ລິ້ງ ສຳຫລັບເຂົ້າຫາ

logo-print

ປ. ໂອບາມາ ຈະໃຊ້ອຳນາດ ບໍລິຫານ ປ້ອງກັນ ຊາຍແດນ ທາງໃຕ້ ຂອງ ສຫລ (ວີດີໂອ ພາສາລາວ/ອັງກິດ)


ເບິ່ງວີດີໂອ ພາສາອັງກິດ ກ່ຽວກັບລາຍງານນີ້.

ປະທານາທິບໍດີສະຫະລັດ ທ່ານບາຣັກ ໂອບາມາ ເອີ້ນການຫຼັ່ງໄຫຼ
ເຂົ້າມາ ເປັນຈຳນວນຫຼວງຫຼາຍ ຂອງພວກເດັກນ້ອຍ ທີ່ບໍ່ມີພໍ່ແມ່ຫຼື
ຜູ້ປົກຄອງຕິດຕາມມານຳ ໃນເຂດຊາຍແດນທາງພາກຕາເວັນຕົກ ສຽງໃຕ້ຂອງສະຫະລັດນັ້ນວ່າ ເປັນວິກິດການທາງດ້ານມະນຸດສະ
ທຳ ຊຶ່ງສ່ວນໃຫຍ່ແລ້ວ ແມ່ນມີຂຶ້ນຍ້ອນ ລະບົບຄົນເຂົ້າເມືອງທີ່ມີ
ຊ່ອງໂຫວ່ ຂອງ​ປະ​ເທດ. ທ່ານປະທານາທິບໍດີ ໄດ້ຖິ້ມໂທດໃສ່ສະ
ມາຊິກລັດຖະສະພາພັກຣີພັບບລີກັນທີ່ໄດ້ຂັດຂວາງການດຳເນີນ
ຄວາມພະຍາຍາມ ທີ່ຈະປະຕິຮູບກົດໝາຍຄົນເຂົ້າເມືອງແລະເວົ້າ
ວ່າທ່ານຈະໃຊ້ອຳນາດຂອງຝ່າຍບໍລິຫານເພື່ອປົກປ້ອງຊາຍແດນ
ຂອງສະຫະລັດ. Zlatica Hoke ມີລາຍງານເລື່ອງນີ້ ດັ່ງ ໄພສານ
ຈະນຳມາສະເໜີທ່ານ ເຊີນຮັບຟັງໄດ້.

ເບິ່ງວີດີໂອ ພາສາລາວ ກ່ຽວກັບລາຍງານນີ້:

ມີພວກເດັກນ້ອຍ ຫລາຍໆຮ້ອຍຄົນ ທີ່ບໍ່ມີພໍ່ແມ່ ຕິດຕາມມານຳ ຈາກເຂດອາເມຣິກາກາງ ເດີນທາງມາເຖິງຊາຍແດນຂອງສະຫະລັດ ໃນແຕ່ລະມື້ ໂດຍຫວັງວ່າຈະໄດ້ຮັບອະນຸຍາດ ໃຫ້ເຂົ້າມາຢູ່ໃນປະເທດນີ້. ພວກເຂົາເຈົ້າ​ເຮັດໃຫ້ລະບົບຄົນເຂົ້າເມືອງຮັບມືນຳຈົນບໍ່ໄຫວ ​ເພາະວ່າ​ພວກ​ເຈົ້າ​ໜ້າທີ່ຕ້ອງໄດ້ລົງ ຄວາມເຫັນວ່າ ເຂົາເຈົ້າມີພື້ນຖານທີ່ຈະຢູ່ໃນປະເທດນີ້ ໄດ້ຫລືບໍ່ ກ່ອນທີ່ຈະເນລະເທດພວກເຂົານັ້ນ.

ປະທານາທິບໍດີໂອບາມາເວົ້າວ່າ “ບັນຫາກໍມີຢູ່ວ່າ ລະບົບຂອງພວກເຮົາມີຊ່ອງໂຫວ່
ຫຼາຍ ມີຄວາມບໍ່ຈະແຈ້ງ ຈົນ​ພວກ​ເຈົ້າ​ໜ້າ​ທີ່ບໍ່ຮູ້ຈັກວ່າ ແມ່ນຫຍັງຄືກົດລະບຽບ.”

ປະທານາທິບໍດີໂອບາມາ ກ່າວໃນມື້ວັນຈັນ ຜ່ານມານີ້ວ່າ ພວກລັກລອບສົ່ງຄົນພວກລັກ ລອບຄ້າມະນຸດ ແລະກຸ່ມອາດຊະຍາກຳທີ່ເປັນອັນຕະລາຍອື່ນໆໄດ້ໃຊ້ຄວາມສັບສົນກ່ຽວ ກັບລະບົບກວດຄົນເຂົ້າເມືອງຂອງສະຫະລັດລັກລອບສົ່ງຜູ້ຄົນແລະສິນຄ້າຂ້າມຊາຍແດນ ເຂົ້າມາ. ທ່ານເວົ້າວ່າພວກຄົນເຂົ້າເມືອງຜິດກົດໝາຍ ແລະທຸລະກິດຕ່າງໆທີ່ໃຊ້ພວກເຂົາ ແມ່ນເປັນໄພອັນຕະລາຍຕໍ່ເສດຖະກິດແລະແຮງງານຂອງສະຫະລັດ. ທ່ານໄດ້ກ່າວໂຈມຕີ ສະມາຊິກຂອງພັກຣີພັບບລີກັນຢູ່ໃນສະພາຕ່ຳທີ່ໄດ້ຂັດຂວາງ ບໍ່ໃຫ້ມີການລົງຄະແນນສຽງ ກ່ຽວກັບຮ່າງກົດໝາຍ ປະຕິຮູບຄົນເຂົ້າເມືອງ ທີ່ແນໃສ່ ເພື່ອປົກປ້ອງຄຸ້ມຄອງເສດຖະກິດ ແລະອະນຸຍາດໃຫ້ພວກຄົນເຂົ້າເມືອງຈຳນວນນຶ່ງ ໄດ້ຮັບສັນຊາດນັ້ນ. ທ່ານກ່າວວ່າ ສະຖາ ນະການໃນປັດຈຸບັນນີ້ ກຳລັງບີບບັງຄັບໃຫ້ທ່ານ ຕ້ອງໄດ້ດຳເນີນການຕາມລຳພັງ ແຕ່ພຽງ ຜູ້ດຽວ.

ປະທານາທິບໍດີໂອບາມາເວົ້າວ່າ “ໃນບາດກ້າວອັນທຳອິດ ຂ້າພະເຈົ້າໄດ້ສັ່ງໃຫ້ລັດ ຖະມົນຕີກະຊວງຮັກສາຄວາມປອດໄພພາຍໃນ ທ່ານ Jeh Johnson ແລະ ລັດ ຖະມົນຕີກະຊວງຍຸຕິທຳ ທ່ານ Eric Holder ຍົກຍ້າຍຊັບພະຍາກອນທີ່ມີຢູ່ ແລະ ທີ່ເໝາະສົມ ຈາກພາຍໃນປະເທດ ໄປຍັງເຂດຊາຍແດນ. ການປ້ອງກັນຄວາມ ປອດໄພຂອງສາທາລະນະຊົນ ແລະການເນລະເທດພວກອາດຊະຍາກອນ ທີ່ ເປັນອັນຕະລາຍແມ່ນ​ໄດ້ເປັນແລະຍັງສືບຕໍ່ເປັນບູລິມະສິດ ແຕ່ພວກເຮົາຈະເພັ່ງ ເລັງຄວາມພະຍາຍາມ ຂອງພວກເຮົາໃໝ່ ​ໃສ່ບ່ອນທີ່ພວກເຮົາ ສາມາດ​ເຮັດໄດ້ ເພື່ອໃຫ້ເປັນທີ່ແນ່ໃຈວ່າ ພວກເຮົາໄດ້ດຳເນີນການໃນສິ່ງທີ່ຕ້ອງໄດ້ເຮັດເພື່ອໃຫ້ ຊາຍແດນຂອງພວກເຮົາ ມີຄວາມປອດໄພ.”

ມີພວກເດັກນ້ອຍຫລາຍກວ່າ 52,000 ຄົນ ໄດ້ເດີນທາງມາເຖິງພາກໃຕ້ຂອງລັດເທັກຊັສ ນັບແຕ່ເດືອນຕຸລາ 2013 ມາ​ຮອດທ້າຍ​ເດືອນ​ມິຖຸນາ 2014 ນີ້ ເຮັດໃຫ້ສູນຄຸມຂັງຕ່າງໆ ຢູ່ຕາມເຂດຊາຍແດນເຕັມໄປໝົດ. ຊາວອາເມຣິກັນບາງຄົນ ໄດ້ຖິ້ມໂທດໃສ່ລັດຖະບານ ກ່ຽວກັບການຫຼັ່ງໄຫຼມາຂອງພວກເດັກນ້ອຍ​ເຫຼົ່ານີ້ ທີ່​ມາຈາກກວາເຕມາລາ ຮອນດູຣາສ ແລະແອລຊາລວາດໍ.

ທ່ານ Greg Abbot ຫົວໜ້າພະແນກຍຸຕິທຳຂອງລັດເທັກຊັສ ກ່າວວ່າ “ສ່ວນນຶ່ງແມ່ນວິ ກິດການດ້ານມະນຸດສະທຳ ຍ້ອນນະໂຍບາຍຂອງປະທານາທິບໍດີແມ່ນລໍ້ລວງໃຫ້ ພວກເດັກນ້ອຍເຫຼົ່ານີ້ ພາກັນສ່ຽງຊີວິດເພື່ອເດີນທາງມາແຕ່ອາເມຣິກາກາງ ເພື່ອ ມາຍັງລັດເທັກຊັສ.”

ສ່ວນລັດຖະບານສະຫະລັດ ໄດ້ຖິ້ມໂທດສະຖານະການດັ່ງກ່າວໃສ່ກົດໝາຍສະບັບນຶ່ງທີ່ ໄດ້ມີການຮັບຮອງເອົາ ພາຍໃຕ້ລັດຖະບານ ປະທານາທິບໍດີ Bush ທີ່ບອກວ່າ ບໍ່​ໃຫ້ສົ່ງ ພວກເດັກນ້ອຍກັບຄືນບ້ານໃນທັນທີ. ປະທານາທິບໍດີໂອບາມາ ຕ້ອງການທີ່ຈະປ່ຽນແປງ ກົດໝາຍດັ່ງກ່າວ. ທ່ານໄດ້ຮ້ອງຂໍເງິນຈາກສະພາຫລາຍກວ່າ 2 ພັນລ້ານໂດລາເພື່ອແກ້ ໄຂວິກິດການນີ້.

ໃນລະຫວ່າງການເດີນທາງໄປຢ້ຽມຢາມເຂດຊາຍແດນທີ່ລັດອາຣິໂຊນານັ້ນ ລັດຖະມົນຕີ ຮັກສາຄວາມປອດໄພພາຍໃນຂອງສະຫະລັດ ທ່ານ Jeh Johnson ຮຽກຮ້ອງໃຫ້ລັດຖະ ບານຂອງບັນດາປະເທດໃນເຂດອາເມຣິກາກາງ ຊ່ວຍຍຸດຕິການຫລັ່ງ​ໄຫຼລມາ​ຂອງ​ພວກ​ເດັກນ້ອຍ.

ທ່ານ Johnson ເວົ້າວ່າ “ເນື້ອໄນໃຈຄວາມໂດຍລວມຂອງຂ້າພະເຈົ້າ ກໍຄືວ່າ ມັນ ບໍ່ປອດໄພທີ່ຈະສົ່ງລູກເຕົ້າຂອງພວກເຈົ້າ ເດີນທາງມາໄກເຖິງ 1,600 ຫຼັກກິໂລ
ແມັດ ຜ່ານເຂົ້າໄປໃນເມັກຊິໂກ ແລະໄປຫາພາກໃຕ້ຂອງລັດເທັກຊັສ. ຖ້າທ່ານ ຫາກເປັນພໍ່ແມ່ ທີ່ຄິດຈະປ່ອຍ​ລູກ​ມາ​ນັ້ນ ຂໍ​ໃຫ້​ຮູ້​ວ່າ ການຍົກເວັ້ນ ການດຳເນີນ ການຕໍ່ພວກເດັກນ້ອຍ ທີ່ມາເຖິງ ແມ່ນບໍ່ມີແລ້ວ ສຳລັບພວກລູກເຕົ້າ ຂອງທ່ານ. ການປະຕິຮູບລະບົບຄົນເຂົ້າເມືອງໃນຂອບເຂດທີ່ກວ້າງຂວາງ ການໄດ້ຮັບເສັ້ນ

ທາງ ໄປສູ່ການເປັນພົນລະເມືອງ ຈະບໍ່ມີ ສຳລັບພວກລູກເຕົ້າ ຂອງພວກທ່ານ.
ມັນເປັນ ການເດີນທາງທີ່ເປັນອັນຕະລາຍ ແລະກໍອັນຕະລາຍຫຼາຍ.”

ປະທານາທິບໍດີໂອບາມາເວົ້າວ່າ ການເອົາບາດກ້າວຂອງລັດຖະບານຈະເພີ້ມການຮັກສາ ຄວາມປອດໄພ ຢູ່ໃນເຂດຊາຍແດນ ແຕ່ບັນຫາໂດຍລວມ ກ່ຽວກັບເລື່ອງຄົນເຂົ້າເມືອງທີ່ ຜິດກົດໝາຍແມ່ນ​ຈະບໍ່ສາມາດແກ້ໄຂ​ໄດ້ ໂດຍປາດສະຈາກການເຄື່ອນໄຫວຂອງລັດຖະ ສະພາ.

ວີດີໂອ: ພັກຣີພັບບລິກັນຖິ້ມໂທດ ໃສ່ລັດຖະບານໂອຍາມາວ່າ ເຮັດໃຫ້ເດັກນ້ອຍຫຼັ່ງໄຫຼ ເຂົ້າປະເທດ:

U.S. President Barack Obama has called the influx of unaccompanied immigrant children on the southwestern border of the United States a humanitarian crisis caused for the most part by the country's broken immigration system. The president has blamed Republican lawmakers for blocking his efforts to reform the immigration law, and said he will use an executive action to protect U.S. borders. Zlatica Hoke has more.]]

Hundreds of unaccompanied children from Central America are arriving daily on the U.S. border, hoping to gain entry. They are flooding the immigration system, which must determine whether they have grounds to stay in the country legally before they are deported.

"The problem is that our system is so broken, so unclear, that folks don't know what the rules are."

President Obama said Monday that smugglers, traffickers and other dangerous criminals use the confusion in the U.S. immigration system to traffic people and goods across the border. He said illegal immigrants and businesses that use them harm the U.S. economy and labor. He lashed out at Republicans in the House of Representatives for blocking a vote on an immigration reform bill, aimed at protecting the economy and allowing some illegal immigrants to gain citizenship. He said the current situation is forcing him to act on his own.

"As a first step, I am directing the secretary of homeland security [[Jeh Johnson]] and the attorney general [[Eric Holder]] to move available and appropriate resources from our interior to the border. Protecting public safety and deporting dangerous criminals has been and will remain the priority, but we are going to refocus our efforts where we can to make sure that we do what it takes to keep our borders secure."

More than 52,000 children have arrived in south Texas since October, filling border detention facilities to capacity. Some Americans blame the administration for the flood of children from Guatemala, Honduras and El Salvador.

"It's in part a humanitarian crisis because presidential policies are enticing children to risk their lives to travel from Central America to the state of Texas."

The administration blames the situation on a law passed under the Bush administration that says the children cannot be immediately sent back to their homes. President Obama wants to change that law. He is asking Congress for more than $ 2 billion to address the crisis.

During a visit to the border in Arizona, U.S. Secretary of Homeland Security Jeh Johnson called on Central American governments to help stop the practice.

"My overall message is that it is not safe to send your child on the over 1,000-mile [[1,600-kilometer]] journey into Mexico and into South Texas. If you are a parent considering doing this, DACA [Deferred Action for Child Arrivals] is not available for your child. Comprehensive immigration reform, the earned path to citizenship, is not available for your child. It is a dangerous, dangerous journey."

President Obama said his executive action will boost border security, but that the overall problem of illegal immigration cannot be solved without congressional action.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ
XS
SM
MD
LG