ເບິ່ງວີດິໂອຖະແຫລງການຂອງທ່ານ ໂອບາມາ
ປະທານາທິບໍດີ ບາຣັກ ໂອບາມາ ໄດ້ແຍ້ມໃຫ້ຮູ້ໜ້ອຍນຶ່ງກ່ຽວກັບເນື້ອໃນຂອງລາຍງານ
ກ່ຽວກັບສະພາບການຂອງປະເທດຊາດ ທີ່ທ່ານຈະສະເໜີຕໍ່ປະເທດຊາດໃນອາທິດໜ້ານີ້
ຊຶ່ງທ່ານກ່າວວ່າ ທ່ານຈະປະກາດ “ແຜນຜັງເສດຖະກິດ” ໃໝ່ ທີ່ແນໃສ່ເພື່ອເຮັດໃຫ້ຊາວ
ອາເມຣິກັນທຸກຄົນໄດ້ຮັບຜົນປະໂຫຍດ.
ໃນສານທີ່ກ່າວຢູ່ໃນວີດີໂອທີ່ຖືກນໍາອອກເຜີຍແຜ່ໃນວັນເສົາວານນີ້ ຕໍ່ຜູ້ສະໜັບສະໜຸນ
ທາງການເມືອງຂອງທ່ານນັ້ນ ທ່ານໂອບາມາກ່າວວ່າ ແຜນການຂອງທ່ານຈະຊ່ວຍພາກ ສ່ວນການຜະລິດແລະພະລັງງານຂອງເສດຖະກິດປະເທດຕະຫລອດທັງດ້ານການສຶກສາ,
ການຝຶກງານ ແລະອັນທີ່ທ່ານເອີ້ນວ່າ “ການກັບຄືນໄປສູ່ຄ່ານິຍົມຂອງຄອບຄົວ.”
ທ່ານປະທານາທິບໍດີ ຈະສະເໜີລາຍງານກ່ຽວກັບສະພາບການຂອງປະເທດຊາດປະຈໍາປີ
ຂອງທ່ານ ໃນວັນອັງຄານທີ່ຈະມາເຖິງນີ້ ໃນຄໍາປາໃສຕໍ່ລັດຖະສະພາຄົບຊຸດ ຊຶ່ງຈະທໍາ
ການອະພິປາຍ ແລະລົງມະຕິກ່ຽວກັບຂໍ້ສະເໜີທາງນິຕິບັດຍັດຂອງທ່ານໃນເວລາຕໍ່ໄປ.
ທ່ານໂອບາມາຍັງໄດ້ກ່າວອີກວ່າ ບັນດາຜູ້ແທນລັດ ຖະສະພາທັງຫລາຍ ສາມາດເລືອກ
ເອົານຶ່ງໃນສອງທິດທາງ ຄື ໄປຫາເສດຖະ ກິດທີ່ມີ “ໂອກາດໜ້ອຍກວ່າແລະມີຄວາມຍຸດ
ຕິທໍາໜ້ອຍກວ່າ” ຫລືຈະໄປຫາ ລະບົບທີ່ “ໃຫ້ຜົນປະໂຫຍດຕໍ່ທຸກຄົນ ບໍ່ແມ່ນພຽງແຕ່
ພວກຮັ່ງມີ ທີ່ມີຈໍານວນບໍ່ເທົ່າໃດຄົນເທົ່ານັ້ນ.”
ການຢັ່ງຫາງສຽງປວງຊົນໄດ້ສະແດງໃຫ້ເຫັນວ່າ ຊາວອາເມຣິກັນແມ່ນມີຄວາມເຫັນແຕກ
ຕ່າງກັນ ກ່ຽວກັບການປະຕິບັດງານຂອງທ່ານໂອບາມາໂດຍລວມ ແລະການດໍາເນີນ
ຄວາມພະຍາຍາມຂອງທ່ານ ໃນການເຮັດໃຫ້ເສດຖະກິດ ທີ່ມີບັນຫາຂອງປະເທດມີການ
ຂະຫຍາຍຕົວ.
ເບິ່ງລາຍງານກ່ຽວຂ້ອງກັນ ກ່ຽວກັບການຂັດແຍ້ງກັນລະຫວ່າງສອງພັກ
ການເມືອງໃຫຍ່ຂອງປະເທດ ທີ່ໄດ້ຖ່ວງດຶງເສດຖະກິດ:
