ປະທານາທິບໍດີ ສະຫະລັດ ທ່ານ Barack Obama ໄດ້ສະ
ແດງຄວາມຍິນດີທີ່ບໍລິສັດ Sony ໄດ້ຕັດສິນໃຈນຳອອກສາຍ
ຮູບເງົາ ທີ່ເປັນບັນຫາໂຕ້ແຍ້ງ ກ່ຽວກັບການລອບສັງຫານ ຜູ້
ນຳເກົາຫລີເໜືອ ທ່ານ Kim Jong Un.
ບໍລິສັດ Sony ໄດ້ໂຈະການສາຍຮູບເງົາ ເລື້ອງ “The Inter-
view” ໃນອາທິດແລ້ວນີ້ ຫລັງຈາກເຄື່ອງຄອມພິວເຕີຂອງບໍລິ
ສັດ ໄດ້ຖືກໂຈມຕີ ໂດຍບໍ່ຊາບວ່າ ແມ່ນໃຜເປັນຜູ້ເຮັດ ທີ່ໄດ້
ຂົ່ມຂູ່ວ່າຈະສ້າງຄວາມເສຍຫາຍເພີ້ມເຕີມ ຖ້າຫາກຮູບເງົານຳ
ອອກສາຍຕາມກຳນົດການ. ສະຫະລັດ ໄດ້ຖີ້ມໂທດໃສ່ເກົາ
ຫລີເໜືອ ຕໍ່ການໂຈມຕີທາງອິນເຕີແນັດດັ່ງກ່າວ.
ໃນວັນພຸດມື້ນີ້ ບໍລິສັດ Sony ໄດ້ຕ່າວປີ້ນການຕັດສິນໃຈ ທີ່ຈະຍົກເລີກການສາຍຮູບເງົາ
ດັ່ງກ່າວ ໂດຍປະກາດວ່າ ຈະມີການນຳຮູບເງົານີ້ອອກສາຍໃນຂອບ ເຂດທີ່ຈຳກັດຢູ່ຕາມ
ໂຮງຮູບເງົາຕ່າງໆ ຊຶ່ງຜູ້ຄົນຈະໄດ້ຊົມຮູບເງົານີ້ ຢູ່ຕາມໂຮງຮູບເງົາຕ່າງໆຫລາຍສິບແຫ່ງ
ໃນວັນທີ 25 ທັນວານີ້.
ຢູ່ໃນຖະແຫລງການສະບັບນຶ່ງ ໂຄສົກທຳນຽບຂາວ ທ່ານ Eric Shultz ກ່າວວ່າ ປະທາ
ນາທິບໍດີ ສະແດງຄວາມຍິນດີຕໍ່ການເຄຶ່ອນໄຫວດັ່ງກ່າວ ຊຶ່ງທ່ານກ່າວວ່າ “ປ່ອຍໃຫ້
ປະຊາຊົນເລືອກເອົາດ້ວຍຕົນເອງກ່ຽວກັບຮູບເງົາເລື້ອງນີ້.”
ການໂຈມຕີ ກໍ່ການຮ້າຍ ທາງອິນເຕີແນັດ ຕໍ່ Sony
ປະທານາທິບໍດີ Obama ໄດ້ກ່າວວ່າ ບໍລິສັດ Sony ແມ່ນ “ຜິດພາດ” ທີ່ໄດ້ຍົກເລີກການ
ສາຍຮູບເງົາ ໂດຍກ່າວວ່າ ມັນເປັນການສ່ຽງຕໍ່ການຕັ້ງແບບຢ່າງທີ່ບໍ່ເຄີຍມີມາກ່ອນ ທີ່
“ພວກຜະເດັດການ ສາມາດສັ່ງໃຫ້ມີການກວດກາ” ຢູ່ໃນ ສະຫະລັດໄດ້.
ລັດຖະບານ ທ່ານ Obama ໄດ້ປະກາດທີ່ຈະຕອບໂຕ້ຕໍ່ການໂຈມຕີທາງອິນເຕີແນັດຕໍ່ບໍ
ລິສັດ Sony ແຕ່ບັນດາເຈົ້າໜ້າທີ່ບໍ່ໃຫ້ການຢືນຢັນ ຫລືປະຕິເສດວ່າ ສະຫະລັດໄດ້ຕອບ
ໂຕ້ຄືນ ໂດຍເຮັດໃຫ້ລະບົບອິນເຕີແນັດຂອງເກົາຫລີເໜືອໃຊ້ ການບໍ່ໄດ້ ເປັນເວລາສັ້ນໆ
ໃນອາທິດນີ້.
