ລິ້ງ ສຳຫລັບເຂົ້າຫາ

logo-print

ປ. ໂອບາມາ ຈັບມືກັບ ປ. Castro ທີ່ກອງປະຊຸມ ສຸດຍອດ ປະເທດໃນທະວີບອາເມຣິກາ


Obama, Castro Shake Hands
please wait

No media source currently available

0:00 0:01:38 0:00

ປະທານາທິບໍດີສະຫະລັດ ທ່ານບາຣັກ ໂອບາມາ ແລະປະທານາ
ທິບໍດີຄິວບາ ທ່ານ Raul Castro ໄດ້ທັກທາຍກັນໃນຕອນແລງ
ວັນສຸກວານນີ້ແລະກໍຈັບມືກັນທີ່ກອງປະຊຸມສຸດຍອດຂອງບັນດາ ປະເທດໃນທະວີບອາເມຣິກັນ ທີ່ປານາມາ.

ພວກເຈົ້າໜ້າທີ່ຂອງລັດຖະບານທ່ານໂອບາມາກ່າວວ່າ ການທັກ
ທາຍລະຫວ່າງຜູ້ນຳທັງສອງແມ່ນມີຂຶ້ນແບບບໍ່ເປັນທາງການແລະ ກໍບໍ່ໄດ້ມີການຫາລືທີ່ມີເນື້ອຫາສາລະສຳຄັນໃດໆ.

ເປັນທີ່ຄາດກັນວ່າ ປະທານາທິບໍດີໂອບາມາ ແລະ ທ່ານ Castro
ຈະພົບປະກັນໃນວັນເສົາມື້ນີ້.

ທ່ານ Ban Ki-moon ເລຂາທິການໃຫຍ່ອົງການສະຫະປະຊາຊາດໄດ້ກ່າວຊົມເຊີຍພວກ ຜູ້ນຳທັງສອງ ໃນພິທີເປີດກອງປະຊຸມຢູ່ປານາມາ.

ທ່ານ Ban Ki-moon ກ່າວວ່າ “ອີກຄັ້ງນຶ່ງ ຂ້າພະເຈົ້າຂໍສັນລະເສີນ ການນຳພາຂອງປະ ທານາທິບໍດີໂອບາມາແຫ່ງສະຫະລັດແລະປະທານາທິບໍດີ Castro ທີ່ໄດ້ລິເລີ້ມການສ້າງ ຕັ້ງຄວາມສຳພັນແບບປົກກະຕິສອງຝ່າຍ.”

ທ່ານໂອບາມາ ກ່າວໃນຕອນເຊົ້າວັນສຸກວານນີ້ວ່າ ທ່ານມີຄວາມຍິນດີທີ່ຄິວບາ ໄດ້ມີໜ້າ ເປັນເທື່ອທຳອິດ ຢູ່ກອງປະຊຸມສຸດຍອດ.

ທ່ານກ່າວໃນຄຳປາໄສຕໍ່ພວກຜູ້ນຳຂອງກຸ່ມສັງຄົມພົນລະເຮືອນທີ່ກອງປະຊຸມສຸດຍອດຢູ່ ນະຄອນປານາມາຊີຕີ້ວ່າ ທ່ານຫວັງວ່າ ການດຳເນີນຄວາມພະຍາຍາມເພື່ອຟື້ນຟູຄວາມ ສຳພັນທາງດ້ານການທູດກັບຄິວບາ ຈະຊ່ອຍປັບປຸງຊີວິດການເປັນຢູ່ຂອງປະຊາຊົນຊາວ ຄິວບາໃຫ້ດີຂຶ້ນ.

Obama to Meet Raul Castro at Panama Summit
please wait

No media source currently available

0:00 0:02:35 0:00

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

ທ່ານອາດຈະມັກເລື້ອງນີ້ຄືກັນ

XS
SM
MD
LG