ປະທານາທິບໍດີ ບາຣັກ ໂອບາມາ ໄດ້ກ່າວອອກມາໃນວັນເສົາ ວານນີ້ຕ້ານການໂຈມຕີຍິງປືນໃສ່ຄລິນິກວາງແຜນຄອບຄົວໃນລັດ ໂຄໂລຣາໂດ ວ່າ “ພໍແລ້ວ ຢ່າໃຫ້ເກີດຂຶ້ນອີກ”
ທ່ານ ໂອບາມາ ໄດ້ກ່າວໃນຖະແຫຼງການວ່າ “ນີ້ບໍ່ແມ່ນເລື່ອງປົກ ກະຕິ. ພວກເຮົາຈະປ່ອຍໃຫ້ມັນກາຍເປັນເລື່ອງປົກກະຕິບໍ່ໄດ້,” ໃນຂະນະທີ່ບັນດາເຈົ້າໜ້າທີ່ໃນຫຼາຍລັດໄດ້ກວດສອບປະຫວັດ ຂອງມືປືນທີ່ຕ້ອງສົງໄສທີ່ຖືກຄວບຄຸມໂຕໄວ້ບໍ່ເທົ່າໃດຊົ່ວໂມງຫຼັງ ຈາກ ການໂຈມຕີດັ່ງກ່າວ.
ທ່ານ ໂອບາມາ ກ່າວວ່າ “ຖ້າພວກເຮົາເປັນຫ່ວງກ່ຽວກັບເລື່ອງ ນີ້ແທ້ໆຖ້າພວກເຮົາຈະຖວາຍຄວາມຄິດ ແລະ ສວດມົນອີກຄັ້ງໜຶ່ງ, ສຳລັບພະເຈົ້າເພິ່ນ ຮູ້ວ່າຈັກເທື່ອແລ້ວ, ກັບຄວາມຮູ້ສຶກສຳນຶກທີ່ສະອາດຢ່າງແທ້ຈິງ, ພວກເຮົາຈຶ່ງຕ້ອງໄດ້ເຮັດ ບາງຢ່າງກ່ຽວກັບການຄອບຄອງອາວຸດ ສົງຄາມຢູ່ຕາມທ້ອງຖະໜົນຂອງພວກເຮົາກັບຄົນ ທີ່ບໍ່ມີໜ້າທີ່ໃນການໃຊ້ມັນ. ເລື້ອງນີ້ໃຫ້ຢຸດພຽງເທົ້ານີ້. ທໍ່ນີ້ພໍແລ້ວ.”
ການໂຈມຕີໃນຕອນກາງເວັນຂອງວັນສຸກທີ່ຜ່ານມາໄດ້ກໍ່ໃຫ້ເກີດການຍິງປະທະກັນ ແລະ ພົບ ທາງຕັນກັບຕຳຫຼວດໃນເມືອງ Colorado Springs, ເຮັດໃຫ້ຕຳຫຼວດຄົນໜຶ່ງ ແລະ ຜູ້ຮັບ ເຄາະຮ້າຍສອງຄົນເສຍຊີວິດ. ອີກ 9 ຄົນໄດ້ຮັບບາດເຈັບ.
ໃນຕອນຄ່ຳຂອງວັນເສົາວານນີ້, ຕຳຫຼວດຍັງບໍ່ໄດ້ເປີດເຖິງເຜີຍສາເຫດຂອງການໂຈມຕີ ດັ່ງກ່າວ. ແຕ່ວ່າຮູບພາບໜຶ່ງໄດ້ເລີ່ມປະກົດອອກມາວ່າ ຜູ້ຕ້ອງສົງໄສທ້າວ Robert Lewis Dear ອາຍຸ 57 ປີ, ພ້ອມກັບເຈົ້າໜ້າທີ່ ແລະ ຄົນຮູ້ຈັກຫຼາຍຄົນໄດ້ອະທິບາຍວ່າລາວເປັນ ຄົນທີ່ຢູ່ໂດດດ່ຽວ ເຊິ່ງເຄີຍຖືກຈັບມາກ່ອນ ພ້ອມກັບຖືກບັງຄັບໃຫ້ຢູ່ພາຍໃຕ້ກົດໝາຍໃນລັດ ໂຄໂລຣາໂດ ແລະ North Carolina.
ແຫຼ່ງຂ່າວຂອງຕຳຫຼວດຕໍ່ມາໄດ້ອ້າງການກ່າວຂອງທ້າວ Dear ວ່າ “ບໍ່ໃຫ້ມີອະໄວຍາວະຂອງ ເດັກນ້ອຍເກີດໃໝ່ອີກ” ຊຶ່ງເປັນການອ້າງອີງຢ່າງຊັດເຈນໃສ່ການແທ້ງລູກ ທີ່ປະຕິບັດໃນຄລິ ນິກບາງແຫ່ງ, ໃນຂະນະທີ່ລາວໄດ້ຖືກນຳໂຕອອກໄປຈາກຈຸດເກີດເຫດອາຊະຍາກຳໃນວັນ ສຸກທີ່ຜ່ານມາ.
ກ່ອນໜ້ານີ້, ຕຳຫຼວດເມືອງ Colleton ລັດ North Carolina ໄດ້ກ່າວເປີດເຜີຍການລາຍງານ ຕໍ່ໜັງສືພິມ The Washington Post ກ່ຽວກັບການພົບເຫັນຕົວຢ່າງຂອງຜູ້ຕ້ອງສົງໄສຢ່າງ ໜ້ອຍ 7 ຄົນທີ່ພົວພັນໃນການຂັດແຍ້ງ ຫຼື ການຜິດຖຽງກັນກັບຄົນຂ້າງບ້ານ ຫຼື ຜູ້ທີ່ອາໄສຢູ່ໃນ ພື້ນທີ່ຄົນອື່ນໆ.
ນັກສືບສວນສອບສວນລັດຖະບານ ໄດ້ສຳພາດອະດີດເພື່ອນບ້ານຂອງທ້າວ Dear ໃນອີກ ເມືອງໜຶ່ງຂອງລັດ North Carolina ໃນຕອນບ່າຍຂອງວັນເສົາວານນີ້.
