ປະທານາທິບໍດີບາຣັກ ໂອບາມາ ແຫ່ງສະຫະຣັດ ຢາກຂຶ້ນພາ
ສີສຳລັບພວກຄົນອາເມຣກັນທີ່ຮັ່ງມີທີ່ສຸດ ແລະພວກບໍລິສັດ
ໃຫຍ່ທີ່ສຸດ ຊຶ່ງທ່ານວ່າ ຈະເຮັດໃຫ້ຄົນທີ່ມີລາຍໄດ້ພໍປານກາງ
ແຂງແຮງຂຶ້ນ.
ຂໍ້ສະເໜີ ທີ່ແຈ້ງໃຫ້ຊາບຢູ່ໃນຖະແຫຼງການຕໍ່ນັກຂ່າວຂອງທຳ
ນຽບຂາວ ເບິ່ງຄືວ່າຈະບໍ່ໄດ້ຮັບຜ່ານຈາກລັດຖະສະພາທີ່ຄອບ
ງຳໂດຍພັກ Republican ນັ້ນ ແຕ່ເປັນການສະແດງ ເພື່ອເນັ້ນ
ໜັກໃຫ້ເຫັນຄວາມແຕກຕ່າງກັນໃນພັກເດໂມແກຣັດ ແລະພັກ
Republican ໃນຂະນະທີ່ການໂຄ ສະນາຫາສຽງເລີ້ມຕົ້ນຂຶ້ນ
ສຳລັບການເລືອກຕັ້ງປະທານາທິບໍດີ ໃນປີ ໜ້າ.
ປະທານາທິບໍດີຈະປະກາດຂໍ້ສະເໜີເຫຼົ່ານີ້ໃຫ້ຮູ້ໃນວັນອັງຄານມື້ຮືນີ້ ໃນຄຳປາໄສຕໍ່ປະເທດຊາດທີ່ຕຶກລັດຖະສະພານັ້ນ.
ທ່ານໂອບາມາ ກ່າວວ່າ ທ່ານຢາກໃຫ້ໝັ້ນໃຈວ່າ ພວກຄົນຮັ່ງມີຈ່າຍສ່ວນແບ່ງໃນການ
ເສຍພາສີທີ່ຍຸຕິທຳ ໂດຍອັດຊ່ອງຫວ່າງໃນການໄດ້ ກຳໄລກ່ຽວກັບເງິນທີ່ມອບໝາຍໃຫ້
ພວກຄົນອື່ນນຳໄປລົງທຶນໃຫ້ນັ້ນ ຊຶ່ງທ່ານກ່າວວ່າ ອະນຸມັດໃຫ້ມີການຫຼີກລ້ຽງເສຍພາ
ສີເປັນເງິນຈຳນວນ ຫຼາຍຮ້ອຍຕື້ດອນລາໃນແຕ່ລະປີນັ້ນ.
ນອກນັ້ນທ່ານຍັງສະເໜີໃຫ້ຂຶ້ນພາສີລາຍໄດ້ສຳລັບການລົງທຶນນັ້ນເປັນ 28 ເປີເຊັນ ຊຶ່ງທ່ານໃຫ້ຂໍ້ສັງເກດວ່າ ນັ້ນເປັນອັດຕາເມື່ອຫຼາຍທົດສະວັດຜ່ານມາ ພາຍໃຕ້ມື້ລາງປະທາ
ນາທິບໍດີ Ronald Reagan ຫົວນິຍົມແນວທາງເດີມ ສັງກັດພັກ Republican ນັ້ນ.
ນອກນັ້ນ ປະທານາທິບໍດີຍັງຢາກໃຫ້ພວກບໍລິສັດການເງິນໃຫຍ່ໆຈ່າຍພາສີໃນອັນທີ່ທ່ານກ່າວວ່າ ສ່ວນແບ່ງທີ່ຍຸຕິທຳໃນການເສຍພາສີ ໂດຍສະເໜີເກັບຄ່າທຳນຽມພວກບໍລິສັດເຫຼົ່ານັ້ນເຊັ່ນກັນຊຶ່ງຈະເຮັດໃຫ້ພວກບໍລິສັດເຫຼົ່ານີ້ ໃຊ້ຈ່າຍເງິນຫຼາຍຂຶ້ນ ເພື່ອທຳການ
ກູ້ຢືມເງິນຢ່າງຫຼວງຫຼາຍນັ້ນ.
ໃນຂະນະດຽວກັນພວກຄະນະນຳພາຂອງພັກ Republican ເຄີຍກ່າວມາວ່າ ພວກເຂົາເຈົ້າເຫັນດີນຳຄວາມປາດຖະໜາຂອງປະທານາທິບໍດີເພື່ອປະຕິຮູບກົດລະບຽບພາສີທີ່ຊັບຊ້ອນຂອງປະເທດນັ້ນ ແຕ່ພວກເຂົາເຈົ້າໄດ້ຄັດຄ້ານມາເປັນເວລາດົນນານຕໍ່ຂໍ້ສະເໜີຫຼາຍຢ່າງທີ່ປະທານາທິ ບໍດີຈະປະກາດອອກມາໃຫ້ຮູ້ ໃນແລງວັນອັງຄານມື້ຮືນີ້. ດັ່ງໂຕຢ່າງ ພວກສະມາຊິກພັກ Republican ສ່ວນຫຼາຍຢາກລົດຄ່າພາສີລົງ ຫຼືລົບລ້າງການເສຍພາສີຈາກເງິນກຳໄລທີ່ໄດ້ມາ ແລະຄ້າຍຄືກັນຢາກລົບລ້າງພາສີສຳລັບຊັບສິນທີ່ດິນ
ບໍ່ຢາກຂະຫຍາຍອອກໄປ.
