ລິ້ງ ສຳຫລັບເຂົ້າຫາ

logo-print

ປະທານາທິບໍດີ ໂອບາມາ ພົບປະກັບ ພວກຫົວໜ້າ ບໍລິສັດໃຫຍ່ໆ (ວີໂອເອ ພາສາລາວ/ອັງກິດ)


ລິງໂດຍກົງ

ເບິ່ງວີດີໂອ ກ່ຽວກັບເລື້ອງນີ້

ປະທານ​າ​ທິບໍດີ ບາຣັກ ​ໂອ​ບາ​ມາ ​ໄດ້​ພົບປະ​ກັບ​ບັນດາ​ຫົວໜ້າ
ບໍລິ​ຫານ​ ​ບໍລິສັດ​ອາ​ເມຣິກັນຊັ້ນ​ນຳໜ້າ​ຈຳນວນ​ນຶ່ງ ​ໃນ​ວັນ​ສຸກ
​ສັບປະດາ​ແລ້ວ​ນີ້ ທີ່​ທຳນຽບຂາວ ​ເພື່ອ​ໂອ້​ລົມ​ສົນທະນາ​ກັນ​
ເລື້ອງ​ຄຳ​ໝັ້ນ​ໝາຍ​ທີ່ພວກ​ບໍລິສັດ​ຂອງພວກ​ເຂົາ​ເຈົ້າໄດ້ໃຫ້​ໄວ້ ​
ເພື່ອ​ຊ່ອຍ​ພວກ​ຄົນທີ່​ຫວ່າງ​ງານມາ​ເປັນ​ເວລາ​ດົນ​ນານ ​ໃຫ້​ໄດ້​
ມີວຽກ​ມີ​ການ​ເຮັດນັ້ນ. ອີງ​ຕາມລາຍ​ງານຂອງຜູ້​ສື່​ຂ່າວ​ວີ​ໂອ​ເອ
ປະຈຳ​ທຳນຽບຂາວ ນາຍ Dan Robinson ນັ້ນ ທຳນຽບຂາວ
​ກ່າວ​ວ່າ 300 ບໍລິສັດໄດ້​ຮັບປາກ​ທີ່​ຈະເຮັດພາກສ່ວນ​ຂອງ​
ພວກ​ຕົນ. ສິງມີ​ລາຍລະອຽດມາສະ​ເໜີ​ທ່ານ.

ລິງໂດຍກົງ

ເບິ່ງວີດີໂອ ພາສາລາວ ກ່ຽວກັບລາຍງານນີ້:


ໃນ​ລາຍ​ງານ​ປະຈຳ​ປີ​ຕໍ່​ລັດຖະສະພາ​ ກ່ຽວ​ກັບສະພາບ​ການ​ຂອງ​ປະ​ເທດ​ຊາດ ​ເມື່ອເດືອນ
​ແລ້ວ​ນີ້ ປະທາ​ນາ​ທິບໍດີ ​ໂອ​ບາ​ມາ​ ໄດ້​ເວົ້າ​ເຖິງ​ຄວາມຈຳເປັນ ທີ່​ຈະ​ຕ້ອງ​ຊ່ອຍ​ເຫຼືອພວກຜູ້
​ຄົນ​ທີ່​ຫວ່າງ​ງານ​ມາ​ເປັນ​ເວລາ​ດົນ​ນານ ​ໃຫ້​ມີ​ອັນ​ທີ່​ທ່ານ​ເອີ້ນ​ວ່າ ​ໂອກາດອັນ​ດີ​ສົມຄວນ ​
ໃນ​ການ​ທີ່​ຈະ​ຫາ​ວຽກ​ເຮັດ​ໄດ້.

ທ່ານ​ໂອ​ບາ​ມາ ກ່າວ​ວ່າ: “​ໃນ​ແລງ​ມື້​ນີ້ ຂ້າພະ​ເຈົ້າ​ຂໍ​ຮ້ອງ​ໃຫ້​ຜູ້ນຳ​ທຸລະ​ກິດ​ໃນ
​ອາ​ເມຣິກາທຸກໆ​ຄົນ ຈົ່ງ​ມາຮ່ວມກັບ​ພວກເຮົາ​ແລະ​ເຮັດແບບ​ດຽວ​ກັນ ​ເພາະວ່າ
​ພວກ​ເຮົາ​ແຂງ​ແຮງ​ຂຶ້ນ ​ເວລາ​ທີ່ອາ​ເມຣິກາ​ມີ​ຄົນ​ເຮັດ​ວຽກ​ນຳ​ກັນ​ເຕັມ​ຄະນະ.”


ເມື່ອ​ວັນ​ສຸກອາທິດ​ແລ້ວ​ນີ້ ທ່ານ​ໂອ​ບາ​ມາ​ ໄດ້​ພົບ​ປະ​ກັບ​ພວກ​ຫົວໜ້າ​ບໍລິຫານ ຫລື CEO
ຂອງປະມານ 300 ບໍລິສັດ ຮວມທັງ​ບໍລິສັດ McDonald’s, Boeing ແລະທະນາເອກະຊົນ
Bank of America ທີ່​ທຳນຽບຂາວ​ກ່າວ​ວ່າ ໄດ້ໃຫ້​ຄຳ​ໝັ້ນ​ໝາຍທີ່​ຈະ​ປະຕິບັດ​ການຢ່າງ​ດີ
​ທີ່​ສຸດ ໃນ​ການ​ວ່າ​ຈ້າງ​ພວກ​ຄົນ​ຫວ່າງ​ງານ​ເຫຼົ່າ​ນັ້ນ. ​ເວົ້າ​ໃນ​ອີກ​ໄນ​ນຶ່ງ​ກໍ​ແມ່ນວ່າ ພວກເຂົາ
​ເຈົ້າ​ໄດ້​ຮັບ​ປາກ​ວ່າ ຈະ​ແກ້​ໄຂ​ໃໝ່​ວິທີ​ການ​ວ່າ​ຈ້າງ​ແຮງ​ງານ​ຂອງ​ຕົນ ​ເພື່ອ​ຮັບປະກັນ​ວ່າ
ພວກ​ທີ່​ບໍ່​ມີ​ວຽກເຮັດ​ມາ​ເປັນ​ເວລາ​ດົນ​ນານ ຈະ​ໄດ້​ຮັບ​ໂອກາດ​ມີ​ວຽກ​ການ​ເຮັດ​ຄືນໃໝ່ອີກ.

ພວກ​ທີ່​ຫວ່າງ​ງານ​ມາ​ເປັນ​ເວລາ​ດົນ​ນານ ​ແມ່ນ​ພວກ​ທີ່​ບໍ່​ມີວຽກ​ເຮັດ​ມາ​ໄດ້ 27 ອາທິດຫຼື​ດົນ
​ກວ່ານັ້ນ ຊຶ່ງລັດຖະບານ​ກ່າ​ວວ່າ ໃນປັດຈຸບັນ​ນີ້ແມ່ນ​ມີ​ຈຳນວນຢູ່ 3 ລ້ານ 9 ​ແສນ​ຄົນ ຊຶ່ງ​
ເປັນ​ຈຳນວນ​ເກືອບ​ເທົ່າ​ກັບ 40 ​ເປີ​ເຊັນ​ຂອງ​ພວກຄົນ​ຫວ່າງ​ງານ​ທັງ​ໝົດ ​ໃນ​ສະຫະລັດ.

ອະດີດ​ທະຫານ​ລາບ Erik Varela ​ທີ່​ເປັນ​ຜູ້​ກ່າວ​ສະ​ເໜີ​ທ່ານ​ໂອ​ບາ​ມາ ​ໃນ​ງານ​ນຶ່ງທີ່
ກ່ຽວຂ້ອງ​ກັນ ຢູ່​ທໍານຽບຂາວ ​ເມື່ອວັນ​ສຸກ​ຜ່ານ​ມານັ້ນ ​ໄດ້​ກ່າວ​ເຖິງ ປະສົບ​ການກ່ຽວ​ກັບ​
ການ​ຫວ່າງ​ງານ​ມາ​ເປັນ​ເວລາ​ດົນ​ນານ​ຂອງ​ລາວ ວ່າ:

ນາຍ Varela ​ເວົ້າ​ວ່າ: “ຂ້າພະ​ເຈົ້າໂຊກ​ບໍ່ດີ ​ແຕ່​ຂ້າພະ​ເຈົ້າ​ກໍມີ​ແຮງ​ດົນ​ໃຈຢາກ​
ຈະ​ເຮັດ​ວຽກ ​ແລະ​ຕ້ອງການ​ເຮັດວຽກ ແລະຂ້າພະ​ເຈົ້າ​ຮູ້ວ່າ ຂ້າພະ​ເຈົ້າ​ສາມາດ
​ຊ່ອຍ​ສັງຄົມ​ໄດ້ ຄື​ກັນ​ກັບ​ທີ່​ຂ້າພະ​ເຈົ້າ​ໄດ້​ເຮັດ​ມາ​ເວລາ​ຂ້າພະ​ເຈົ້າ​ຮັບ​ໃຊ້​ໃນ​
ກອງທັບ.​ ແຕ່​ຂ້າພະ​ເຈົ້າ​ຮູ້ສຶກວ່າ ​ໂຕ​ເອງ​ເຮັດ​ຫຍັງບໍ່​ໄດ້ເລີຍ ຄື​ກັນ​ກັບ​ຄົນ​ຫລົງ​
ທາງ ​ແລະ​ທີ່ສຳຄັນ​ກວ່າ​ນັ້ນ ​ກໍ​ແມ່ນ​ຂ້າພະ​ເຈົ້າເປັນ​ຄວາມ​ຜິດ​ຫວັງ ແລະ​ຄວາມ
​ລົ້ມ​ແຫຼວ ສຳລັບ​ຄອບຄົວ​ຂອງ​ຂ້າພະ​ເຈົ້າ.”


ນາຍ Varela ​ໄດ້​ຮັບ​ການ​ຝຶກ​ງານ​ຄືນ​ໃໝ່ ​ແລະ​ເວລາ​ນີ້ ​ກໍ​ມີ​ວຽກ​ເຮັດ​ແລ້ວ​.

ປະທານາທິບໍດີ​ໂອ​ບາ​ມາ ​ເອີ້ນ​ເລື້ອງ​ລາວ​ຂອງ ນາຍ Varela ​ວ່າ ເປັນ​ເລື້ອງ​ຂອງ​ຄວາມ
​ສຳ​ເລັດ ​ແ​ແຕ່​ກໍ​ເປັນ​ເລື້ອງ​ທີ່​ສະ​ແດງ​ໃຫ້​ເຫັນ​ການ​ທ້າ​ທາຍ​ເຊັ່ນ​ກັນ.

​ທ່ານ​ໂອ​ບາ​ມາ ກ່າວ​ວ່າ: “ພວກຄົນ​ທີ່​ຫວ່າງ​ງານ​ມາ​ເປັນ​ເວລາ​ດົນ​ທີ່​ສຸດນັ້ນ ມັກ​ຈະ​
ປະ​ເຊີນ​ກັບ​ຄວາມ​ຫຍຸ້ງຍາກ​ຫຼາຍ​ທີ່​ສຸດ​ ​ໃນ​ການກັບ​ຄືນ​ມາ​ເຮັດ​ວຽກອີກ. ຍິ່ງ​ເຮົາ
​ຫວ່າງ​ງານ​ດົນ​ໄປ​ເທົ່າ​ໃດ ກໍເບິ່ງ​ຄື​ວ່າ ​ເຮົາຈະຍິ່ງ​ຫວ່າງ​ງານ​ດົນ​ໄປ​ຕື່ມ​ອີກ. ​ເບິ່ງ​
ຄື​ວ່າ ມັນ​ເປັນ​ເລື້ອງ​ຫຼອກ​ລວງ ​ແຕ່ກໍ​ໜ້າເສຍ​ໃຈ​ທີ່ມັນ​ເປັນ​ສິ່ງ​ນຶ່ງ​ທີ່​ພວກ​ເຮົາ​ຮູ້
​ວ່າ ມັນ​ກຳລັງເກີດ​ຂຶ້ນ ​ແລະ​ກໍ​ມີສະຖິຕິ​ຢັ້ງຢືນ.”


ທ່ານ Tom Perez ລັດຖະມົນຕີ​ແຮງ​ງານສະຫະລັດ ​ກ່າວ​ວ່າ ຄຳ​ໝັ້ນ​ສັນຍາ​ຂອງ​ພວກ​
ຫົວໜ້າ​ບໍລິຫານ​ບໍລິສັດ​ເຫຼົ່າ​ນີ້ ແມ່ນເປັນ​ເງິນ​ມັດ​ຈຳ​ສຳລັບ​ຄວາມ​ກ້າວໜ້າ​ໃນອະນາຄົດ.

ທ່ານ Perez ກ່າວວ່າ: “ເວລາ​ພວກ​ເຮົາ​ເວົ້າ​ເລື້ອງພວກບໍລິສັດ​ Fortune 100 ​
ຄືພວກ 100 ບໍລິສັດອັນ​ດັບ​ສູງ​ສຸດ​ຂອງ​ສະຫະລັດ​ນັ້ນ ແມ່ນ​ພວກ​ເຮົາ​ເວົ້າເຖິງ
ໂຕທະວີຄູນ​ຂອງ​ກຳລັງ ກໍ​ຄື​ວ່າພວກ​ເຮົາ​ເວົ້າ​ເລື້ອງ​ການ​ຊ່ອຍ​ຜູ້​ຄົນຈຳນວນ ​
ຫຼາຍໆ​ພັນ​ຄົນ​.”


ປະທານາທິບໍດີ ​ໂອ​ບາ​ມາ ​ໄດ້​ລົງ​ນາມ​ໃນ​ຄຳ​ສັ່ງ​ສະບັບ​ນຶ່ງ​ ເພື່ອ​ຮັບປະກັນ​ວ່າ ພວກ​ອົງ
ກອນ​ຕ່າງໆ​ຂອງ​ລັດຖະບານ ຈະ​ຕ້ອງ​ພິຈາລະນາ​ພວກ​ຄົນ​ທີ່​ຫວ່າງ​ງານ​ເປັນ​ເວລາ​ດົນ​
ນານນັ້ນ ​ເວລາ​ເຂົາ​ເຈົ້າ​ທຳ​ການ​ຕັດສິນ​ໃຈ​ວ່າ​ຈ້າງພະນັກງານ. ​ແລະທ່ານ​ໂອ​ບາມາ​ໄດ້
ຕຳ​ໜິຕິຕຽນ​ລັດຖະສະພາ​ ທີ່ປະປ່ອຍ​ໃຫ້​ເງິນ​ຊ່ອຍ​ເຫຼືອ​ແກ່​ພວກ​ຫວ່າງ​ງານເປັນ​ເວລາ​
ດົນ​ນານ​ນັ້ນໝົດ​ໄປ ​ຊຶ່ງ​ທ່ານ​ໂອ​ບາ​ມາ​ກ່າວ​ຕື່ມ​ວ່າ:

“ໃນ​ແຕ່​ລະອາ​ທິດ​ທີ່​ລັດຖະສະພາ​ບໍ່​ຮື້​ຟື້ນ​ເງິນ​ຄ້ຳປະກັນ​ນັ້ນ​ຄືນ​ ກໍ​ຈະ​ມີ​ຊາວອາ
​ເມຣິກັນ​ ປະມານ 72 ພັນ​ຄົນ​ເຂົ້າໄປ​ຮ່ວ​ມຢູ່ໃນ​ຖັນ​ແຖວ​ຂອງພວກ​ຫວ່າງ​ງານ​
ມາ​ເປັນ​ເວລາ​ດົນ​ນານ ທີ່​ໄດ້​ສູນ​ເສຍ​ເສັ້ນ​ຊີວິດ​ດ້ານ​ເສດຖະກິດ​ຂອງ​ເຂົາ​ເຈົ້າ
ໄປ​ຄື​ກັນ​ນັ້ນ.”


ພວກ​ສະມາຊິກ​ພັກ Republican ​ໃນ​ສະພາ​ໄດ້​ໂຕ້​ແຍ້​ງວ່າ ການ​ໃຫ້​ເງິນ​ຫວ່າງ​ງານຕໍ່​ໄປ
​ອີກ​ນັ້ນ ​ແມ່ນ​ເປັນ​ການ​ສ້າງ​ສິນ​ນ້ຳໃຈ ທີ່​ພາ​ໃຫ້​ຜູ້​ຄົນ​ບໍ່​ຢາກໄປ​ຊອກ​ຫາ​ວຽກ​ຫາການ​ເຮັດ.

ທຳນຽບຂາວ​ບໍ່​ໄດ້​ບອກ​ໃຫ້​ຮູ້​ວ່າ ຈະມີ​ຄົນ​ຫວ່າງ​ງານ​ອາ​ເມຣິກັນໜ້ອຍ​ຫລາຍ​ປານ​ໃດທີ່ຈະ
​ໄດ້​ຮັບ​ຜົນປະ​ໂຫຍ​ດຈາກ​ການ​ເດ່​ມື​ເຂົ້າ​ຫາ​ພວກ​ບໍລິສັດ​ຕ່າງໆ​ເຫຼົ່າ​ນີ້​ຂອງ​ທ່ານ​ໂອ​ບາມາ​ ​
ແຕ່​ທ່ານ​ໂອ​ບາ​ມາ​ຫວັງ​ວ່າ ຈະ​ມີ​ຫຼາຍ​ບໍລິ​ສັດ​ຕື່ມ​ອີກ​ເຂົ້າ​ມາ​ຮ່ວມ​ໂຄງການ​ນໍາ.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG