ປະທານາທິບໍດີສະຫະລັດ ທ່ານ Barack Obama ເດີນທາງໄປຍັງ Puerto Rico
ໃນວັນອັງຄານມື້ນີ້ ຊຶ່ງຈະເປັນປະທານາທິບໍດີສະຫະລັດ ຜູ້ທໍາອິດໃນຮອບ 50 ປີ
ທີ່ໄດ້ໄປຢ້ຽມຢາມດິນແດນທີ່ຢູ່ໃນຄວາມຄຸ້ມຄອງດູແລຂອງສະຫະລັດ.
ເປັນທີ່ຄາດກັນວ່າ ປະທານາທິບໍດີໂອບາມາຈະເວົ້າເຖິງເງິນກະຕຸກຊຸກ ຍູ້ເສດຖະກິດໃນ
ມູນຄ່າ 7 ພັນລ້ານໂດລາທີ່ສະຫະລັດໄດ້ຊ່ອຍ Puerto Rico ເວລາທ່ານປຶກສາກັບ
ທ່ານຜູ້ປົກຄອງເກາະດັ່ງກ່າວ ຄືທ່ານ Luis Fortuno. ທ່ານ Fortuno ກ່າວວ່າ ເງິນ
ກະຕຸກຊຸກຍູ້ເສດຖະກິດດັ່ງກ່າວໄດ້ເຮັດໃຫ້ມີການວ່າຈ້າງຄົນງານເພີ່ມຂຶ້ນ ເຖິງແມ່ນວ່າ
ມັນໄດ້ໃຊ້ເວລາດົນນານກ່ອນທີ່ຈະເຫັນຜົນກໍຕາມ. Puerto Rico ມີອັດຕາຄົນຫວ່າງ
ງານສູງເຖິງ 16%.
ທ່ານ Obama ແມ່ນປະທານາທິບໍດີສະຫະລັດຜູ້ທີ 5 ທີ່ໄດ້ຢ້ຽມຍາມເກາະດັ່ງກ່າວແລະ
ເປັນຜູ້ທໍາອິດຫຼັງຈາກມື້ລາງປະທານາທິບໍດີ John F. Kennedy ໄດ້ເດີນທາງໄປຢ້ຽມ
ໃນປີ 1961 ພຸ້ນ.
ການຢ້ຽມຢາມຄັ້ງນີ້ແມ່ນໄດ້ມີຄວາມໝາຍທາງການເມືອງຫຼາຍເປັນພິເສດເພາະວ່າ
ຊາວ Puerto Rico ແມ່ນກຸ່ມຊາວອະເມຣິກາລາຕິນທີ່ໃຫຍ່ ເປັນອັນດັບ 2 ຮອງຈາກ
ຊາວ Mexico ແລ້ວແລະຊາວອະເມຣິກາລາຕິນແມ່ນກຸ່ມປ່ອນບັດທີ່ພວມມີອິດທິພົນ
ເພີ່ມຂຶ້ນ.
