ລັດຖະສະພາສະຫະລັດ ໄດ້ເລີ້ມຢຸດພັກຮ້ອນ ເປັນເວລາຫ້າ
ອາທິດ ໂດຍບໍ່ໄດ້ແກ້ໄຂບັນຫາໃດໆ ກ່ຽວກັບການເດີນທາງ
ເຂົ້າມາສະຫະລັດຂອງພວກເດັກນ້ອຍຫຼາຍໝື່ນຄົນ ທີ່ບໍ່ມີເອ
ກະສານຖືກຕ້ອງຕາມກົດໝາຍຈາກພວກປະເທດໃນອາເມລິ
ກາກາງ ຜ່ານຊາຍແດນຕິດກັບປະເທດເມັກຊິໂກນັ້ນ.
ຄວາມສົນໃຈບັດນີ້ ແມ່ນເພ່ງເລັງໃສ່ການເຄື່ອນໄຫວທາງດ້ານ
ບໍລິຫານ ຂອງປະທານາທິບໍດີບາຣັກ ໂອບາມາ ທີ່ອາດຈະດຳ
ເນີນການເລື້ອງນີ້ໂດຍລຳພັງ.
ວິກິດການໃນເຂດຊາຍແດນຍັງມີຢູ່ສືບຕໍ່ມາ ແຕ່ພວກສະມາຊິກລັດຖະສະພາໄດ້ພາກັນ
ໜີອອກຈາກນະຄອນຫຼວງວໍຊິງຕັນ ກັບຄືນໄປຍັງລັດຂອງຕົນ ໂດຍບໍ່ໄດ້ຮັບຜ່ານຮ່າງກົດໝາຍໃດໆກ່ຽວກັບຄົນເຂົ້າເມືອງ ເພື່ອສົ່ງໄປໃຫ້ປະທານາທິບໍດີໂອມາບາ ທີ່ເຫຼືອອົກ
ເຫຼືອໃຈນຳຄວາມຊັກຊ້ານັ້ນ ໄດ້ລົງນາມເປັນກົດໝາຍເລີຍ.
ປະທານາທິບໍດີບາຣັກ ໂອບາມາ ກ່າວວ່າ: “ໂດຍບໍ່ມີຊັບພະຍາກອນຕື່ມອີກ
ແລະຄວາມຊ່ອຍເຫຼືອຈາກລັດຖະສະພາ ພວກເຮົາກໍຈະບໍ່ມີຊັບພະຍາກອນທີ່
ພວກເຮົາຕ້ອງການ ເພື່ອແກ້ໄຂບັນຫານີ້ໃຫ້ໄດ້ໂດຍເຕັມນັ້ນ. ນີ້ໝາຍຄວາມ
ວ່າ ໃນຂະນະພວກສະມາຊິກສະພາ ພາກັນໄປພັກຜ່ອນ ຂ້າພະເຈົ້າແມ່ນຈຳ
ເປັນຈະຕ້ອງໄດ້ທຳການເລືອກທີ່ຫຍຸ້ງຍາກ ເພື່ອຮັບມືກັບບັນຫາທ້າທາຍດັ່ງ
ກ່າວ ເຖິງຈະໄດ້ຮັບ ຫຼືບໍ່ໄດ້ຮັບ ການເຫັນດີຈາກລັດຖະສະພາ ກໍຕາມ.”
ວີດີໂອ: ທ່ານໂອບາມາ ພ້ອມຈະແກ້ໄຂ ບັນຫາຄົນເຂົ້າເມືອງ:
ໃນວັນສຸກຜ່ານມານີ້ ສະພາຕໍ່າ ໄດ້ຮັບຜ່ານຮ່າງກົດໝາຍສະບັບນຶ່ງ ເພື່ອຮັດເຄັ່ງຄວາມ
ປອດໄພໃນເຂດຊາຍແດນ ແລະເລັ່ງລັດການເນລະເທດພວກຄົນເຂົ້າເມືອງຜິດກົດ
ໝາຍ ຢ່າງໄວ. ຮ່າງຍັດຕິດັ່ງກ່າວເປັນທີ່ຮັບບໍ່ໄດ້ ສຳຫລັບພວກສະມາຊິກສັງກັດໃນພັກ
ເດໂມແກຣັດໃນສະພາສູງ ແລະປະທານາທິບໍດີໂອບາມາ. ໃນການເຄື່ອນໄຫວອີກອັນ
ນຶ່ງນັ້ນ ພວກຜູ້ແທນສະພາຕໍ່ສັງກັດພັກ Republicans ໄດ້ລົງມະຕິຮ້ອງຟ້ອງປະທານາ
ທິບໍດີໂອບາມາ ກ່ຽວກັບການເຄື່ອນໄຫວໃຊ້ອຳນາດບໍລິຫານຂອງທ່ານ ໃນຜ່ານມານັ້ນ.
ທ່ານໂອບາມາ ໄດ້ຮ້ອງຂໍຄຳແນະນຳຈາກທ່ານ Eric Holder ລັດຖະມົນຕີຍຸຕິທຳ ແລະບຸກຄົນອື່ນໆ. ອີງຕາມທ່ານ Dan Pfeiffer ທີ່ປຶກ ສາປະຈຳທຳນຽບຂາວນັ້ນ ກໍແມ່ນວ່າ ຍັງບໍ່ມີການຕັດສິນໃຈໃດໆເທື່ອ.
ການເຄື່ອນໄຫວແບບກ້າຫານຂອງລັດຖະສະພາກ່ຽວກັບເລື້ອງຄົນເຂົ້າເມືອງ ຫຼືເລື້ອງ
ອື່ນໆທີ່ສ້າງຄວາມແຕກແຍກກັນ ເບິ່ງຄືວ່າຈະບໍ່ມີຂຶ້ນ ເວລາພວກສະມາຊິກລັດຖະ
ສະພາ ກັບຄືນມາເຮັດວຽກໃນເດືອນກັນຍາໜ້ານີ້ ຊຶ່ງເປັນເວລາພຽງແຕ່ 2 ເດືອນເທົ່າ
ນັ້ນ ກ່ອນການເລືອກຕັ້ງເຄິ່ງສະໄໝ ຫລືກາງສະໄໝການດຳລົງຕຳແໜ່ງຂອງປະທານາ
ທິບໍດີ ຄືເລືອກຕັ້ງເອົາສະພາຕ່ຳຄົບຊຸດ ແລະ ນຶ່ງສ່ວນສາມຂອງສະພາສູງ.
