ລິ້ງ ສຳຫລັບເຂົ້າຫາ

ວັນອັງຄານ, ໒໓ ເມສາ ໒໐໒໔

ທ່ານໂອບາມາ ແລະພັກ Republicans ສົນທະນາກັນ ເລື້ອງຕຳແໜ່ງ ຜູ້ພິພາກສາ ສານສູງສຸດ


Vatikanda İsveçrə qvardiyasının andiçmə mərasimi
Vatikanda İsveçrə qvardiyasının andiçmə mərasimi

ປະທານາທິບໍດີສະຫະລັດ ທ່ານບາຣັກ ໂອບາມາ ເປັນເຈົ້າພາບ
ຕ້ອນຮັບບັນດາຜູ້ນຳສະມາຊິກສະພາສູງສັງກັດພັກ Republican
ໃນວັນອັງຄານມື້ນີ້ ເພື່ອສົນທະນາຫາລືກ່ຽວກັບ​ແຜນການຂອງ
​ທ່ານ ​ເພື່ອ​ແຕ່ງຕັ້ງຜູ້ພິພາກສາສານສູງສຸດສະຫະລັດນັ້ນ.

ສານສູງສຸດທີ່ມີສະມາຊິກ 9 ທ່ານ ໄດ້ມີບ່ອນນັ່ງຫວ່າງລົງບ່ອນ​ນຶ່ງ
ຫຼັງຈາກການເສຍຊີວິດຂອງຜູ້ພິພາກສາ Antonin Scalia
ໃນເດືອນແລ້ວນີ້. ແຕ່ວ່າ ພັກ Republican ໄດ້ກ່າວວ່າ
ທ່ານໂອບາມາບໍ່ຄວນ​ແຕ່ງຕັ້ງຜູ້​ພິພາກສາ​ສານ​ສູງ​ສຸດທີ່​ຈະ​ເຂົ້າ
ຮັບ​ໜ້າ​ທີ່ຕະຫຼອດຊີວິດ ໃນປີສຸດທ້າຍຂອງການດຳລົງຕຳ​ແໜ່​ງ
ປະທານາທິບໍດີຂອງທ່ານ ​ໂດຍ​ປະກາດ​ແຕ່ງຕັ້ງ​ດັ່ງກ່າວນີ້
ໃຫ້​ເປັນ​ໜ້າ​ທີ່​ຂອງປະທານາທິບໍດີຄົນຕໍ່ໄປ.

ປະທານາທິບໍດີສະຫະລັດ ທ່ານ Barack Obama ທີ່ກ່າວເຖິງເລື້ອງການສະເໜີຊື່ຂອງຜູ້ທີ່ຈະມາເປັນ ຜູ້ພິພາກສາສານສູງສຸດສະຫະລັດ ໃນທຳນຽບນາວ ນະຄອນຫຼວງວໍຊີງຕັນ, 24 ກຸມພາ, 2016.
ປະທານາທິບໍດີສະຫະລັດ ທ່ານ Barack Obama ທີ່ກ່າວເຖິງເລື້ອງການສະເໜີຊື່ຂອງຜູ້ທີ່ຈະມາເປັນ ຜູ້ພິພາກສາສານສູງສຸດສະຫະລັດ ໃນທຳນຽບນາວ ນະຄອນຫຼວງວໍຊີງຕັນ, 24 ກຸມພາ, 2016.

ຜູ້ນຳສຽງສ່ວນຫຼາຍ​ໃນສະພາສູງ ທ່ານ Mitch McConnell
ແລະປະທານຄະນະກຳມະ ການຍຸຕິທຳ ທ່ານ Chuck Grassley
ໄດ້ກ່າວ ກ່ອນການພົບປະກັນທີ່ທຳນຽບຂາວວ່່າ ພວກທ່ານມີ
ຄວາມຕັ້ງໃຈທີ່ກ່າວເນັ້ນຢ້ຳ ໃນຂໍ້ຄວາມທີ່ວ່ານີ້ອີກ.

ທ່ານໂອບາມາ ຈະເຂົ້າຮ່ວມພ້ອມກັບຮອງປະທານາທິບໍດີ ທ່ານ
Joe Biden ທ່ານ Harry Reid ຜູ້ນຳສຽງສ່ວນນ້ອຍ​ໃນ​
ສະພາ​ສູງ ແລະສະມາຊິກສະພາສູງ Patrick Leathy.

ໂຄສົກທຳນຽບຂາວ ທ່ານ Josh Earnest ໄດ້ກ່າວໃນວັນ
ຈັນວານນີ້ວ່າ ປະທານາທິບໍດີ ແມ່ນ​ເປີດ​ກວ້າງ​ຕໍ່ການໂອ້ລົມ
ສົນທະນາແຕ່ວ່າ ທ່າ​ທີຂອງພັກ Republican “ນັ້ນແມ່ນຍາກ​
ທີ່​ຈະໃຫ້ທ່ານພົວພັນຢ່າງສ້າງສັນ​ໄດ້.”
ທ່ານຍັງໄດ້ກ່າວອີກວ່າ
ສານແມ່ນ​ສ່ຽງ​ຕໍ່ການຖືກ​ໃຊ້​ໃນ​ທາງ​ການ​ເມືອງ.

XS
SM
MD
LG