ລິ້ງ ສຳຫລັບເຂົ້າຫາ

logo-print

ປ. ໂອບາມາ ປູທາງສຳລັບ ສະຫະລັດ ເພື່ອສ້າງຄວາມ ດຸ່ນດ່ຽງ ໃນພາກພື້ນ ເອເຊຍ ປາຊີຟິກ


ປະທານາທິບໍດີ ບາຣັກ ໂອບາມາ ຂຶ້ນເຮືອບິນ Air Force One ທີ່ສະໜາມບິນສາກົນ Los Angeles. ວັນທີ 12 ກຸມພາ, 2016, ໃນນະຄອນ Los Angeles.

ປະທານາທິບໍດີ ສະຫະລັດ ທ່ານ ບາຣັກ ໂອບາມາ ຈະຫາທາງ
ສ້າງ ບົດບາດຂອງຕົນໃນການນຳພາຂອງ ອາເມຣິກາ ໃນພາກ
ພື້ນ ເອເຊຍ ປາຊິຟິກ ໃຫ້ເປັນກ້ອນເປັນໜ່ວຍຂຶ້ນຕຶ່ມ ສຳລັບ
ອີກຫຼາຍໆປີ ຂ້າງໜ້ານີ້ ເມື່ອທ່ານເປັນເຈົ້າພາບ ຕ້ອນຮັບແຂກ
ທັງໝົດຈາກສະມາຄົມປະເທດ ເອເຊຍຕາເວັນອອກສຽງໃຕ້ ຫຼື
ASEAN ໃນຣີສອດປະຫັວດສາດ Rancho Mirage ທີ່
Sunnyland, ລັດ ຄາລີຟໍເນຍ ໃນວັນຈັນ ແລະ ວັນອັງຄານມື້ນີ້. ນັກຂ່າວປະຈຳທຳນຽບ
ຂາວ Mary Alice Salinas ມີລາຍງານ ຈາກສະຖານທີ່ຈັດກອງປະຊຸມສຸດຍອດດັ່ງກ່າວ
ເຊິ່ງ ພຸດທະສອນ ຈະນຳລາຍລະອຽດມາສະເໜີທ່ານ.

ວາລະຂອງກອງປະຊຸມໃນສະຖານທີ່ທີ່ມີທີວທັດສວຍງາມແຫ່ງນີ້ ຈະບໍ່ເປັນທາງການ
ເທົ່າກັບ ກອງປະຊຸມສຸດຍອດຄັ້ງໃດໆ, ແຕ່ວ່າ ບັນດາຜູ້ນຳຈະຈັດການແກ້ໄຂ ບັນຫາ
ທີ່ສຸກເສີນ ແລະ ຫຍຸ້ງຍາກ ເຊິ່ງມີຄວາມສຳຄັນສຸດ ຕໍ່ແຜນຍຸດທະສາດ ຂອງສະຫະລັດ
ເພື່ອເຮັດໃຫ້ພາກ ພື້ນເອເຊຍ ປາຊີຟິກ ມີຄວາມດຸ່ນດ່ຽງຄືນ.

ສະຫະລັດ ເຫັນການດຳເນີນງານກັບບັນດາປະເທດ ອາຊຽນ ເປັນຄວາມສຳຄັນຍິ່ງ ຕໍ່
ຄວາມໝັ້ນຄົງ ແລະ ຈະເລີນຮຸ່ງເຮືອງໃນອະນາຄົດຂອງພວກເຂົາເຈົ້າ.

ພາກພື້ນເອເຊຍ ຕາເວັນອອກສຽງໃຕ້ແມ່ນກຳລັງ ປະສົບກັບການເຕີບໂຕຢ່າງວ່ອງໄວ
ແລະ ຄວາມເຄັ່ງຕຶງທີ່ເພີ່ມຂຶ້ນ. ຍ້ອນແນວນັ້ນທ່ານ ໂອບາມາ ຈະຮຽກຮ້ອງໃຫ້ບັນດາ
ຜູ້ນຳ ທັງຫຼາຍ ໃຫ້ຮອງຮັບເອົາກົດລະບຽບ ແລະ ຂໍ້ປະຕິບັດ ທີ່ຈະຮັບປະກັນ ໃຫ້ແຕ່ລະ
ປະເທດ ສາມາດປະຕິບັດຕາມຄວາມສົນໃຈ ຂອງພວກເຂົາເຈົ້າຢ່າງຖືກກົດໝາຍ ແລະ
ຢ່າງສັນຕິ.

ພະນັກງານຄົນໜຶ່ງກຳລັງຈັດກຽມຫ້ອງປະຊຸມ ສຳລັບກອງປະຊຸມສຸດຍອດ ອາຊຽນ ຈັດໂດຍປະທານາທິບໍດີ ສະຫະລັດ ທ່ານ ບາຣັກ ໂອບາມາ ທີ່ Sunnylands, ລັດ ຄາລີຟໍເນຍ. 15 ກຸມພາ 2015.
ພະນັກງານຄົນໜຶ່ງກຳລັງຈັດກຽມຫ້ອງປະຊຸມ ສຳລັບກອງປະຊຸມສຸດຍອດ ອາຊຽນ ຈັດໂດຍປະທານາທິບໍດີ ສະຫະລັດ ທ່ານ ບາຣັກ ໂອບາມາ ທີ່ Sunnylands, ລັດ ຄາລີຟໍເນຍ. 15 ກຸມພາ 2015.

​ທ່ານ Daniel Russel ແມ່ນຜູ້ຊ່ວຍຂອງລັດຖະມົນຕີການຕ່າງປະເທດ ສະຫະລັດ
ສຳລັບ ພາກພື້ນເອເຊຍຕາເວັນອອກ ແລະ ປາຊີຟິກ ກ່າວວ່າ “ບັນດາປະເທດ ອາຊຽນ
ເຊິ່ງຢູ່ຕິດກັນ ຈະຊ່ວຍໃຫ້ມີຄວາມໝັ້ນຄົງ ແລະ ການເຕີບໂຕ ທີ່ໄດ້ຖືກສ້າງຂຶ້ນ ອ້ອມ
ຂ້າງຄຳໝັ້ນສັນຍາ ທົ່ວໄປຕໍ່ກັບກົດລະບຽບ ແລະ ຕໍ່ຄວາມຍຸດຕິທຳ. ມັນອະນຸຍາດ
ໃຫ້ບັນດາປະເທດ ທີ່ສຳຄັນ ເຊັ່ນ ສະຫະລັດ, ປະເທດມະຫາອຳນາດອື່ນໆ, ເພື່ອຜູກ
ມັດເປັນຄູ່ຮ່ວມ ຢ່າງມີຜົນປະໂຫຍດຫຼວງຫຼາຍ. ມັນປ້ອງກັນ ເອເຊຍຕາເວັນອອກ
ສຽງໃຕ້ ຈາກການກາຍເປັນວົງອິດທິພົນ ຫຼື ກາຍເປັນສະໜາມຮົບ.”

ທຳນຽບຂາວ ໄດ້ອະທິບາຍວ່າ ພາກພື້ນນີ້ ເປັນດັ່ງກັບ “ໝາກຫົວໃຈ” ຂອງພາກພື້ນ
ເອເຊຍ ປາຊີຟິກ ແລະ ອາຊຽນ ເປັນດັ່ງກັບເວທີ ທີ່ດີເພື່ອສ້າງສາໂຄງລ່າງພື້ນຖານ
ເພື່ອຮັບມືກັບການແກ້ໄຂ ບັນຫາຕ່າງໆ.

ມີບັນຫາໜຶ່ງທີ່ກຳລັງສ້າງຄວາມເຄັ່ງຕຶງບາງຢ່າງທີ່ໃຫຍ່ທີ່ສຸດ ເຊິ່ງມັນແມ່ນບັນຫາຄວາມ
ຂັດແຍ້ງ ໃນທະເລ ຈີນໃຕ້, ມັນເປັນໜຶ່ງໃນເສັ້ນທາງ ທາງນ້ຳທີ່ມີການສັນຈອນ ຢ່າງໜາ
ແໜ້ນທີ່ສຸດໃນໂລກ.

The South China Sea Dispute
please wait

No media source currently available

0:00 0:00:59 0:00

ທ່ານ Ben Rhodes ຮອງຜູ້ຊີ້ນຳດ້ານຄວາມໝັ້ນຄົງແຫ່ງຊາດໄດ້ກ່າວວ່າ “ມັນຈະມີຜູ້ ກ່າວອ້າງເອົາເຂດແດນທີ່ແຕກຕ່າງຫຼາກຫຼາຍ. ພວກເຮົາບໍ່ມີຂໍ້ອ້າງອີງ, ດັ່ງນັ້ນ ຜົນ
ປະໂຫຍດແຫ່ງຊາດ ກໍແມ່ນເຫັນການແກ້ໄຂ ຄຳອ້າງອີກດັ່ງກ່າວນັ້ນ ໂດຍສອດຄ່ອງ
ກັບກົດໝາຍສາກົນ ທີ່ໄດ້ຖືກສ້າງຂຶ້ນມາ, ພວກວ່າ ຖ້າບໍ່ດັ່ງນັ້ນ ມັນກໍຈະເປັນກົດໝາຍ
ແຫ່ງປ່າດົງ. ມັນແມ່ນປະເທດໃຫຍ່ປະເທດໜຶ່ງ ຂົ່ມເຫັງປະເທດທີ່ນ້ອຍກວ່າ, ແລະນັ້ນ
ກໍແມ່ນວິທີ ທີ່ເຈົ້ານຳໄປສູ່ວົງຈອນຂອງຄວາມຂັດແຍ້ງ, ເຊິ່ງບໍ່ມີ ໃຜສົນໃຈກັບມັນ.”

ທຳນຽບຂາວກ່ຽວກັບ ຕົນຈະເຮັດໃຫ້ກະຈ່າງແຈ້ງວ່າ ຕົນຕໍ່ຕ້ານໃນສິ່ງທີ່ພວກເຂົາເຈົ້າເວົ້າ
ວ່າ “ການເຮັດສົງຄາມ” ຂອງຈີນ ໃນເຂດແດນທີ່ມີການຂັດແຍ້ງນັ້ນ ແລະ ວ່າ ສະຫະລັດ
ຈະສືບຕໍ່ປະຕິບັດການ “ເສລີພາບໃນການເດີນເຮືອ” ຢູ່ທີ່ນັ້ນ.

ສະຫະລັດ ຫວັງວ່າ ຈະສ້າງສາຍພົວພັນອັດເລິກເຊິ່ງທາງດ້ານການຄ້າ, ຫວັງທີ່ຈະໃຊ້
ການເຕີບໂຕທາງດ້ານເສດຖະກິດ ຂອງພາກພື້ນໃຫ້ເປັນປະໂຫຍດ.

ລູກສອນໄຟຂີປະນາວຸດ ໄລຍະໄກຂອງ ເກົາຫຼີເໜືອ ຖືກຍິງຂຶ້ນສູ່ອາກາດ ທີ່ສະຖານທີ່ປ້ອຍຈະຫຼວດ Sohae, ເກົາຫຼີໃຕ້. ພາບນີ້ໄດ້ມາຈາກ ອົງການຂ່າວ Kyodo. 5 ກຸມພາ 2016.
ລູກສອນໄຟຂີປະນາວຸດ ໄລຍະໄກຂອງ ເກົາຫຼີເໜືອ ຖືກຍິງຂຶ້ນສູ່ອາກາດ ທີ່ສະຖານທີ່ປ້ອຍຈະຫຼວດ Sohae, ເກົາຫຼີໃຕ້. ພາບນີ້ໄດ້ມາຈາກ ອົງການຂ່າວ Kyodo. 5 ກຸມພາ 2016.

ທ່ານ Ben Rhodes ກ່າວວ່າ “ທ່ານເຫັນບໍ່ ປະເທດຕ່າງໆທີ່ໄດ້ຈະເລີນຂຶ້ນ ຈາກເສດ
ຖະກິດ ທີ່ຂັບເຄື່ອນໂດຍພາກສ່ວນການບໍລິການ ທີ່ໄດ້ຖືກຂັບເຄື່ອນໂດຍ ການປະ
ກອບກິດຈະການ. ແລະ ຄວາມຮູ້ ແລະ ເທັກໂນໂລຈີ. ແລະ ສະຖານທີ່ພວກນີ້ ເປັນ
ບ່ອນທີ່ ສະຫະລັດ ສາມາດເພີ່ມຄຸນຄ່າໃຫ້ມັນໄດ້ ແທ້ໆ.”

ກອງປະຊຸມສຸດຍອດ ກໍຍັງຈະລວມມີການເຈລະຈາ ກ່ຽວກັບບັນຫາຕ່າງໆ ເຊັ່ນ ລັດທິຫົວ
ຮຸນແຮງ, ຄວາມປອດໄພທາງຄອມພິວເຕີ ແລະ ສະພາບອາກາດປ່ຽນແປງ.

ເຈົ້າໜ້າທີ່ຂອງລັດຖະບານ ກ່າວວ່າ ໂດຍການຈັດກອງປະຊຸມສຸດຍອດ ອາຊຽນ ຄັ້ງນີ້,
ທ່ານໂອບາມາ ຫວັງວ່າຈະໄດ້ພັດທະນາ ແຜນວຽກງານອັນໜຶ່ງ ສຳລັບ ປີສຸດທ້າຍ ໃນ
ການດຳລົງຕຳແໜ່ງຂອງທ່ານ ເພື່ອສືບຕໍ່ພະຍາຍາມ ສ້າງຄວາມດຸ່ນດ່ຽງ.

ແລະ ທ່ານກໍຫວັງວ່າ ມັນຈະສົ່ງຂໍ້ຄວາມ ໃຫ້ກັບລັດຖະບານ ທີ່ຈະມາ ຮັບໜ້າທີ່ ໃນອະ
ນາຄົດ ວ່າ ວຽກງານທີ່ມີລະດັບສູງແບບດຽວກັນນີ້ ແມ່ນເປັນທີ່ຕ້ອງການ ສຳລັບ ສະຫະ
ລັດ ເພື່ອຮັບປະກັນ ແລະ ຮັກສາບົດບາດການເປັນຜູ້ນຳ ຂອງພວກເຂົາເຈົ້າ.

U.S. President Barack Obama will seek to solidify America's leadership role in the Asia Pacific region for many years to come when he hosts all 10 Association of Southeast Asian Nations (ASEAN) at the historic Rancho Mirage retreat in Sunnylands, California, on Monday and Tuesday. White House correspondent Mary Alice Salinas is there and has this report.

The agenda at the picturesque site will be less formal, but leaders will tackle a range of critical and thorny issues central to the strategic U.S. rebalance to the Asia Pacific.

The U.S. sees its engagement with ASEAN countries as critical to its future security and prosperity.

Southeast Asia is experiencing explosive growth and rising tensions. That's why Obama will urge leaders to adopt a set of rules and principles that will ensure each country can pursue its interests legally and peacefully.

Daniel Russel is the Assistant U.S. Secretary of State for East Asian and Pacific Affairs says "a cohesive ASEAN helps secure stability and growth that is built around a common commitment to rules and to fairness. It allows major countries like the United States, other powers, to engage constructively as partners. It prevents Southeast Asia from becoming a sphere of influence or becoming a battlefield."

The White House describes the region as "the heart" of the Asia Pacific and ASEAN as a good forum to build an infrastructure to handle a range of issues.

One issue creating some of the greatest tensions -- territorial disputes in the South China Sea, one of the world's busiest maritime waterways.

Deputy national security advisor Ben Rhodes says "there are going to be different claimants. We don't have a claim, so our national interest is in seeing claims resolved consistent with established international law, because otherwise it's the law of the jungle. It's one big nation bullying a smaller nation, and that's how you lead to a cycle of conflict, which is in nobody's interest."

The White House says it will make clear it opposes what it says is China's "militarization" of disputed territories and that the U.S. will keep conducting "freedom of navigation" exercises there.

The U.S. hopes to deepen trade and commercial ties, hoping to tap into the region's robust economic growth.

Again, Ben Rhodes says "you see countries evolving into economies that are more service-sector driven, that are driven more by entrepreneurship, and intellectual capital and technology. And these are places where the United States can really add value."

The summit will also include talks about problems like violent extremism, cybersecurity and climate change.

Administration officials say by hosting the ASEAN summit, Obama hopes to develop a work plan for his final year in office to further the rebalance effort.

And he hopes it will also send a message to future administrations that the same high level of engagement is needed for the U.S. to secure and maintain its leadership role for decades to come.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ
XS
SM
MD
LG