ການໂຄສະນາຫາສຽງເລືອກຕັ້ງໃໝ່ ຂອງປະທານາທິບໍດີ
ສະຫະລັດ ທ່ານ Barack Obama ຫາເງິນໄດ້ລື່ນຄູ່ແຂ່ງ
ຄືທ່ານ Mitt Romney ນັ້ນ ຢ່າງຫວຸດຫວິດໃນເດືອນສິງຫາ
ຜ່ານມານີ້.
ຜູ້ຈັດການຝ່າຍຫາສຽງຂອງ ທ່ານ Obama ຄືທ່ານ Jim
Messina ໄດ້ອອກຖະແຫລງການໃນວັນອາທິດວານນີ້ວ່າ
ການໂຄສະນາຫາສຽງ ຫາເງິນໄດ້ເຖິງ 114 ລ້ານໂດລາ ໃນ
ເດືອນແລ້ວນີ້ ຮວມທັງທີ່ຫາໄດ້ໂດຍຄະນະກໍາມະການແຫ່ງ
ຊາດຂອງພັກເດໂມແຄຣັທ. ບໍ່ເທົ່າໃດຊົ່ວໂມງກ່ອນໜ້ານັ້ນ
ການໂຄສະນາຫາສຽງຂອງທ່ານ Romney ໄດ້ປະກາດວ່າ
ຕົນໄດ້ຮັບເງິນເຖິງ 111 ລ້ານໂດລາໃນເດືອນສິງຫາ ຮວມກັນ
ກັບຂອງຄະນະກໍາມະການແຫ່ງຊາດຂອງພັກ ຣີພັບບລິກັນ.
ເຖິງແມ່ນວ່າ ທ່ານ Mitt Romney ຫາເງິນໄດ້ໜ້ອຍກວ່າທ່ານໂອບາມາໃນເດືອນສິງຫາກໍຕາມ ແຕ່ກໍເປັນເດືອນທີ່ສາມຕິດຕໍ່ກັນ ທີ່ການໂຄສະນາຫາສຽງຂອງທ່ານ ຫາເງິນໄດ້ກາຍ 100 ລ້ານໂດລາ ແລະທ່ານກໍມີເງິນສົດຢູ່ໃນທະນາຄານ ຫລາຍກ່ວາປະທານາທິບໍດີ ຊຶ່ງຍັງ
ເຫລືອພຽງບໍ່ເທົ່າໃດອາທິດຈະຮອດວັນເລືອກຕັ້ງທົ່ວໄປ ວັນທີ 6 ເດືອນພະຈິກນັ້ນແລ້ວ.
ຢູ່ໃນລາຍການໃຫ້ສໍາພາດທາງລາຍການໂທລະພາບ NBC Meet the Press ໃນວັນອາທິດວານນີ້ ທ່ານ Romney ກ່າວວ່າ ທ່ານຈະຮັກສາຫລາຍໆພາກສ່ວນຂອງໂຄງການ
ຮັກສາສຸຂະພາບຂອງທ່ານ Obama ນັ້ນໄວ້ ເຖິງແມ່ນວ່າ ທ່ານໄດ້ໃຫ້ຄໍາໝັ້ນສັນຍາໃນຕອນ
ຕົ້ນໆວ່າ ຈະລົບລ້າງກົດໝາຍສະບັບນັ້ນທັງໝົດ ຖ້າຫາກທ່ານຖືກເລືອກຕັ້ງ.
ໃນຂະນະດຽວກັນ ທ່ານ Obama ກໍສືບຕໍ່ໂຄສະນາຫາສຽງຫລັງຈາກກອງປະຊຸມຫລວງ ເປັນເວລາສອງມື້ ທົ່ວລັດ Florida ຊຶ່ງເປັນລັດທີ່ສໍາຄັນລັດນຶ່ງໃນການເລືອກຕັ້ງ ທີ່ມີປະຊາກອນໄວເບ້ຍບໍານານ ທີ່ມີສິດປ່ອນບັດຢູ່ຫລາຍ.
ສະຫະລັດ ທ່ານ Barack Obama ຫາເງິນໄດ້ລື່ນຄູ່ແຂ່ງ
ຄືທ່ານ Mitt Romney ນັ້ນ ຢ່າງຫວຸດຫວິດໃນເດືອນສິງຫາ
ຜ່ານມານີ້.
ຜູ້ຈັດການຝ່າຍຫາສຽງຂອງ ທ່ານ Obama ຄືທ່ານ Jim
Messina ໄດ້ອອກຖະແຫລງການໃນວັນອາທິດວານນີ້ວ່າ
ການໂຄສະນາຫາສຽງ ຫາເງິນໄດ້ເຖິງ 114 ລ້ານໂດລາ ໃນ
ເດືອນແລ້ວນີ້ ຮວມທັງທີ່ຫາໄດ້ໂດຍຄະນະກໍາມະການແຫ່ງ
ຊາດຂອງພັກເດໂມແຄຣັທ. ບໍ່ເທົ່າໃດຊົ່ວໂມງກ່ອນໜ້ານັ້ນ
ການໂຄສະນາຫາສຽງຂອງທ່ານ Romney ໄດ້ປະກາດວ່າ
ຕົນໄດ້ຮັບເງິນເຖິງ 111 ລ້ານໂດລາໃນເດືອນສິງຫາ ຮວມກັນ
ກັບຂອງຄະນະກໍາມະການແຫ່ງຊາດຂອງພັກ ຣີພັບບລິກັນ.
ເຖິງແມ່ນວ່າ ທ່ານ Mitt Romney ຫາເງິນໄດ້ໜ້ອຍກວ່າທ່ານໂອບາມາໃນເດືອນສິງຫາກໍຕາມ ແຕ່ກໍເປັນເດືອນທີ່ສາມຕິດຕໍ່ກັນ ທີ່ການໂຄສະນາຫາສຽງຂອງທ່ານ ຫາເງິນໄດ້ກາຍ 100 ລ້ານໂດລາ ແລະທ່ານກໍມີເງິນສົດຢູ່ໃນທະນາຄານ ຫລາຍກ່ວາປະທານາທິບໍດີ ຊຶ່ງຍັງ
ເຫລືອພຽງບໍ່ເທົ່າໃດອາທິດຈະຮອດວັນເລືອກຕັ້ງທົ່ວໄປ ວັນທີ 6 ເດືອນພະຈິກນັ້ນແລ້ວ.
ຢູ່ໃນລາຍການໃຫ້ສໍາພາດທາງລາຍການໂທລະພາບ NBC Meet the Press ໃນວັນອາທິດວານນີ້ ທ່ານ Romney ກ່າວວ່າ ທ່ານຈະຮັກສາຫລາຍໆພາກສ່ວນຂອງໂຄງການ
ຮັກສາສຸຂະພາບຂອງທ່ານ Obama ນັ້ນໄວ້ ເຖິງແມ່ນວ່າ ທ່ານໄດ້ໃຫ້ຄໍາໝັ້ນສັນຍາໃນຕອນ
ຕົ້ນໆວ່າ ຈະລົບລ້າງກົດໝາຍສະບັບນັ້ນທັງໝົດ ຖ້າຫາກທ່ານຖືກເລືອກຕັ້ງ.
ໃນຂະນະດຽວກັນ ທ່ານ Obama ກໍສືບຕໍ່ໂຄສະນາຫາສຽງຫລັງຈາກກອງປະຊຸມຫລວງ ເປັນເວລາສອງມື້ ທົ່ວລັດ Florida ຊຶ່ງເປັນລັດທີ່ສໍາຄັນລັດນຶ່ງໃນການເລືອກຕັ້ງ ທີ່ມີປະຊາກອນໄວເບ້ຍບໍານານ ທີ່ມີສິດປ່ອນບັດຢູ່ຫລາຍ.
