ລິ້ງ ສຳຫລັບເຂົ້າຫາ

ປ. ໂອບາມາ ຈະອະນຸມັດ ການລົງໂທດຮອບໃໝ່ ຕໍ່ຣັດເຊຍ


ນາຍົກລັດຖະມົນຕີຣັດເຊຍ ທ່ານ Dmitry Medvedev ເປັນປະທານ ໃນກອງປະຊຸມຄະນະລັດຖະບານ ທີ່ເພ່ງເລັງໃສ່ ວິທີທາງ ຄ້ຳຊູ ການຕົກຕ່ຳລົງ ຂອງຄຸນຄ່າເງິນຣູເບິລ ໃນທຳນຽບ Gorki ນອກນະຄອນຫລວງມົສກູ ປະເທດຣັດເຊຍ, ວັນທີ 16 ທັນວາ 2014.

ທຳນຽບຂາວ ກ່າວ​ວ່າ ປະທານາທິບໍດີ ບາຣັກ ​ໂອ​ບາ​ມາ ​ໄດ້
​ຕັດສິນ​ໃຈ ​ທີ່​ຈະ​ເຊັນກົດໝາຍ ​ເພື່ອ​ອະນຸຍາດ​ໃຫ້ໃຊ້​ມາດຕະ​
ການ​ລົງ​ໂທດຣັດ​ເຊຍ​ຕື່ມ​ອີກ ສຳ​ຫລັບ​ບົດບາດ​ຂອງຣັດ​ເຊຍ​
ກ່ຽວ​ກັບວິ​ກິດ​ການ​ໃນ​ຢູ​ເຄຣນ.

ຮ່າງ​ກົດໝາຍດັ່ງ​ກ່າວ ຊຶ່ງ​ໄດ້ຖືກ​ຮັບ​ຜ່ານ ຈາກ​ສະພາ​ສູງ​
ເມື່ອ​ອາທິດ​ແລ້ວ​ນີ້ ຍັງ​ຈະ​ມອບ​ອຳນາດ​ໃຫ້​ປະທານາທິບໍດີ
ສະໜອງ​ການ​ຊ່ວຍ​ເຫຼືອ ທາງ​ດ້ານ​ທະຫານ ​ໂດຍ​ມີອາວຸດ​
ຮ້າຍ​ແຮງ ​ແລະ ​ທີ່​ບໍ່​ຮ້າຍ​ແຮງ ​ໃນ​ມູນ​ຄ່າ 350 ລ້ານດອນ​ລາ
​ໃຫ້​ແກ່​ລັດຖະບານຢູ​ເຄຣນ.

ການ​ຊ່ວຍ​ເຫຼືອອັນ​ທີ່​ມີ​ທ່າ​ແຮງ​ນັ້ນ ລວມມີ ອາວຸດ​ຕໍ່ຕ້ານ​ລົດ​ຖັງ ອາວຸດຍຸດໂທປະກອນ
ແລະເຮືອບິນ​ບໍ່​ມີຄົນຂັບ. ຮ່າງ​ກົດໝາຍດັ່ງ​ກ່າວ ຍັງ​ອຳນວຍ​ໃຫ້​ປະທານາທິບໍດີ ​ໃຊ້​ການ​
ລົງ​ໂທດ​ຊຸດ​ໃໝ່ ຕໍ່ຂະ​ແໜງ​ການ ​ປ້ອງ​ກັນ​ປະ​ເທດ ​ແລະພະລັງງານ ​ຕ່າງໆ​ຂອງຣັດ​ເຊຍ
ຖ້າ​ຫາກບັນດາ​ບໍລິສັດ​ ຂອງຣັດ​ເຊຍ ຂາຍ ຫຼື ສົ່ງ​ອຸປະກອນເຄື່ອງ​ໃຊ້ ​ໃນ​ດ້ານ​ທະຫານ
​ໄປ​ຍັງ​ຢູ​ເຄຣນ ຈໍ​ເຈຍ ​ໂມລ​ໂດ​ວາ ຫຼື ຊີ​ເຣຍ.

​ເຖິງ​ຢ່າງ​ໃດ​ກໍ​ຕາມ ການ​ຜ່ານກົດໝາຍດັ່ງ​ກ່າວ ບໍ່​ໄດ້​ເຮັດ​ໃຫ້ການ​ລົງ​ໂທດ​ຕ່າງໆ ຫຼື ການ
​ຊ່ວຍ​ເຫຼືອທາງ​ດ້ານ​ທະຫານ ​ເປັນ​ຂໍ້​ບັງຄັບ.

XS
SM
MD
LG