ລິ້ງ ສຳຫລັບເຂົ້າຫາ

ວັນສຸກ, ໒໓ ກຸມພາ ໒໐໒໔

ທ່ານໂອບາມາ ກ່າວວ່າ ທ່ານພູຕິນ ບໍ່ສາມາດໃຊ້ເລ່ກົນ ເອົາຊະນະ ຝ່າຍຕາເວັນຕົກໄດ້


ຮູບພາບ ປ. ບາຣັກ ໂອບາມາ ຖະແຫລງ ໃນການໃຫ້ສຳພາດ ຕໍ່ອົງການຂ່າວ AP ທີ່ທຳນຽບຂາວ
ຮູບພາບ ປ. ບາຣັກ ໂອບາມາ ຖະແຫລງ ໃນການໃຫ້ສຳພາດ ຕໍ່ອົງການຂ່າວ AP ທີ່ທຳນຽບຂາວ

ປະທານາທິບໍດີ​ ບາຣັກ ​ໂອ​ບາ​ມາ ​ແຫ່ງ​ສະຫະລັດ ກ່າວ​ວ່າ
ບັນຫາ​ດ້ານ​ເສດຖະກິດ​ຕ່າງໆ​ຂອງຣັດ​ເຊຍ ສະ​ແດງ​ໃຫ້​ເຫັນ​
ວ່າ ປະທານາທິບໍດີຣັດ​ເຊຍ ທ່ານ Vladimir Putin ບໍ່ສາ
ມາດ​ໃຊ້​ເລ່ກົນ ຫລືເລ້​ຫຼ່ຽມ ເອົາ​ຊະນະທ່ານ ຫຼື​ສະຫະລັດ ​ໄດ້.

​ໃນ​ການ​ໃຫ້​ສຳພາດ​ກັບ​ຕາໜ່າງ​ໂທລະພາບ CNN ​ໃນ​ວັນ​
ອາທິດ​ວານ​ນີ້ ທ່ານ​ໂອ​ບາ​ມາ ບໍ່​ຍອມ​ຮັບ​ເອົາ​ຄວາມ​ນຶກ​ຄິດ
ທີ່​ວ່າ ທ່ານ​ພູ​ຕິນ​ເປັນ“Chess Master ກໍ​ຄືຄົນ​ເກັ່ງ​ ຫຼື
ຄູດ້ານ​ຫຼິ້ນ​ໝາກຮຸກ​”
ທີ່​ໃຊ້​ເລ້​ຫຼ່ຽມ​ເໜືອ​ສະຫະລັດແລະ​
ຝ່າຍ​ຕາ​ເວັນ​ຕົກ ​ໃນ​ການ​ຕໍ່ສູ້​ກ່ຽວ​ກັບ​ຢູ​ເຄຣນນັ້ນ.

ທ່ານ​ໂອ​ບາ​ມາ ກ່າວ​ວ່າ ທ່ານ​ພູ​ຕິນ ກຳລັງ​ປະ​ເຊີນ​ໜ້າ​ກັບ“ການ​ລົ້ມລະລາຍ​ຂອງ​ເງິນຕາ​
ຂອງ​ທ່ານ ກັບວິ​ກິດ​ການ​ດ້ານ​ການ​ເງິນ​ທີ່​ຮ້າຍແຮງ​ແລະ​ເສດຖະກິດທີ່​ຫົດ​ໂຕເຂົ້າຢ່າງ
ໃຫຍ່.”
ຄ່າ​ເງິນຕາ​ຂອງຣັດ​ເຊຍ​ໄດ້​ຕົກຮວບລົງ ຫຼັງ​ຈາກສະຫະລັດ​ແລະ​ຝ່າຍ​ຕາເວັນ​ຕົກ ​ໄດ້​ບັງຄັບ​ໃຊ້​ມາດຕະການ​ລົງ​ໂທດ​ ເວລາ​ມົສກູ ຍຶດ​ເອົາ​ແຫຼມ Crimea ມາ​ເປັນສ່ວນ​ນຶ່ງ​ຂອງ​ຕົນ​ໃນ​ຕົ້ນ​ປີ​ນີ້. ທ່ານ​ພູ​ຕິນຍັງ​ຄົງ​ມີ​ທ່າ​ທີ​ທ້າ​ທາຍ​ຕໍ່​ມາ​ຢູ່ ​ເຖິງ​ແມ່ນ​ສະພາບ​ເສດຖະກິດ
​ກຳລັງ​ຕົກ​ຕໍ່າຖອຍຫຼັງ ຊຶ່ງ​ເກີດ​ຈາກ​ລາຄາ​ນ້ຳມັນ​ຕົກ​ຕໍ່າລົງ ​ແລະ​ເງິນຕາ ruble ຂອງ​ຕົນ ຕົກລາຄາລົງ 40 ​ເປີ​ເຊັນ​ນັ້ນ.

ທ່ານ​ພູ​ຕິນ ​ໄດ້​ເຕືອນ​ປະຊາຊົນຣັດ​ເຊຍ ​ໃຫ້ກະກຽມ “​ເພື່ອ​ປະ​ເຊີນ​ກັບ​ຄວາມ​ຫຍຸ້ງຍາກ
ບາງ​ຢ່າງ” ​ໃນ​ໄລຍະ​ອີກ​ຫຼາຍໆ​ມື້ ​ແລະ​ຫຼາຍ​ໆ​ເດືອນ​ຕໍ່ໜ້າ. ທ່ານ​ກ່າວ​ວ່າ ປະ​ເທດ​ຂອງ​ທ່ານ​ຈະ​ບໍ່​ຍອມ​ຢຸດ​ເຊົາ “​ໃຫ້ການ​ສະໜັບສະໜຸນ​ແກ່​ເພື່ອນ​ຮ່ວມ​ຊາດ​ດຽວ​ກັນ” ​ ໃນ​
ໄຄຣ​ເມຍ. ກະຊວງ​ການ​ຕ່າງປະ​ເທດ​ຣັ​ດ​ເຊຍ ​ໄດ້​ໃຫ້​ຄຳ​ໝັ້ນ​ສັນຍາ​ທີ່​ຈະ​ຕອບ​ໂຕ້​ຕໍ່​ການ​ລົງ​ໂທດ​ຈາກ​ຝ່າຍ​ຕາ​ເວັນ​ຕົກ​ນັ້ນ.

ວິກິດການເສດຖະກິດ ສົ່ງຜົນະທົບຕໍ່ ຊາວຣັດເຊຍທຳມະດາສາມັນ:

XS
SM
MD
LG