ປະທານາທິບໍດີສະຫະລັດ ທ່ານ Barack Obama
ກັບຄືນໄປຍັງເຂດອ່າວເມັກຊິໂກອີກຄັ້ງນຶ່ງ ໃນວັນຈັນມື້ນີ້
ເພື່ອຢ້ຽມຢາມສາມລັດທີ່ໄດ້ຮັບຜົນກະທົບຈາກນ້ຳມັນຮົ່ວທີ່
ຮ້າຍແຮງນັ້ນ.
ໃນການຢ້ຽມຢາມສອງມື້ ທີ່ລັດ Mississippi,
Alabama ແລະ Florida ແມ່ນຈະເປັນເທື່ອທຳອິດຂອງ
ທ່ານໂອບາມາ. ການຢ້ຽມຢາມສາມຄັ້ງກ່ອນຫນ້ານີ້
ແມ່ນໄດ້ເພ່ງເລັງໃສ່ແຕ່ລັດ Louisiana ທີ່ໄດ້ຮັບຜົນ
ກະທົບທີ່ຮ້າຍແຮງສຸດ.
ຫລັງຈາກກັບຄືນເມືອນະຄອນຫລວງ Washington ໃນແລງວັນອັງຄານມື້ອື່ນ
ທ່ານ Obama ຈະກ່າວຄຳປາໃສ ຊີ້ແຈງຕໍ່ປະຊາຊົນ ຈາກຫ້ອງທຳງານ Oval Office
ກຽ່ວກັບແຜນການຕ່າງໆຂອງທ່ານ ເພື່ອຊ່ວຍເຫລືອພວກຂົງເຂດທີ່ຖືກກະທົບຟື້ນໂຕ
ຄືນນັ້ນ.ແລະໃນວັນພຸດທີ່ຈະມາເຖິງນີ້ ທ່ານຈະທຳການປຶກສາຫາລືກັບຄະນະບໍລິຫານ
ຂອງບໍລິສັດນ້ຳມັນຍັກໃຫຽ່ BP ແລະກົດດັນໃຫ້ BP ຈັດຕັ້ງກອງທຶນພິເສດຂຶ້ນ
ເພື່ອຈ່າຍຄ່າເສຍຫາຍຕ່າງໆ ໃຫ້ແກ່ພວກບຸກຄົນແລະບໍລິສັດຕ່າງໆ ທີ່ໄດ້ຮັບຜົນ
ກະທົບ ຈາກຄວາມຫາຍະນະຄັ້ງນີ້.
ທາງບໍລິສັດ BP ຖແລງວ່າ ມາຮອດປະຈຸບັນ ນ້ຳມັນຮົ່ວໄຫຼໃນຄັ້ງນີ້ແມ່ນໄດ້ສ້າງຄວາມ
ເສັຍຫາຍໃຫ້ແກ່ບໍລິສັດ ເປັນມູນຄ່າຮອດ 1 ພັນ 600 ລ້ານ$ແລ້ວ.
