ປະທານາທິບໍດີ Barack Obama ກ່າວວ່າ ມັນຍັງມີໂອກາດຢູ່ ໃນ ການເຮັດຂໍ້ຕົກລົງ
ກ່ຽວກັບການຄວບຄຸມອາວຸດກັບຣັດເຊຍນັ້ນ.
ຫລັງຈາກການສົນທະນາກັນກັບປະທານາທິບໍດີ Dmitry Medvedev ທີ່ກອງປະຊຸມສຸດ
ຍອດນິວເຄລຍ ທີ່ກຸງໂຊລ ໃນວັນຈັນມື້ນີ້ ທ່ານ Obama ກ່າວວ່າ ທັງສອງປະເທດສາ
ມາດສືບຕໍ່ທໍາຄວາມກ້າວໜ້າ ໄປສູ່ການຕັດອາວຸດນິວເຄລຍ ທີ່ຍັງມີຢູ່ນັ້ນລົງ.
ທ່ານກ່າວອີກວ່າ ທ່ານມີແຜນຈະພະຍາຍາມເຈລະຈາໃຫ້ມີການຕັດລົງ ອີກຮອບນຶ່ງ ກັບ
ທ່ານ Vladimir Putin ທີ່ຖືກເລືອກຕັ້ງໃຫ້ເປັນປະ ທານາທິບໍດີ ຄົນຕໍ່ໄປຂອງຣັດເຊຍນັ້ນ.
ທ່ານໂອບາມາເອິ້ນສົນທິສັນຍາລົດອາວຸດຍຸທະສາດ START ສະບັບ ໃໝ່ກັບຣັດເຊຍ ທີ່
ໄດ້ຖືກຮັບຮອງເອົາໃນປີ 2010 ນັ້ນວ່າ ເປັນ ຂໍ້ຕົກ ລົງຄວບຄຸມອາວຸດສະບັບຮອບດ້ານ
ທີ່ສຸດ ໃນ 20 ປີທີ່ຜ່ານມາ.
ຢ່າງໃດກໍຕາມ ຄວາມຂັດແຍ້ງກັນຍັງຄົງມີຢູ່ ລະຫວ່າງສະຫະລັດກັບ ຣັດເຊຍ ກ່ຽວກັບ
ບັນຫາທີ່ສໍາຄັນໆເຊ່ນ ເລື້ອງຊີເຣຍ ແລະແຜນການຂອງສະຫະລັດ ທີ່ຈະຕິດຕັ້ງລະບົບ
ປ້ອງກັນລູກສອນໄຟໃນຢູໂຣບ.
ແຕ່ເຖິງແມ່ນມີການບໍ່ເຫັນພ້ອມນໍາກັນກໍຕາມ ປະທານາທິບໍດີ Medvedev ກໍກ່າວໃນມື້ນີ້
ວ່າຄວາມສໍາພັນລະຫວ່າງສະຫະລັດກັບ ຣັດເຊຍ ແມ່ນຢູ່ໃນຂັ້ນດີທີ່ສຸດ ໃນຮອບ 10 ປີ.