາຄັນກ່ຽວກັບປະຊາຊົນຊັ້ນກາງ ແລະ ຄວາມເປັນທໍານັ້ນ.
